سلام عليكم كيف حالكم جميعا
واخيرا تم حجز رحلة الطيران بعد تفكير وعناء 😅😅
المهم الرحلة من 5 يونيو الى 17يونيو (شخصين، شهر عسل&#128522
طبعا الاقلاع يوم جمعه من مطار جده الساعه ٨ صباحا والوصول ١٢:٣٠ ظهرا بتوقيت ميونخ😍

المهم مابي اطول عليكم😃
ياليت تساعدوني بخط سير الرحلة بحيث يكون مافيه تنقلات كثير، لاني مابي اتعب نفسي بصراحه، وبوريكم خط سير الرحلة الي فكرت فيه

طبعا بعد الوصول واستلام السيارة
التوجه الى قارميش او القرى المجاوره لها لمدة ٣ ليالي
بعدها التوجه الى زيلامسي او كابرون لمدة ٧ ليالي
واخر يومين في ميونخ.

قارميش من 5يونيو الى 8 يونيو
زيلامسي من 8 يونيو الى 15يونيو
ميونخ من 15 يونيو الى 17 يونيو

اتمنى اشوف اقتراحاتكم وبنفس الوقت الاماكن الي تنصحوني بزيارتها وشكرا من القلب❤

انتظركم😔

و عليكم السلام و رحمة الله و بركاته ...

خط سيرك المقترح قليل التنقلات و كل المناطق المختارة ريفية ما عدا أخر يومين في ميونخ هي المدينة الوحيدة ..
بالنسبة لكابرون أو زيلامسي كلاهما جنب بعض الفرق حوالي 7 كم .. و يمكن تزور سالزبوغ تبعد عن كابرون حوالي ساعة بالسيارة ..
و أيضاً تزور أنسبورك قريبة من قارمش ..
و تزور القمة الثلجية في كابرون .. و شلال كريمل .. و التلفريك و زحليقة سلفادين الصيفية .. مناطق كثيرة ..
هذا اللى يحضرني الآن ...

بالتوفيق ...

فكرت اسكن بسالزبورغ بس السكن كان اسعاره غاليه.
بالنسبة للبنزين كم تقريبا الميزانيه؟ هل ٩٠٠ ريال كافيه

خط سيرك ممتازه وخصوصا قلة التنقلات
تقدر تجلس ليله في كونجسي وموقعها بين سالسبورغ وميونخ
بحيره رايقه ولازم اجلس فيها في كل سفره لي
ولا تنسى رحلات اليوم الواحد بما ان عندك سياره مثل ما قال اخونا ابو معتز انسبورك
ومحيط زيلامسي ( الوادي كله جميل ورايق )
ميونخ انصحك تزور الحديقة الانجليزيه والحديقة الاولومبيه
حاول لاتروح للحديقة الانجليزيه بالويك اند او باليوم المشمس المناظر ما تصلح للمحافظين
صرفك للبنزين يعتمد على نوع السياره فلو تاخذ سياره صغيره احسن لك بما انكم اثنين بس
واذا حصلت ديزل فأكيد افضل لك
المبلغ اللي انت حاطه يمكن تزيد عليه 200 - 300 ريال لأنك بتروح مشاوير داخل الارياف
لاتنسى تحط الملصق لسيارتك اذا دخلت النمسا تلقاه بالمحطات اذا ماخانتني الذاكره سعره 9 او 10 يوريو لمدة 10 أيام
ما اذكر اني اشتريت ملصق لأني كنت داخل الارياف وقليل ادخل طرق سريعه