10-03-2020, 11:26 AM
|
#19 |
مسافر جديد
تاريخ التسجيل : Oct 2019 رقم العضوية : 31599 الجنس : ذكر المشاركات : 54
| 
الحلقة السادسة
في هذا اليوم كانت وجهتنا الى ديزني لاند و طبعا حجزنا التذاكر اونلاين قبلها بيومين و اخترنا نضيف عليها الاكسبرس باس او الفاست تراك.
صحينا الصباح و فطرنا في البيت و جهزنا و توجهنا لدزني لاند اللي تبعد ربع ساعه عن الشقه (الحمدلله اول مشوار قصير)
توجهنا هناك و رحنا جهة المواقف, التنظيم للمواقف جدا رائع .. ناس واقفين ينظمون المواقف بحيث ان كل لاين يمتلي اول عشان يفتحون اللاين الثاني.
وقفنا و توجهنا لجهة الباصات المقله الى البارك و بعد وصولنا توجهنا للحديفة الاولى اللي هي ديزني كاليفورنيا ادفانتشر لاند.
بدينا نلعب سعود في و كان جدا مبسوط و اغلب الالعاب كانت له .. المكان ممتع الجو العام جميل و الاحلى التشورو حق دزني كان لذيذ.
بعدها قررنا انا و المدام نلعب لعبة الاصنصير و كانت كما اذكرها رهييييبه و تخوف و تحس انك تطير.
بعدها كملنا تمشي في البارك و سعود نشب الا يصبغ وجهه و صبغناه و فجأه شفنا الحب الاولي لسعود سبايدرمان طبعا الاصلي مهو مثل النصاب هذاك.
اخذ سبايدرمان سعود بالاحضان و سعود بدأ يسولف معاه و يسوي له حركة الخيوط بيده.. ما تصدقون فرحة سعود لما شاف سبايدرمان ياخذ و يعطي معاه.. اخذنا كم صوره رائعه مع شيخ العناكب بعدها قررنا نتغدى في احد المطاعم اللي هناك.
طبعا الاكل مش ولا بد بس مشي حالك.
قررنا نروح للبارك الثاني.. و كانت اغلب الالعاب للاطفال و بدينا نلعب سعود لين تعب و نام.
هنا الحريم بدأت غزوتهم الثالثه بمحلات ديزني و شراء ملابس للاحفاد و الصغار و انا ماسك عربية سعود و جالس استقبل مسجات البنك بالمبالغ المخصومه ههههههههههه
بعدها توجهنا لميكي داون تاون و هو المكان اللي فيه بيوت ميكي و ميني و غيره من شخصيات ديزني الاساسية.
سعود صحى و اخذته داخل بيت ميكي.. تمشينا داخل بيته الجميل و في اخر جزء قابلنا شيخ الفيران ميكي ماوس,, سلم عليه سعود و تصور معاه و طبعا سواله حركة سبايدرمان مع ان ماله دخل بس خلاص مسكت غلط.
بعدها قررنا نطلع و نرجع للبيت لان صارت الساعه 6 و التعب حل علينا بعد يوم ممتع مليء بالاثاره
طبعا مشوار الرجعه ما اخذ اكثر من عشرين دقيقه و رجعنا لشقتنا الجميله.
راجع لكم باليوم الجديد و رحلة ضواحي ارفاين و حديقة الفراولة |
|  |
157الاعجاب
العرض الشجري
المواضيع المتشابهه 
