26-11-2020, 09:28 AM
|
#12 |
خبير تركيا
تاريخ التسجيل : Jun 2015 رقم العضوية : 4027 الجنس : ذكر المشاركات : 3,400
| 
 |
تقرير جميل الله يعطيك العافية
نعم زرت انا هذي المناطق كلها منتجع الجاز كستمونو وداداي وسينوب وشلال ارفليك في سينوب
المنطقة جميلة لكن حاره في الصيف والعشب يصفر بسرعة يعني شهر 8 الارض جافه مب مثل شمال تركيا. اتوقع احلى وقت لزيارتها شهر 4 و 5 و 6 ..
سكنا 3 ليال في منتجع جميل في قرية داداي اسمه اكسير https://goo.gl/maps/Sf7XdRf4KGTu8e4c6 ، وكنا نتجول في القرية   والريف جميل حولنا البحيرة والمزارع ومنها زرنا كستمونو شفتها مدينة حليوه عادية يعني يمكن لان زرناها في الليل.
ومنها زرنا منتجع الجاز وفي الطريق له غابة فيها مطعم جميل بجلساته الخارجية https://goo.gl/maps/7w7CQcFVDQUSGz2CA والمنطقة تشتهر بزراعة الثوم تلقى بياعين الثوم طول الطريق
ثم انتقلنا الى سامسون مرورا بسينوب وشلال ارفليك. سينوب عبارة عن شبه جزيرة فيها مباني حلوة على البحر ومطاعم وكافيهات وجولات قوارب وعندهم نوع مميز من القوارب الخشبية تشبه قواربنا في الخليج ( المحامل التقليدية ) https://goo.gl/maps/SxfzqnBkSNB84kMM7 المدينة كأنها على نمط اوروبي.
وشلال ارفليك عبارة عن عدة شلالات متسلسلة كل ماتصعد تشوف شلال والمنطقة حول الشلال جميلة https://g.page/erfelektatlicaselaleleri?share
وفي منطقة في سينوب اسمها همسي لوز .. مثل جرف كبير على البحر دارت فيه معارك بين العثمانيين والاتحاد السوفيتي و فيه شاطئ جميل للسباحة https://goo.gl/maps/qo4kNd2R6zReF1876
حلوة هذي الاماكن وممكن تجمع معاها صفران بولو واماسرا وبارتين من جهة الغرب
أو سامسون وايباستي واماسيا من جهة الشرق ..
كتغيير عن طربزون وماحولها للي تكررت زيارتهم للشمال التركي | | ما شاء الله عليك بوصلوح خبره في المنطقة
الله يعطيك العافيه |
|  |
30الاعجاب
العرض الشجري
