شخصياً مستبعد زيارة البوسنة و لا تظهر على شاشة الخيارات عندي !!
و أضفت لها جوروجيا - ألبانيا - أوكرانيا - كوسوفو
و كل هالطقة .. ما هي جوي نهائي ...
حتى النمسا !! يا أخي زيلامسي و كابرون في الصيف كأنك في دولة
خليجية من العربان فيها ..!! و كل شئ فيها غالي و السبب أستغلال
بعض الأفراد من جنسيات عربية للسياح الخليجين

و الله فشلونا يا أبو غسان
و المشكلة اللى خلت الأسعار ترتفع أنهم ما يهتمون و لا تفرق مع بعضهم
أذكر صيف 2019 رحت أوروبا و أنا هناك كلمني زميل و عرف أنا في النمسا ..
و على طول قال لا يفوتك تروح مزرعة الغزلان !! قلت وش فيها؟
قال يطبخون لك لحم غزلان و يسون زر مندي و سلطات
قلت له و الله كنت أحسب أنها مثل المنتجع نروح نتمشى !!
المهم بعدين عرفت أنه لازم تحجز علشان تروح تأكل ربع غزال بحدود 1500 ريال !!!
ليه الفجعة ؟؟ 1500 ريال أكل فيها أسبوع أطلق أكل أنا و عيالي

هل عندك هزة رأس من الهيل الهندي

وقفوه فترة طويلة يستخدمون مواد كيماوية محظورة في زراعة الهيل
شخصياً لا أثق فيه

و الله الطبيعة شئ مريح للنفس و الهدوء و الأسترخاء مطلوب
أذكر سكنت كوخ في منطقة تبعد عن بحيرة زيلامسي 7 كيلو فقط
و جلست فيه 7 أيام و ما حولي أحد يمكن المنطقة فيها فقط 5 أكواخ
و مقابل السكن غابة و شلال ما تسمع إلا هدير الماء ...
و درجة الحرارة في أغسطس كانت 18 درجة و أمطار و ضباب و غيوم
و مع هالأجواء .. بحيرة زيلامسي اللى مسنترين عندها الربع ما مريتها
إلا مره وحده مدة 4 ساعات تقريباً و كان الوقت العصر فاضية .. !!