هذا مطار ايفانو يا شباب ... أصغر مطار شفته في حياتي .
لما وصلناه خفت ... ماهو بسبب شكله ! خفت أني رحت لمكان غلط بسبب صغره ولكن لما قرأت كلمة معلقة فوق فهمت من شكل الكلمة فقط من دون قرائتها أنها مطار ولما شفت عرب يطهبلون حول الباب الوحيد أرتحت .

ممكن أرفع تقرير واسميه "خرعة المطارات" لعدة تجارب مريت بها .

مساء الخير جميعا ....

أذكر ابو غسان سألني عن التسوق ، أرشح لكم هذا المول Ocean Plaza فيه كل الماركات ، كالفن ، تومي ، لاكوست ، جاب وغيرها كثير وفيه محلات عطور ونظارات وساعات .



الأسعار تقرببا أقل بنصف السعر عن الموجود عندنا أما العطور نفس أسعارها في باريس .







أما ماركات برادا وأخواتها موجودة على شارع خريشاتك أشهر شارع في كييف وهي ما هي على الشارع مباشرة ، موجودين في شارع فرعي صغير يتقاطع مع شارع خريشاتك .

وأذكر ابو محمد سألني عن العسل ، بصراحة ما شفته يباع بأي مكان ، اللي أشوفه هو التوت الأزرق يبيعونه بكل مكان والأكثر منه باقات الورد بكل مكان يبيعونه بأكشاك صغيره حتى في بوكوفل ، عندهم باقات الورد شي رئيسي ما أدري ليه تشوفهم بالشوارع ماسكينه ويمشون بشكل ملفت.