تقرير آخر سفره الى كاليفورنيا ديسمبر 2019 (قبل الكورونا)

العنان · 17-05-2021, 04:31 PM

universalstudioshollywood

تجربة تحبس الانفاس بمعنى الكلمة، كنا مخططين لزيارته خلال فترة تواجدنا في لوس انجلوس لكن ما حجزنا التذاكر اون لاين وكان السبب لغاية في نفس يعقوب، المهم صحينا يومها الصبح وهل وفريقنا في البيت وبعدها جهزنا شنطة الباك باق اللي انا طبعا اشيلها طول اليوم وكان فيها شواحن متنقله كاميرات تصوير البنات الفورية مناديل لزقات جروح وبعض التسالي والخرابيط، بعد ماخلصنا ركبنا السيارة وتوجهنا الى كوفي شوب طحنا عليه قهوته عجيبه وتجيب الكيف صرنا قبل كل انطلاقه نمر عليه وناخذ من عنده وباحط لكم اسمه وعنوانه، بعد ما اخذنا القهوة ادخلنا عنوان يونيفرسال ستديو وتوجهنا لها، كانت الساعة تقريبا 11 الصبح لما وصلنا الجو كان مشمس وبارد نوعا ما كنت لابس هودي لان اخف للحركة وفي نفس الوقت يحمي من الهوا البارد، طبعا توجهنا للبناية اللي فيها مواقف السيارات وطبعا دفعنا تذكرة لوقوف السيارة وبعدها وقفنا السيارة وتوجهنا لمنطقة شراء تذاكر الدخول وهني بدت الشغلة اللي في نفس يعقوب تتحرك، هذي راح تكون ثاني مره لنا لزيارة يونيفرسال ستوديو المرة الاولى كانت في 2015، المهم كنت حاب ان تكون هالتجربة ممتعة ومشوقة اكثر كانت اكشاك بيع التذاكر موزعة في المدخل الرئيسي وكان في بعض الموظفين اللي يعطون الواحده فكره ونبذة عن المكان واسعار التذاكر، شفت لي موظف وقعدت اتكلم معاه وخليت له يشرح لي عن تذاكر الفي اي بي وهذا سبب عدم شرائي تذاكر اون لاين كنت حاب اعرف اكثر عن الفي اي بي عطانا بعض التفاصيل بعدها توجهنا لمبنى جانبي للزوار اللي حابين يعيشون هذه التجربة بنوع من الفخامة والأولوية طبعا من ضمن المميزات هو وجود معانا مرشد طوال فترة تواجدنا في الثيم بارك مهمته: مرافقتنا في جولة سياحية بعربات خاصة لاستكشاف المكان ، الدخول في تجربة حية لعبت الخدع السينمائية، حجز مقاعد لبعض العروض الاستعراضية في مقاعد في اي بي، الدخول لبعض الالعاب من مدخل خاص بالفي اي بي، بعد ماسمعنا كل هالمميزات توكلنا على الله واخذنا التذاكر الفي اي بي (بصراحة نسيت القيمة كم كانت بس اتوقع بتكون مذكورة في موقع يونيفرسال) بعد ما اخذنا التذاكر دخلنا لمبني الفي اي بي وكان عبارة عن جلسات للاستراحة ويتوفر فيها وجبات خفيفة مجانية ومشروبات باردة جلسنا تقريبا نص ساعه بعدها جات المرشدة اللي بترافقنا واخذتنا في الجولة، بصراحة في البداية كان شوي قلبي يعورني على المبلغ اللي دفته لانه ماكان بسيط بس للامانه بعد تقريبا نص المدة اللي قضيناها والخدمات والمميزات اللي خذناها تأكدت ان كل دولار اندفع كان يستاهل انه اندفع واي واحد حاب انه يزور المكان انصحه الاستفادة من هالخدمة المميزة اللحين اتركم مع بعض الصور اللي اخذناها:
خلال الجولة خذونا لمنطقة فيها نماذج للعربات و المركبات اللي قامت يونيفيرسال بانتاجها طبعا انا لما شفت هالسيارات خنقتني العبرة هي للمسلسل الكارتوني The Flintstones هذا المسلسل كان من اكثر المسلسلات الكارتونية اللي كانت تشدني بالصغر واحب متابعتها

خلال الجولة اللي اخذناها مرينا على موقع تصوير لأحد الافلام وكان في جزء من حطام طائرة في منطقة سكنية
من أحلى اجزاء الثيم بارك كان منطقة قصر التنين واللي هي باينه بالصورة
خلال منتصف جولتنا قرر نتغدى منها لسد الجوع ومنها للراحة لان مع الحركة والالعاب بدا التعب شوي وكانت فرصة ان الواحد يشحن طاقته من جديد، وبعد ما جلسنا وطلبنا الاكل الا نشوف الاخ جاي يسلم علينا ويعطينا كم قصة من قصة الخيالية في بنسلفينيا

بعد ماغابت الشمس بدوا الناس يزدادون وزينة احتفالات راس السنه والانارة كانت معطية للمكان جمالية خيالية

قطرية كول, q8ya metnaqla, Abu Muataz و 5 آخرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الي سيرلانكا 2019 ديسمبر	artist dreamsss	بوابة الهند وسيرلانكا	16	14-02-2022 10:06 AM
مشورتكم في رحلتي الي الفلبين مع العائله ديسمبر 2019	Dawas	بوابة الفلبين	2	10-11-2019 08:46 AM
شهر العسل تايلند ديسمبر 2019	alshaia	بوابة تايلند	7	23-09-2019 09:42 PM
شهر العسل تايلند ديسمبر 2019	alshaia	بوابة تايلند	0	06-09-2019 09:25 AM
سفره شتويه نهاية ديسمبر	موجة بحر	بوابة البوسنة	12	16-10-2018 05:41 PM