مساعدة في السفر إلى جورجيا

Rolls-Royce · 16-06-2021, 03:48 PM

اقتباس : المشاركة الأصلية كتبت بواسطة الايمان

وعليكم السلام هلا اخوي رولز
أتمنى اجازة سعيدة لقريبتك واللي معاها
الجو بهذه الفترة بالنهار حار وبالليل الجو بارد يهبل واكيد بالنهار مو مثل حراره جونا بالخليج
بالنسبة للفندق انا افضل الفندق اللي سكنت فيه لان موقعه ممتاز ماراح يحتاجون تاكسي كل الاماكن قريبة ويروحون لها مشي
وكذلك الفندق وايد نظيف واسعاره مناسبة جدا خصوصا هذه الفترة ضروري الفندق يكون نظيف ومعقم بسبب الفايروس .

ضرورة عمل فحص pcr في اليوم الثالث واستلام النتيجة وممكن طباعتها بالفندق

الافضل الاتفاق مع الفندق بسيارة تاخذهم من المطار واذا وصلوا المدينة يأجرون سيارة من مكاتب التاجير وايد منتشرة هناك
بالنسبة لي ايجار السيارة افضل من تاجير سايق وسيارة وخصوصية اكثر
الشوارع سهلة والمرور عندهم ممتاز وقوقل ماب شغال عندهم
بالنسبة للادوية محد فتشنا ولا سألوا عن اي شي مع اني كانت معاي وصفه من الطبيب لكن مايدققون
واي استفسار حياك الله

وعليكم السلام ورحمة الله وبركاته
الله يحييك أختي ايمان
الله يسعدك هي مسافره لوحدها ما معها أحد
تمام الجو كذا الله يعطيك العافيه حسب توقعي و حسب موقع الطقس بس قلت اتأكد
قلت لها بخصوص الفندق الى انتِ سكنتيه و عطيتها أفضل الفنادق الى عي الماريوت
وهي أختارت
بصراحة اختارت حسب الأسم عشان الماريوت
الحمدلله نقطة الفحص تم اكتمال معلوماتها

الحرمه ما تعرف تسوق بس بإذن الله برنامج Bolt
راح يساعدها و التمشي في المنطقة سهل و الأماكن قريبه جنب بعض و Bolt راح يفيدها ايضاً

هي بتحجز عن طريق بوكنق هل في موقع بوكنق خدمة السيارة من المطار تأخذك للفندق

الأدوية إن شاء الله ما تحتاجها يمكن البندول بس سمعت كلام إنه ممنوع فبلغتها

آخـــرفـــرصـــةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السفر الى جورجيا	ابو تالين	بوابة جورجيا و اذربيجان	16	24-06-2021 04:10 PM
احتاج مساعدة في رحلتي الى جورجيا .	Molok almatrafi	بوابة جورجيا و اذربيجان	5	14-12-2019 08:08 PM
طلب مساعدة فى جورجيا	نبع الحياه	بوابة جورجيا و اذربيجان	4	08-06-2018 08:13 AM
لخبراء جورجيا مساعدة	رجل مشع	بوابة جورجيا و اذربيجان	3	09-12-2017 06:53 PM
السفر الى جورجيا	أميرة الأميرة	البوابة السياحية	1	11-08-2016 02:39 AM