آخر أيام الصيفية فى جنوب القارة الأفريقية.......(جنوب أفريقيا مارس 2015)

Bika · 23-07-2015, 02:59 PM

بسم الله الرحمن الرحيم

الحلقة الخامسة (الانتقال الى الجاردن رووت)

السلام عليكم ورحمة الله وبركاته

صباح يوم الثلاثاء 24 -3-2015

صباح مشمس فى مدينة بريتوريا العاصمة الجنوب افريقية
كان معاد الطيارة الى جورج من جوهانسبرج الساعة 3 ونصف عصرا
فكان عندنا وقت ناخد جولة سريعة فى بريتوريا وجوهانسبرج
قررت انى اصحى براحتى اليوم ده واريح شوية
بس لقيتهم بيصحونى الفجر علشان راكن العربية وواحد عاوز يطلع من جنبى
مفيش فايدة
المهم صحيت وكان الجو بارد شوية
صور من ساحة البيت

خرجنا من الفندق نتجول فى شوارع بيتوريا
وهو موجود فى المنطقة المركزية

شوارع مدينة بريتوريا

طبعا زحمة مقارنة بنيلسبرت

لا دى زحمة جدا

قررنا التوجه الى جوهانسبرج وتحديدا الى ساندتون سيتى

الطريق تقريبا بياخد ساعة

وبدأت جوهانسبرج تلوح فى الافق

وكعادة مدن جنوب افريقيا
الاحياء الفقيرة على اطراف المدن

وها هى ساندتون سيتى

ركنا العربية فى الباركينج واخدنا جولة فى المول

وبعدها خرجنا الى ساحة نيلسون مانديلا

الاجواء كانت رائعة فى جوهانسبرج الصبح درجة الحرارة كانت فى حدود 20 درجة

كانت الساعة تقريبا 10 فى معظم المطاعم والكافيهات كانت فاضية

كان فى بعض التصليحات فى الساحة

بعد كده دخلنا المول وذهبنا الى الفود كورت
وفى مطاعم هناك حلال كتيير جبنا اكل
وكان فى مباراة كريكت بين جنوب افريقيا ونيوزيلندا فى قبل النهائى كاس العالم
وكان الشعب الجنوب افريقيى كله بيتفرج فى شاشات المول
وهايصين وانا مش فاهم اللعبة بتتلعب ازاى
بس كنا بنشجع معاهم وخلاص

خرجنا مكملناش المباراة لان كان فى موعد مع صديق لينا بيشتغل فى جوهانسبرج
خرجنا ورحنا مكان جنب ساندتون زى مجمع كافيهات كده

قعدنا فى كافيه قعدة سريعة كده لان الساعة كانت 12 وده معاد التحرك للمطار

وصلنا المطار
وكنت متوقع الاقى محطة بنزين هناك بس للاسف ملقتش ورجع العربية ناقصة نص التانك تقريبا
بس هم خصموا تمن البنزين من الكارت بعد كده

الطريق من ساندتون للمطار تقريبا نص ساعة

تسليم العربية تقريبا فى 3 دقايق بياخد المفتاح ويشوف الورق وخلاص
مشينا بالعربية 1860 كيلو فى اربعة ايام

دخلنا المطار ودخلنا على كاونتر شركة kulula وسلمنا الشنط

وانتظرنا الطيارة تقريبا ساعة

والطيارة بتاعتنا اهه

صور من جوهانسبرج قبل ما نتحرك

وتقريبا بعد ساعة ونص وصلنا الى جورج

وواضح جدا اختلاف الطبيعة والاجواء عن جوهانسبرج

وطائرتنا بعد سلامة الوصول

روحنا استلامنا الشنط والى مقر شركة هرتز واستلام السيارة
كانت نوعها كيا بيكانتو وكانت ماشية 5000 كيلو فقط
واتجهنا الى نايزنا الطريق تقريبا مدته ساعة

وبكده نكون خلصنا الحلقة
هى حلقة سريعة وخفيفة علسان تريحوا بس شوية

تقييم الاماكن
مول ساندتون انا شايفه عادى جدا جدا حتى ساحة نيلسون مانديلا عادية
يعنى لو فى وقت تزوره مفيش يبقى مش مستاهل خالص التقييم 6\10

مطار جوهانسبرج كبير وواسع وفيه كل الخدمات
مطار جورج مطار صغيرجدا بس منظم

القاكم فى الحلقة القادمة و (أول ايام الجاردن رووت)

الى اللقاء

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
“لا ريزيدانس” جنوب أفريقيا	شارلوك هولمز	بوابة جنوب افريقيا	23	27-12-2017 01:41 AM
الأغنياء في جنوب أفريقيا يدفعون نقودا ليحيون حياة الفقراء	الغردقاوي	بوابة جنوب افريقيا	36	02-04-2016 07:04 AM