اصبحنا و اصبح الملك لله
اليوم الثالث
الاربعا تاريخ 2021/12/8
قعدنا من الصبح للريوق ونطلع من فيلا دي ليفا نبدي جدولنا لليوم الثالث..

الباص راح يمشي 8 ص

يعني القعده الساعه 6

تريقنا برا الفندق في مطعم عند الساحه صغير وحلو





الساحه





طبعا كانت وصخه من عقب احتفال امس البطول كلها مكسره على الارض ..







المناطق التي تعرف الآن بكولومبيا نفسها كانت مسكونه بسكانها الأصليين، ومنهم شعب المويسكا والكيمبايا وتايرونا. ووصلوا الإسبان عام 1499 وبدوا حملة من الغزو والاستعمار أدت في النهاية إلى إنشاء غرناطة الجديدة وهي تتبع التاج الإسباني وعاصمتها بوغوتا.
وحصلت على الاستقلال من إسبانيا عام 1819، ولكن مع حلول عام 1830 كانت كولومبيا الكبرى قد انهارت بانفصال فنزويلا والإكوادور ما يعرف الآن بكولومبيا وبنما كوّنت جمهورية غرناطة الجديدة .
عام 1863 بولايات كولومبيا المتحدة ، حتى تم إعلان جمهورية كولومبيا عام 1886 وانفصال بنما عام 1903.

يعني كولومبيا كانت تضم " فنزويلا - الاكوادور - بنما " كلم في دوله وحدة ..










وصلنا مطعم الريوق









طبقي المعتاد





مع تعديل المزاج hot chocolate



هذا باص يتمشى في المنطقة او يأجرونه للمناسبات او قروبات



الحمدلله على النعمه .. ومتجهين الى الباص



شرينا قروضات للطريج وتوكلنا على الله وطلعنا من فيلا دي ليفا ..
ماذا تفعل في فيلا دي ليفا ؟

قبل ما اكمل معاكم راح احط بعض الاشياء اللي ممكن تسونها في هالمنطقة ..

مثلا السكن في مثل هالمخيمات منتشره عندهم وحلوه

https://www.booking.com/hotel/co/gla...s=1&#hotelTmpl



او هذا وفي غيره وايدد

https://www.booking.com/hotel/co/ori...s=1&#hotelTmpl



وهذي الحديقة فيها zipline وانشطة حلوه

http://www.aventuraparkvilladeleyva.com/



و زيارة سوق السبت



وزيارة شلال
Cascadas La Periquera



هذول بعض الانشطة حبيت اضيفهم ممكن تفيدكم وفي اكثر طبعا ..

ونكمل معاكم من الطريج
طلعنا من فيلا دي ليفا الى المنطقة المقصوده بيراتشارا Barichara
اذا من غير توقف يبيلنا 4 ساعات ونص .. بس لازم نوقف استراحات وغدا ..







وقفنا اول محطة عقب ساعه و ثلث مدة تقريبا 10 دقايق في قرية اسمها Barbosa ن اللي يبي حمام عزكم الله واللي قهوه واللي يتمشى اشوي وخذيت هالجم صوره ..





قلبي عورني وانا اشوف لعبة الياهال شلون صايره و صاحبها اهو اللي يفرهم من غير كهربا واقول في قلبي ناس عايشه على قدها ومستانسه وبسيطة و ناس مو عارفين شلون يستانسون على الخير اللي عندهم فسقانين وعيالهم ما يعجبهم العجب..







هذا المطعم الكولومبي يعتبر كنتاكي عندهم .. يعزونه وااايد مع انه عندهم كنتاكي..







وحق محبين القهوه

ونكمل معاكم الطريج

مع شبس الموز اللذيذ









عصر ما قبل كولومبس

نظراً لموقعها الجغرافي، كانت الأراضي الحالية لكولومبيا ممراً من السكان بين أمريكا الوسطى ومنطقة البحر الكاريبي والأنديز و الأمازون.
أقدم المكتشفات الأثرية هي من مواقع في مونسو (Monsú) وبوبينزا (Pubenza) ويرجع تاريخها إلى 20,000 قبل الميلاد.
بقايا أخرى بعد تشير إلى وجود احتلال في وقت مبكر في مناطق مثل إل أبرا (El Abra) الواقعة بين توكانسيبا (Tocancipá) وسيباكيرا (Zipaquirá)، وتيكينداما (Tequendama) في (Cundinamarca) هالمواقع تتوافق مع فترة هنود باليو.
وتم العثور على آثار من العصر القديم في منطقة بويرتو أورميغا (Puerto Hormiga) ومن ضمنها أقدم آثار فخارية تم اكتشافها في أمريكا ويرجع تاريخها إلى 3000 قبل الميلاد.



بعد تقريبا ساعتين من باربوزا وصلنا محطة الغدا في قرية
Socorro

وبالتحديد مطعم casa magaly

https://www.instagram.com/magaly_eventos/?hl=en

عباره عن مطعم ومكان للمناسبات والاحتفالات ..
وصادف وقتنا في عرس ..





من الداخل



القرية وايد صغيرة يعني تعتبر محطة عبور

















وهذا صاحب المطعم سألنا من وين قلنا الكويت
ولا يفاجأنا ويقول انا كنت مشارك في التحرير من الغزو



ووصل طبقي الحلو مع هبتي كولومبيانا



بطاطهم في كولومبيا نوعيته غير اللي عندنا واايد حلوو

الحمدلله على النعمه



نافذة على الجدران المعتقة .. تهمس لي ببعض ذكرى .. حكايات ممزوجه بأساطير التاريخ المنسي .. لحظة ماثله امامي .. أطيل النظر في تصميمها .. أغرق أكثر و أكثر .. أضيع في ذلك الضوء ينساب بداخلي.. أتيه في الزمكان.. يأخذني لعالم من بعض عوالم .. حرب ضروس .. ملحمه خالدة .. ميثولوجيا العشق .. لحن يعزف على قيثارة قلب .. عالم متمازج .. وعالم حالم .. واقع يقذف بك .. مرة أخرى تائه انت في تلك اللحظة .. ثم تجد نفسك فينة أخرى تقف عند النافذة .. تغلقها بمفتاحك السري .. وترمية بعيداً طائراً يحلق بجناحيه يخفي حكاياتك..





وكملنا الطريج الى باريتشارا Barichara





وصلنا باريتشارا عقب ساعه تقريبا من منطقة الغدا

نزلنا حق هايك بسيط و صغير عشان نروح على مطل حلو قبل ما نروح السكن ..



Barichara

في عام 2010 تقديراً لتاريخها وهندستها المعمارية وإمكاناتها السياحية ، تم إعلانها (مدينة تراثية في اليونسكو). وإنها من بين 11 منطقة فقط على مستوى كولومبيا تم اختيارها لتكون جزءًا من المجموعة الأصلية .





المنطقه اشوي متعبه وايد فيها صعود ونزول بس للامانه وااايد حلوه ما كان ودنا نمشي عنها صغيرة وملمومه والكل يعرف الثاني ..
عددهم ما يزيد عن 8000 نسمه .. وبعضهم كبار في العمر ..









ابي ارجع













ونصعد ونصعد
الربو يلعب لعب معاي الحمدلله على كل حال















فاتحين بيوتهم ويعزمون على القهوه







ما أوحش الطرقات اذا خلت من احبابك وما للدروب معانٍ والأحباب بعَاد..











عصر ما قبل كولومبس

حوالي 10,000 قبل الميلاد كانت الأراضي التي تكون كولومبيا الحديثة مأهولة بالسكان الأصليين ومن ضمنهم المويسكا والكيمبايا وتايرونا،عاشت المجتمعات البدائية قرب بوغوتا في (في إل أبرا ووتيكينداما) وتاجرت مع بعضها البعض ومع الحضارات التي عاشت في وادي نهر ماجدالينا.
في بداية الألفية الأولى قبل الميلاد، طوّرت مجموعات من الهنود الحمر نظام "زعماء القبائل" مع هيكل هرمي للسلطة بقيادة زعيم القبيلة.
سكن شعب المويسكا بشكل رئيسي المنطقة لما يكون الآن إدارتي بوياكا وهضبة كونديناماركا المرتفعة كانوا يزرعون الذرة والبطاط والكينوا والقطن، وتاجروا بالذهب والزمرد والأغطية والخزف اليدوي، والكوكا والملح مع الشعوب المجاورة.
سكن شعب تايرونا شمالي كولومبيا في سلسلة جبال سييرا نيفادا التابعة لسلسلة جبال الأنديز.





ووصلنا المطل المكان خيال بالصج





اسم مكان المطل

Mirador de Barichara

فيديو المطل



















وبدينا ننزل نتمشى بين السكيك و السنتر



هذا المحل عنده مواعين اتشوق









ومستمرين في المشي









وهذا المحل كله شغلهم وشغل يدوي

















وبعد تقريبا 3- 4 ساعات مشي و صلنا سكنا







السكن في باريتشارا لمدة ليلتين
في فيلا خاصه للبنات و فيلا للشباب ..

اسم الفيلا

Casa Yahri

الموقع الالكتروني

https://www.yahri.com/index

تقدرون اذا قروب تاخذون كل الفيلا مثل حالتنا او غرفه اذا ما كنتوا قروب ..



الضيافه



بعض الصور الليلية للفيلا



المكان اشوي بعيد عن السنتر بجم سكه و فيها صعود بس وايد حلو ..





الفيلا بصراحه ما ودكم تطلعون منها

ردوني كوووولومبيا

مكان الباربيكيو







هذي القعده عند غرفة البنات اللي معانا خوات ..





فيديو قصير من الفيلا سمعوا صوت الطبيعه بس هالاصوات كانت موجوده طول الليل ..

">" type="application/x-shockwave-flash" wmode="transparent" width="425" height="344">

وهذي غرفه ثانية تحت
الفيلا صايره تقريبا 3 مستويات اللي فيها قعدة البنات فوق وهذي بالوسط و انا وحده ثانيه بالمستوى الثالث اللي تحت ..



نزلت المستوى الثالث اهني غرفتي وغرفة وحده من البنات..



وهذي غرفتي والخضرا جدامي وتخيلوا الاصوات اللي راح تسمعونها

بيني وبينكم خفت من الاصوات اللي كنت اسمعها بس مستانسه بنفس الوقت لانها تجربة يديده وحلوه علي ..



وبسم الله دخلنا الغرفه



















وخذينا التك توك لمطعم العشا



هذا مطعمنا

Nativa Poke y café





ونشوف هالمخلوق اللي تقولون معاقبينه على هالوقفه



ودخلنا المطعم وصل عشانا







الحمدلله على النعمه ..

وراجعين الفيلا بالتوك توك عشان انام ورانا فزعه من الصبح ..



انتهى اليوم الثالث والقاكم ان شاء الله في اليوم الرابع من الرحله