اصبحنا و اصبح الملك لله
اليوم ال 12
اليمعه تاريخ 2021/12/17

قعدت من الساعه 5 الفير ورانا طياره وخلال 24 ساعه ركبنا 3 طيارات .. كارتاخينا تستاهل المبيت فيها اقل شي 3 ليالي حلوه و حولها جزر جميلة تستاهل الزيارة .. قايدنا بس خلانا ليله فيها او اقل لان يقول الاغلب ما يدورون البراد و مايبون الحر والرطوبة واحنا قلنا العكس حلوه الواحد يقعد فيها جم يوم حتى سوقها حلو ..

لازم نكون في مطار كارتاخينا الساعه 6:30 ص عندنا طياره الى بوغوتا ترانزيت وبعدين نكمل رحلتنا .. أنا وواحد من المسافرين و القايد الكويتي اما باقي القروب يطلع من كارتاخينا على الكويت ..

فندقنا الجميل ودعناه





مطار كارتاخينا
Rafael Núñez International Airport



خلصنا بوردنغ على طيران Avianca



الطيران الداخلي في مطار كارتاخينا من غير سوق حره في محلات بسيطه



ما في ممر السعاده ولا باص نروح الطياره مشي نطلع بالشارع لي الطياره







الى لقاء قريييب كارتاخينــــا



عقب طيران ساعه ونص من وصلنا بوغوتا من كارتاخينا





اول ما طبينا المطار طلعنا بسرعه و رحنا نسوي تشيك ان لان ورانا طيران دولي .. مطار بوغوتا وكولومبيا عموما لما الواحد يطلع منها يجيكون على فيزتهم ووين رايحين .. خلصنا امورنا ودخلنا سوق الحره..

سوق الحره في بوغوتا حلوه وكل شي فيه والمطار ما شاء الله كبير







ونقول الى لقاء قــريب يا كـــولــــومبيـــــا



بصراحه دوله ما شبعت منها تستاهل الزيارة اكثر من مره و اكتشافها اللي شفته شي من لا شي ..
لو سألتوني ترجعين بقولكم أكيييييد ارجع وبقوه

انتهت رحلة كولــومبيا وابتدي معاكم رحلة شبكتها مع كولومبيا وقلت لازم ازورها و اشوفوها ..

اتمنى يعجبكم تقرير كولومبيا ويفيدكم لو قررتوا زيارتها ..

شكـــرا لمتـــابعتكـــم وتشجيعكـــــم ..

الى اللقاء في التقرير الياي
لمتابعة التقرير والدوله اللي عقب كولومبيا زرتها في هاللنك


https://www.arabtrvl.com/vb/t49320.html