23-05-2022, 08:42 AM
|
#5 |
مسافر جديد
تاريخ التسجيل : Apr 2022 رقم العضوية : 46290 الدولة : السعوديــة الجنس : ذكر المشاركات : 39
| 
اليوم الثالث 3 مايو
صحينا الصباح وفطرنا وعينا من الله خير ومثل ماقلت لكم حبيت اجرب الحمامات الكبريتيه
خصوصا انها بتكون غرفة كامل لك ولعيالك ..
توجهنا لهناك عن طريق تطبيق بولت عندهم نوعين من الغرف الكبيرة اللي اخذتها
فيها سونا وجاكوزي بالاضافة الى صالة جلوس وبركة المياة الكبريتيه الساعه 180 لاري ..
لو عندك المناشف خير بركه لو ماعندك سعر المننشفة 10 لاري ..
بتقولك لو حاب شخص يفركك ويسوي لك مساج خفيف الشخص ب 15 لاري وطبعا فيه رجال وحرمة كبيرة ..
الرجال للرجال والحرمة للجريم ..
بتقولك لو تبي ابريق شاي سعر الابريق 20 لاري وطبعا لك حرية الاختيار ..
انا اخذت مناشفي معي وطلبت بريق شاي نروق وحجزت لاربع اشخاص تنظيف ومساج ..
السعر الاجمالي 260 لاري
الجلسة والشاي ..
تجربة جيده وكسر روتين لك ولعيالك خصوصا انا كنت حاط في جدولي القرية المائية لكن
صادف الوقت امطار وبرد نوعا ما فقلت ماراح ننبسط في القرية المائية ,,
بعدها رجعنا الفندق علشان نتروش ونتجهز لطلعة مرة ثانية ..
بعدها تغدينا في شارع العرب وانا من وجهة نظري اسوء مكان لابد ان تزوره هههههه عاد حلوها ..
هو الشارع فكرته واجوائه حلوة لكن عيبة الاستقلال والاسعار قياسيا بالديره يعتبر مبالغ فيها ..
لكن لابد ان تزوه تغديت في مطاعم اصحابه سعودين اكلهم صراحه حليو ماعليه طلبنا سلطات وشوربة
وبرياني ومشروبات بسعر 170 لاري ..
بعدها طلعنا تمشينا قلنا نبعد شوي عن الزحمة ونخفف الاكل وبعدها نطلب سيارة نروح بحيرة السلاحف ..
هنا صار لي موقف وانا نانتظر وصول السيارة مع الغجر وهم بزرارن يطرون من اول ماتشوفهم تعرف ان وراهم بلا ..
ملابسهم وسخه ومشققه ويمشون حافين وحالتهم حاله ..
كانو 4 اطفال تقريبا تترأسهم بنت يمكن عمرها 15 سنه جاتني تورني اصبعها انها مجروحه وفيها دم
لفيت وجهي عنها جات من الجهه الثانية شوي تدخل صبعها في عيني 
في نفس الوقت باقي الببزران يجون من وراي يحاولون ياخذون اللي في جيبي انا حسيت فيهم دفيت
البنت بقوة عني ولفيت يدي في نفس الوقت وسطرت البزر اللي وراي ورحت له بكمل عليه هم انتبهو
ان الشارع فيه كاميرا قالو له واشرو لبعض انه في كاميرات والله فكني منهم راحو وجات سليمة ..
وبعدها وصلت السيارة وتوجهنا الى بحيرة السلاحف ~
هي بحيرة في اعلى جبل حولها اشجار ويعتبر ممشى للرياضين وفيها تأجير قوارب والعاب بسيطة
مثل التنس والفريره والعاب اطفال واكشاك قهوه وكم مطعم مطلين على البحيرة ..
استأجرنا قارب ب 50 لاري نص ساعه لكنه يخليك على راحتك ..
الاجواء كانت خيال رذاذ مطر ووقت غروب 
بعدها لبعنا تنس طاول برضو نص ساعه ب 10 لاري ..
بعدها جلسنا في مطعم كانو الجو عليل تقهوينا وحلينا وبعد ماطالت الجلسة والرواق طلبنا بيتزا وشاي
الرحلة عبارة عن اكل 
وجلسنا الى الساعه 11 ونص تقريبا وطلبنا سيارة ورجعنا القندق وانتهى يومنا الثالث
المصاريف ..
الاكل 300 لاري
المواصلات 50 لاري
|
|  |
202الاعجاب
العرض الشجري
المواضيع المتشابهه 
