ايمان في اذربيجان - الصفحة 6

الايمان · 31-08-2022, 12:49 PM

صباح / مساء السفر

هذا يومنا الثالث في اذربيجان وهذا يوم السفر الى قابالا ( سويسرا اذربيجان )
صحينا من الصبح ولابد من التشييك على الجو

الجو مشمس وحار الله يعيننا على الدرب

نزلنا تريقنا بالبوفيه

هذه سيارتنا اللي أجرناها

نصيحة : عند التأجير في دولة أنصح بالتأمين الشامل دفعوا مبلغ زيادة لكن راح ترتاحون
اللي صار معانا في اذربيجان ان التأمين كان شامل لكن وقعوا زوجي ان في حاله حصول حادث وكان الخطا عليه يتحمل التصليح

وهذا الشي اعتبره مخالف للقانون لأن التأمين الشامل يغطي جميع أنواع الحوادث
المهم مافي مجال للنقاش ولا في حل ثاني توكلنا على الله واستلمنا السيارة
طبعا حذرونا وايد من الشرطة وطلبهم لمبالغ مالية

توكلنا على الله وشغلنا قوقل ماب وحطينا جبل النار
وهو يعتبر من أشهر المعالم في اذربيجان وهو عباره عن جبل اطرافه فيها نار مشتعلة بسبب وجود الغاز

هذا المدخل ومكتب شراء التذاكر

شرينا 3 تذاكر

المكان مافيه شي غير اطراف الجبل اللي فيها النار مشتعله لكن لابد من زيارة عشان نشوف هذه الظاهره

كملنا طريقنا الى قابالا

مكسرات للطريق

فجأة وقفنا شرطي وقال عليكم مخالفة سرعه
أخذ رخصة القيادة ودفتر السيارة من زوجي وراح قعد في سيارة الشرطة ياتدفعون يا تقعدون بسيارتكم
طلع زوجي (20 منات ) الاخ ماعجبه المبلغ طلب (50) والا ماراح لأعطيكم الرخصة ودفتر السيارة .
اضطرينا لدفع المبلغ وكملنا طريقنا حسبي الله ونعم الوكيل فيهم
لفينا أغلب دول اوروبا (الكفار) محد وقفنا واخذ رشوه ماشفت هالشي الا في دول المسلمين في المغرب واذربيجان
( هذه تجربتي الشخصية )

Abu Muataz, AL Tunaiji, q8ya metnaqla و 6 آخرون معجبون بهذا.

Abu Muataz · 31-08-2022, 01:07 PM

اقتباس : المشاركة الأصلية كتبت بواسطة الايمان

نصيحة : عند التأجير في دولة أنصح بالتأمين الشامل دفعوا مبلغ زيادة لكن راح ترتاحون
اللي صار معانا في اذربيجان ان التأمين كان شامل لكن وقعوا زوجي ان في حاله حصول حادث وكان الخطا عليه يتحمل التصليح

وهذا الشي اعتبره مخالف للقانون لأن التأمين الشامل يغطي جميع أنواع الحوادث

طبعا حذرونا وايد من الشرطة وطلبهم لمبالغ مالية

فجأة وقفنا شرطي وقال عليكم مخالفة سرعه
أخذ رخصة القيادة ودفتر السيارة من زوجي وراح قعد في سيارة الشرطة ياتدفعون يا تقعدون بسيارتكم
طلع زوجي (20 منات ) الاخ ماعجبه المبلغ طلب (50) والا ماراح لأعطيكم الرخصة ودفتر السيارة .
اضطرينا لدفع المبلغ وكملنا طريقنا حسبي الله ونعم الوكيل فيهم
لفينا أغلب دول اوروبا (الكفار) محد وقفنا واخذ رشوه ماشفت هالشي الا في دول المسلمين في المغرب واذربيجان
( هذه تجربتي الشخصية )

أجل التأمين الشامل وش سنعه .. ؟ تدفع علشان تفك عمرك و بالأخير ما يفيدك اللى دفعته

و لا عاد تلاقيها من نصب الشركات و إلا من شرطتهم بالطريق !!!

بالله هذي ديار تستحق أن أحد يزورها ؟؟

q8ya metnaqla, الايمان, توبليرون و 2 آخرون معجبون بهذا.

الايمان · 01-09-2022, 09:10 AM

اقتباس : المشاركة الأصلية كتبت بواسطة Abu Muataz

أجل التأمين الشامل وش سنعه .. ؟ تدفع علشان تفك عمرك و بالأخير ما يفيدك اللى دفعته

و لا عاد تلاقيها من نصب الشركات و إلا من شرطتهم بالطريق !!!

بالله هذي ديار تستحق أن أحد يزورها ؟؟

اي والله يا ابو معتز طلع التأمين الشامل مامنه فايدة اذا الخطأ عليك
فعلا عانينا من الشركة ومن شرطتهم
الحمدلله رحلة وعدت

Abu Muataz, آخـــرفـــرصـــة و توبليرون معجبون بهذا.

um Muataz · 31-08-2022, 04:52 PM

اقتباس : المشاركة الأصلية كتبت بواسطة الايمان

والله الافضل يا ابو معتز انك ماتفكر فيها نهائيا
مشكلتهم ماعندهم حسن تعامل مع الضيف او السائح
يبيلهم مليوووون سنة عشان يصيرون دول سياحية

لا لا يا ايمان شوفي انا صح في بلدان ما اهضمها وهذي منهم بس اقول يمكن يبيلها شويت أيجابيات من البداية واغض عن السلبيات . طبعاً ما ابي اجرب الين تتغير اشياء عندهم .

Abu Muataz, الايمان, توبليرون و 1 آخرون معجبون بهذا.

بن قوت · 31-08-2022, 12:50 PM

انا من زمان شايلها من قاموسي
وجورجيا
لن ولا اسافر لهما

q8ya metnaqla, الايمان, توبليرون و 1 آخرون معجبون بهذا.

الايمان · 31-08-2022, 01:12 PM

من القهر بسبب تصرف الشرطي رحنا الى استراحه نغير جو

شرينا ايس كريم نبرد على قلبنا من القهر والجو الحار

بعد ماريحنا بالاستراحة وصلينا كملنا دربنا الى قابالا

الحجز في قابالا عباره عن فيلا مع حمام سباحة تم الحجز عن طريق بوكينغ

Qafqaz Wood Chalet

قبل الوصول اتصلنا عليهم لان مالقينا موقعهم
رد علينا واحد قال الحين راح اعطيكم المفتاح
اول ماوصل وفتح باب الفيلا قال وين حجزكم عطاه زوجي اوراق الحجز من بوكينغ رفضهم وقال ابي حجزكم اللي على الموبايل .
طلعت الحجز أخذ الموبايل وضغط على الغاء الحجر

انصدمت من تصرفه وسألناه ليش لغيت الحجز قال عادي الموضوع سهل وانا راح أتفاهم مع بوكينغ

وطلب منا تسديد المبلغ كاش
للاسف ماعندنا هذا المبلغ كاش عندنا المبلغ بالفيزا
قال انا اخذكم للبنك وسحبوا المبلغ وافقنا ( مافي اليد حيله )
وللاسف السحب الكاش من البنك خذوا عمولة (8 بالميه على المبلغ )

نصيحة : لاتخلون شي يعكر مزاجكم ورحلتهم طنشوا واستمتعوا

هذه صور من الفيلا

المطبخ

AL Tunaiji, q8ya metnaqla, بن قوت و 4 آخرون معجبون بهذا.

الايمان · 01-09-2022, 09:08 AM

اقتباس : المشاركة الأصلية كتبت بواسطة بن قوت

انا من زمان شايلها من قاموسي
وجورجيا
لن ولا اسافر لهما

زين تسوي يا ابو نواف

توبليرون و آخـــرفـــرصـــة معجبون بهذا.

الايمان · 31-08-2022, 01:21 PM

استلمنا الفيلا وطبعا عكس الصور اللي شفناها في بوكينغ
والفيلا مو نظيفه دقينا عليه وطلبنا منه تنظيف الفيلا للاسف رفض ووافق فقط على تبديل شراشف السرير

طبعا محدثكم تدبست بالتنظيف

رحنا السوبر ماركت وشرينا اغراض للعشاء لان مالنا مزاج نطلع نتعشا بره او نحتك مع هذا الشعب

وهذا عشانا

انتهى يوما الاول في قابالا وأتمنى اني ما ازعجتكم في سرد القصص والاحداث اللي صارت معانا

وأرجع وأقول هذه تجربتي الشخصية يمكن ماتصير مع غيري )

Abu Muataz, AL Tunaiji, q8ya metnaqla و 7 آخرون معجبون بهذا.

AL Tunaiji · 31-08-2022, 02:15 PM

بالعكس ما أزعجتينا بالمواقف اللي حصلت لكم ، هذه دروس نتعلم منها

المثل يقول : روح بعيد وتعال سالم

ترديد البعض لمقولة البلد قريبه أو رخيصة أو أكل حلال ما أقنعتني خلال السنوات الماضية

هناك دول أعتبرها من دول الموضة ومن ضمنها أذربيجان والتي إشتهرت بسبب تسويق البعض لها

دول مواقعها السياحية قليلة ومتواضعه وشعبها غير مهذب أو إستغلالي أو حقود ليست من ضمن مخططاتي

أسافر لأذربيجان لمجرد أشوف هذه الشعلة من النار ، عندي خيارات ثانية ، تايوان فيها أيضا

هناك دول تتمتع بتنوع جيولوجي مثل تايوان ونيوزيلاندا وتتفوق على كثير من الدول

أسافر في رحلة لأكثر من 8 ساعات لبلد فيه تنوع ومكتمل الخدمات وشعب يحترم السائح أفضل لي من زيارة هذه الدول حتى لو واجهت صعوبة في اللغة والأكل

Abu Muataz, q8ya metnaqla, بن قوت و 6 آخرون معجبون بهذا.

الايمان · 01-09-2022, 09:21 AM

اقتباس : المشاركة الأصلية كتبت بواسطة AL Tunaiji

بالعكس ما أزعجتينا بالمواقف اللي حصلت لكم ، هذه دروس نتعلم منها

المثل يقول : روح بعيد وتعال سالم

ترديد البعض لمقولة البلد قريبه أو رخيصة أو أكل حلال ما أقنعتني خلال السنوات الماضية

هناك دول أعتبرها من دول الموضة ومن ضمنها أذربيجان والتي إشتهرت بسبب تسويق البعض لها

دول مواقعها السياحية قليلة ومتواضعه وشعبها غير مهذب أو إستغلالي أو حقود ليست من ضمن مخططاتي

أسافر لأذربيجان لمجرد أشوف هذه الشعلة من النار ، عندي خيارات ثانية ، تايوان فيها أيضا

هناك دول تتمتع بتنوع جيولوجي مثل تايوان ونيوزيلاندا وتتفوق على كثير من الدول

أسافر في رحلة لأكثر من 8 ساعات لبلد فيه تنوع ومكتمل الخدمات وشعب يحترم السائح أفضل لي من زيارة هذه الدول حتى لو واجهت صعوبة في اللغة والأكل

كلامك صحيح تم التسويق لها بشكل كبير جدا
واللي شجعنا ان الخطوط الكويتيه فتحت خط مباشر
حبيت انقل تجربتي لان صديقتي صار لها نفس الموقف في قابالا من سماسره العقار
فعلا هناك دول وايد افضل وتستحق الزيارة
والله شجعتني على تايوان ودي اشوفها

AL Tunaiji, آخـــرفـــرصـــة و توبليرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعده في اذربيجان خبراء اذربيجان الله يسعدكم	mohsin2018	بوابة جورجيا و اذربيجان	1	03-08-2022 12:12 PM