رأيكم ياحلوين 🌸

السفر هوايتي ❤❤ · 29-09-2022, 02:04 PM

اقتباس : المشاركة الأصلية كتبت بواسطة nsd

اذا انسى مصر خصوصا انه سفرتك واضح انها ما شاء الله بتكون مطولة يعني روح واتعنى لشيء بعيد يستاهل .

السفرة هذه بالنسبة لك خليها استكشاف ومغامرة لفيتنام وكمبوديا او فيتنام والفلبين وانا اشوف الخيار الثاني فيتنام والفلبين افضل وآمن لك اكثر لأنه كمبوديا مافيها سفارة سعودية والعلاقة الدبلوماسية والتجارية بين السعودية وكمبوديا تتمثل في سفير غير مقيم يسمى سفير خادم الحرمين الشريفين في فيتنام وكمبوديا يعني لا قدر الله لو حصل لك اي مكروه او لو احتجت اي مساعدة اتوقع انه السفارة في فيتنام بتكون مرجعك وهي خارج كمبوديا تعتبر .

بس اذا حبيت تزور الفلبين اشوف تزور الجزر فقط لانه هي الي فيها سحر الطبيعة البكر والتغذية البصرية اما المدن مثل مانيلا ما عجبتني والسبب الزحمة وبعض العشوائية او ضعف التطور و البنية التحتية عكس الجزر الي حلاتها بطبيعتها ما تحتاج اهتمام مثل المدن وتطوير كبير .

عندك فيها من اشهر الجزر في العالم : بوراكاي ، بلاوان ( النيدو ) ... جزر اخرى بوهول ، سيبو الخ...

بس حاول بعد الاطلاع تخصص مدة مناسبة لكل جزيرة لانه فيه بعض الجزر صغيرة مثل بوراكاي الفاتنة تكفيها ثلاث الى 4 ايام استجمام بالكثير لانه ممكن تمل اذا طولت فيها عكس مثلا بالي في اندونيسيا مرة كبيرة لو تجلس فيها اسبوعين اعتقد ما راح تمل

ممكن بعد سفرتك ان شاء الله لفيتنام وكمبوديا او فيتنام والفلبين تسافر ان شاء الله سفرية اخرى لشرق اسيا وتستكشف استراليا ونيوزيلندا او اليابان وكوريا او حتى الصين - بس انتبه لا تجيب لنا كورونا جديدة -

كفو ايه نبي تقرير مفصل جامد وقوي فيه حتى الشوارع على قولتك هههههه

اوه يا الدسم شكلك تبي تعزمنا على مفطح دسم ههههههه

افا عليك 😂بنزلكم احلى تقرير بس خل ارتب اموري بعد شهر ونص من الان والله حطيت الفلبين براسي بس من قلت ان اندونيسيا اكبر منها احس اني مسكت بريك والله عاد سفرتي لاندونيسيا على حلوها وحلو الاحداث اللي فيها
الا اني صراحه مااعطيتها الوقت والايام الكافيه ل استكشاف اغلب المدن

nsd و توبليرون معجبون بهذا.

nsd · 01-10-2022, 01:15 AM

اقتباس : المشاركة الأصلية كتبت بواسطة السفر هوايتي ❤❤

افا عليك 😂بنزلكم احلى تقرير بس خل ارتب اموري بعد شهر ونص من الان والله حطيت الفلبين براسي بس من قلت ان اندونيسيا اكبر منها احس اني مسكت بريك والله عاد سفرتي لاندونيسيا على حلوها وحلو الاحداث اللي فيها الا اني صراحه مااعطيتها الوقت والايام الكافيه ل استكشاف اغلب المدن

صحيح اندونيسيا اكبر من الفلبين بس هذا مو معناه انه الفلبين صغيرة

انا قصدت انه كمثال جزيرة بالي في اندونيسيا تستاهل وقت طويل 5 ايام الى اسبوعين حتى لانها كبيرة ومتنوعة التضاريس والمزارات عكس مثلا بوراكاي صغيرة يكفيها 3 ايام الى 4 ايام بالكثير .

فيه جزر في الفلبين كبيرة وتقدر تطول فيها مثل بالي بدون ما تمل ، مثلا عندك جزيرة بالاوان مساحتها دبل مساحة بالي ههههه وايضا جزيرة سيبو كبيرة وجزيرة بوهول كبيرة ايضا لكن الي يحكم ما المدة المناسبة لكل جزيرة بالنسبة لك هو جوّك والاماكن الي تبي تزورها هناك .

الفلبين اشوف مشكلتها فقط في الاكل وتتشارك معها فيتنام في هذه المشكلة عكس اندونيسيا مسلمين ومتوفرة ايضا مطاعم عربية . لكن الفلبين على الاقل الغالبية مسيحيين على الاقل فيه فتاوي بجواز اكل اهل الكتاب لكن فيتنام دولة لا دينية لا يجوز عندهم الا الاكل البحري او الحلال الصريح .

السفر هوايتي ❤❤معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إليكم خاطرتي 🌸	السفر هوايتي ❤❤	البوابة العامة	11	18-11-2022 03:01 PM
ماليزيا الفتانه 🌸	السفر هوايتي ❤❤	بوابة ماليزيا	7	29-10-2022 10:34 AM
اول رحله الى امريكا 🌸	المطيري2022	بوابة امريكا	3	21-07-2022 11:22 AM
مساعده ارجوكم 🌸	برنسيسه	بوابة النمسا	2	31-07-2017 09:32 PM
تكفون ساعدوني 🌸	برنسيسه	بوابة النمسا	11	28-07-2017 08:28 AM