صحيت تسكع بساحه الاسكندر و جلسه بالكفيهات و غداء سريع و التوجه للموقف الحافلات وصلت نفس المكتب الي امس تذكره من تيرانا الي اولسيني ب25 يورو و طمنتني الموظفه انه ماراح يوقف في مدينه اشكودرا لانه اصلا مافي ركاب على هل مدينه ولا في ركاب على اولسيني غيرك فيه كم راكب رايحين مدينه بودفا في الحبل الاسود و الطريق غصب بيمر على شكودرا و اولسيني انت انزل في اولسيني من حسن الحظ انه مافي ركاب يعني ماراح يطلون لنا باصup/uploads/arabtrvl16679613372183.jpeg[/IMG] بيطلعونا في فان مرسيدس😍 قلت نعمه احسن من الباص نفس هذا

الفان بطل بصراحه مريح و اسرع من الباص عددنا ماوصل8 اشخاص الاشهب الوحيد انا البقيه كلهم اوروبين😂
لمن قربنا من اشكودرا بانت الطبيعه و تغير الجو و بداء المطر ( طبعا لا تسهويني الطبيعه) ولاكن لعشاقها اشكودرا خيار ممتاز و رخيص بديل للنمساء و سويسرا خصوصا انها مليانه اكواخ نفس الموجوده في منطقه الالب










طبعا وصلنا للحدود بساعه و نص تقريبا السيارات الصغيره تدخل للكاونتر الباصات توقف على جنب و ينزلون الركاب طبعا سحبو جوازاتنا في المكتب قبل تحرك السياره من تيرانا وقفنا على جنب و نزل سواقنا معه جوازات المجموعه كامله يدخلها للمكتب طبعا الاشهب ابن الصحراء لازم يخنبق😂 لقيت بجيبي عمله البانيه باقيه معي قلت حرام اخليها اروح للبقاله اخذ اقل شي شبسات اخليها معي😂 رحت اخذت و رجعت لقيت العسكري حق الجبل الاسود معصب على انا😡 يقول وينك قلت له ابي حمام و رحت😂 طيب والكيس الي معك😂 قالي ممنوع التصوير منطقه حدوديه امسح الصور قلت ماصورت اصلا😂 طبعا رجع الجوازات كل واحد و جوازه الي انا باقي حوازي معه في يده قالي معك فيزا للجبل الاسود؟( السعودين يدخلون الجبل الاسود بدون فيزا) ماحبيت اقوله انه ماحتاح فيزا خفت يشخصن الامور قلت له معي شنقل قالي لا فيزا للحبل الاسود اعد عليه الكلام معي شنقل عاد كلامه للمره الثالثه معك فيزا للحبل الاسود؟ هنا خلاص لابد التصادم و الي يصير يصير قلت له انا سعودي و ماحتاج فيزا لدخول الجبل الاسود و فوق هذا معي شنقل😡 طالع فيني نظره غريبه و قالي لا تتحرك خليك واقف ( طبعا المجموعه كلهم بالسياره يستنوني) انا ماخرهم و معصب السواق على😂 دخل ماخذ دقيقتين طلع و عينه مكسوره مد لي الحواز اخذته بدون ماقول شكرا😂( عز يالسعوديه) ركبت تاسفت من المجموعه و دخلنا،
هنا حصلت اول نكبه😡
بحكم ان سفري دايم لحالي و بدون تخطيط ولا ترتيب اكتشفت طريقه فعاله لحجز الفنادق ولاكن ماتنجح الي اذا كان شخص واحد اني اوصل للمدينه الي ابيها و ابدا بحث فندق فيها يعني في نص اليوم ابحث عن حجز في نفس اليوم و اتوجهه له مباشره تطلع لك عروض خاصه كثير يوم دخلت الجبل الاسود قلت بسم الله الان ابحث عن فندق الشريحه الي اشتريتها من مطار تيرانا الي قالو لي تستغل في دول البلقان كامله طفت نصب ماتشتغل الي في البانيا فقط مافي نت السريحه السعوديه ماشتغلت بعد 😡 الامور سهلات خفيف لحالي ماشيل هم نفسي قلت الان ينزلني بالموقف و القي الف قهوه اجلس و اطلب قهوه و اشبك على نتهم و احجز سهله😂 بعد اقل من نص ساعه وقف السواق في برحه فاضيه و التفت لي قالي انزل😳 ليش وش سويت 😳 قال هذي اولسيني 😳 يابو الشباب هذي برحه فاضيه وين الموقف و الباصات قال فيما معناه انزل ولا يكثر هذي ديرتك خذ تكسى ورانا خط الي بودفا