السلام عليكم و رحمة الله و بركاته.....
يعطيكم العافيه و على معلوماتكم
الصراحه انا حالياً افكر اني احجز سيارة في كاليفورنيا وتحديداً بسان فرانسيسكو
وحصلت موقع ممتاز لكن وسيط ولا اعرف عنه شي
وهذا اللنك مال الموقع
Billiger Mietwagen, Beste Preise Garantiert, Buchen Sie Heute! - rentalcars.com
ممكن تفيدون اذا رحت المكتب وماحضلت عنده السياره اللي اجرتها يعطوني بديل ولا يوهقوني وهل موضوع التأمين شامل
واذا ابي اكنسل لانه السعر الصراحه عجيب فرق بشي مو طبيعي وشكراً جزيلاًً

موقع رينتال كار ممتاز وسبق ان استأجرت سيارة عن طريقهم سيارة في ايطاليا في رحلتي الشهر الماضي
والتأمين الافضل تاخذه من الشركة الرئيسية وممكن تاخذه من على الكاونتر

وفي امريكا سبق ان حجزت عن طريق شركة Enterprise Rent-A-Car - Rental Cars at Low, Affordable Rates
واسعارهم ممتازه

وايضا عن طريق موقع اكسبيديا Reise und Hotel buchen sowie billig fliegen - Urlaub mit Expedia.de
وهو موقع وسيط وممتاز لـتأجير السيارات وايضا الطيران والفنادق

الله يعطيك العافيه و ماقصرت والصراحه الرد ريحني وخاصةً انه فيه احد امجربه بس سؤال اذا ماحصلت السياره اللي ابي او اللي امأجرها يعطوني بديل ولا يكنسلون حجزي؟ وماقصرت على الرد

نعم يعطونك بديل ..

يعطونك نفس السيارة او مشابهه لها بنفس الحجم

واستأجرت عن طريقهم سيارة مرسيدس اي كلاس وحصلتها نفسها لما وصلت وكانت الشركة المؤجرة ايفس
وكان من ضمن السعر تأمين من شركة رينتال كار ولكني ما استخدمته لاني اخذت تأمين شامل من شركة ايفس مع نسبة تحمل 0 بالميه

وعلى حسب ما سمعت ان تأمين شركة رينتال كار شوي معقد ففضلت اني اخذ تأمين شامل من شكرة ايفس ومن على الكاونتر لما وصلت المطار

الشباب افادوك الله يجزاهم الخير

فعلا دائما فرق السعر كبير لصالح هذه المواقع

لا تقلق تاخذ السيارة نفسها او من نفس الفئة

التامين من الشركة الرئيسية

سفرة سعيدة و بالتوفيق