لندن مدينة الضباب والمطر - الصفحة 10

أم احمد · 30-07-2023, 05:52 PM

اليوم التاسع 27 أبريل

اليوم الأخير للرحلة ، قررنا نفطر في EggSlut وناخذ تشيز بيري من Buns from home

حبيت المنطقة جداً بس صارلي فيها موقف من شخص من جنسية عربية يلحق ورانا يبغى فلوس وصار يتطاول بالكلام والله كان ودي أضربه زودها بس لفيت علي أعطيته كم كلمة وللأسف طلع مو طبيعي مدردع وجانا واحد من نفس جنسيته قال هذا مو طبيعي لا تتكلمون معاه في شي

بدون مبالغة ألذ ساندوتش بيض أكلته

طلبنا بعدها قهوة علشان نحلي ، أخذنا معانا كم حبة للسعودية وجبت منه بعد لوحدة من صاحباتي

كان في سوق شعبي ومأكولات مرتب عجبنا

منطقة سكنية قريب حلوة

لابد من الباب نج يهدي الأعصاب شوي

هدايا لندن لبنت وعيال أخوي

يموتون على فرش الأسنان شخصيات دزني كلمتهم طلبوها مني وجبتها لهم وأرخص من هنا خذيت 3 بسعر 1 عندنا هههههههههههه

الحمدلله وصلنا لجدة بالسلامة

إستقبال صديقاتي الله يسعد قلوبهم

للأسف نسيت أسجل مصاريف هذا اليوم

الحمدلله وإنتهت سفرتنا على خير وعافية ، اسأل الله أن يديم علينا جميعاً الصحة والعافية والستر والأمن والأمان ودفأ العائلة

إيجابيات وسلبيات لندن/

مدينة جميلة وكبيرة ومتنوعة وفيها خيارات كثيرة

للأسف نسبة الأمان صارت منخفضة في لندن والأسعار إرتفعت جداً

نصيييحة/ لندن زحمة إطلعوا للمطار قبل موعد الإقلاع بـ 4 ساعات على الأقل ، طلعنا قبل موعدها بـ 3 ساعات وطحنا في زحمة لأن كان في إشارة مرورية عطلانة بدون مبالغة 55 دقيقة واقفين لحقنا قبل يقفلون البوردنق بنص ساعة

توبليرون, q8ya metnaqla, الايمان و 1 آخرون معجبون بهذا.

توبليرون · 31-07-2023, 04:34 PM

الحمدلله على سلامة الوصول للديرة
مطعم الريوق باين لذيذ
واللي يلاحقكم ما يشبعون من هالحركات الله يهداهم
مره واحد افريقي قعد يقول لي عن عايلته وانه محتاج عطيته 10 باوند وبعد شوي شافني ماشيه مع بناتي ورد يطلب
قلت له قبل شوي عطيتك يقول عطيتني بس عشره يعني جمتبي بعد حمد ربك

الله يفك عوقهم بس الطمع مو زين
ان شاءالله لج سفرات اكثر وتقارير لكل بلدان العالم
يستاهل الخمس نجوم والتثبيت

أم احمد, q8ya metnaqla, الايمان و 1 آخرون معجبون بهذا.

أم احمد · 02-08-2023, 04:30 AM

اقتباس : المشاركة الأصلية كتبت بواسطة توبليرون

الحمدلله على سلامة الوصول للديرة
مطعم الريوق باين لذيذ
واللي يلاحقكم ما يشبعون من هالحركات الله يهداهم
مره واحد افريقي قعد يقول لي عن عايلته وانه محتاج عطيته 10 باوند وبعد شوي شافني ماشيه مع بناتي ورد يطلب
قلت له قبل شوي عطيتك يقول عطيتني بس عشره يعني جمتبي بعد حمد ربك

الله يفك عوقهم بس الطمع مو زين
ان شاءالله لج سفرات اكثر وتقارير لكل بلدان العالم
يستاهل الخمس نجوم والتثبيت

الله يسلمك يارب
لذيذ جداً أنصحكم تجربونه شفت تقرير الايمان منزلة عنه
اللي لاحقنا من إفريقيا وهالدولة معروفين حبيبين ومسالمين بس هذا مدري من وين طلع الله المستعان
أفضل حل تطنيشهم وتهميشهم مع إن أحياناً الواحد يخاف منهم
بإذن الله حبيبتي يارب على خير وعافية ( دعواتكم جالسة أخطط لسفرة للدولة الحبيبة على قلبي ماليزيا وكذلك سنغافورة الله ييسرها يارب )
كلامك شجعني أسوي تقرير دبي الله يسعد قلبك شكراً على ذوقك تسلمين

الايمان, توبليرون و آخـــرفـــرصـــة معجبون بهذا.

q8ya metnaqla · 02-08-2023, 08:19 AM

EggsuIt 💔💔عليكم بالعافيه
انا هالنوعية من الناس كثر ما اقدر احقرهم واسوي روحي ما اسمعهم ولا القي لهم بال
استانسنا معاكم في ربوع الحبيبه لندن وعليكم بالعافيه المشتريات وكل شي
التقرير وايد حلووو ❤وتفاصيله احلى
صح مطار هيثرو لازم الواحد يروح مبجر
مبرووووك التثبيت وتستاهلين النجوم

أم احمد, الايمان, توبليرون و 1 آخرون معجبون بهذا.

آخر مواضيع q8ya metnaqla

- مركاز العرب المسافرون 11
- إندونيسيا استفسارات
- شبه الجـــزيـــرة الايبيـــريـــة ( اسبـــــانيــــا ) 2023
- هنــــا شبــــه الجــــزيــرة الايبيــــريـــة ( البــــرتغـــــال ) 2023
- ريوقنا في the orangery

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

أم احمد · 03-08-2023, 03:52 PM

اقتباس : المشاركة الأصلية كتبت بواسطة q8ya metnaqla

EggsuIt 💔💔عليكم بالعافيه
انا هالنوعية من الناس كثر ما اقدر احقرهم واسوي روحي ما اسمعهم ولا القي لهم بال
استانسنا معاكم في ربوع الحبيبه لندن وعليكم بالعافيه المشتريات وكل شي
التقرير وايد حلووو ❤وتفاصيله احلى
صح مطار هيثرو لازم الواحد يروح مبجر
مبرووووك التثبيت وتستاهلين النجوم

الله يعافيكي يارب
أحسن حل تحقرينهم بس أحياناً نتعاطف معاهم لأنهم مسلمين وعرب وتندمين إنك تعاطفتي معاهم
تسلمين الله يونسك بكل خير وراحة وترجعين تزورين لندن وتستانين فيها ونوشف تقاريرك الجميلة والممتعة
مطار هيثرو خلانا نركض ههههههههههه الحمدلله زين لحقنا وكمان في موظف باكستاني في طيران الإتحاد شاف معانا الوالدة وخلانا نعدي وجابنا للبزنس وخلص لنا كل شي وحتى عندنا شنط طيارة أخذها وحطها بالشحن إسمه محمد حارث أخذت إسمه ورسلت ايميل بشكر الموظف وتعاونه الله يسخر له الناس الطيبين دائماً
الله يبارك فيكي ويارب ينال على إعجابكم ويستفيد منه زوار لندن

q8ya metnaqla, الايمان, توبليرون و 1 آخرون معجبون بهذا.

الايمان · 04-08-2023, 11:35 AM

حسافه خلص التقرير اللندني
الحمدلله على سلامتكم رحلة جميله جدا في ربوع لندن الحب

عليكم بالعافية EggsuIt

وااايد احب المطعم وفعلا طعم البيض لذيذ مافي زفره

نصيحة لاتردين على هالاشكال ولاتتعاطفين معاهم لان اغلبهم يكون مو في وعيه

عليهم بالعافيه عيال اخوانج الهدايا

مطار هيثرو دايما زحمة والافضل نروح قبل الموعد
تستاهلين النجوم والتثبيت

أم احمد, توبليرون و آخـــرفـــرصـــة معجبون بهذا.

أم احمد · 04-08-2023, 06:53 PM

اقتباس : المشاركة الأصلية كتبت بواسطة الايمان

حسافه خلص التقرير اللندني
الحمدلله على سلامتكم رحلة جميله جدا في ربوع لندن الحب

عليكم بالعافية EggsuIt

وااايد احب المطعم وفعلا طعم البيض لذيذ مافي زفره

نصيحة لاتردين على هالاشكال ولاتتعاطفين معاهم لان اغلبهم يكون مو في وعيه

عليهم بالعافيه عيال اخوانج الهدايا

مطار هيثرو دايما زحمة والافضل نروح قبل الموعد
تستاهلين النجوم والتثبيت

الله يسلمك حبيبتي الايمان
الله يعافيكي ، فعلاً مافي زفرة البيض وخفيف ما يغث وحتى قهوتهم جيدة
فعلاً أفضل حل تطنيشهم
الله يعافيكي يارب
مطار هيثرو فعلاً لازم نطلع له من بدري ذكرني بمطار مالقا بس بدل ما نطلع قبلها ب 3 ساعات طلعنا ب 6 ساعات من ماربيا ويا دوب لحقنا
حبيبتي تسلمين

توبليرون و آخـــرفـــرصـــة معجبون بهذا.

آخـــرفـــرصـــة · 06-08-2023, 09:35 PM

شكراً على هذا التقرير الجميل والممتع
صحيح لندن تغيرت وأسعارها زادت
برضه كثرت فيها النوعيات المزعجة وصارت ما تنطاق

تنبيه مهم
بالذهاب الى المطار قبل الرحلة بـ 4 ساعات
وكمان بتاكسي اختصارًا للوقت

أم احمدمعجبون بهذا.

أم احمد · 07-08-2023, 01:25 AM

اقتباس : المشاركة الأصلية كتبت بواسطة آخـــرفـــرصـــة

شكراً على هذا التقرير الجميل والممتع
صحيح لندن تغيرت وأسعارها زادت
برضه كثرت فيها النوعيات المزعجة وصارت ما تنطاق

تنبيه مهم
بالذهاب الى المطار قبل الرحلة بـ 4 ساعات
وكمان بتاكسي اختصارًا للوقت

العفو أخي أبو غسان
لندن جميلة لكن صار فيها تغييرات كثيرة
صحيح الخروج للمطار يكون بسيارة خاصة درئاً للتأخير

آخـــرفـــرصـــةمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العراب في مدينة الضباب	ABU MOHAMMAD	بوابة بريطانيا	62	06-12-2018 11:12 AM
بلاش عتاب يا مدينة الضباب	ام زياد	بوابة بريطانيا	140	06-12-2018 11:10 AM
عين لندن : مدينة الضباب بين السماء والأرض	شارلوك هولمز	بوابة بريطانيا	28	30-06-2018 01:59 AM
يومياتي في لندن مدينة الضباب لحظه بلحظه مباشر من هناك	وجهات أوروبية	اوروبا	146	19-09-2015 01:29 AM