استفسار بخصوص تركيا

احمد البراهيم · 04-06-2023, 04:46 PM

السلام عليكم
اتمنى الاخوان المشرفين عدم حذف موضوعي كل ماكتبت استفسار بخصوص تركيا ماشوفه ينحذف
مع انه في القسم الصحيح !!

عندي استفسار بخصوص القطار كيف استخدمه ؟وهل يوجد له تطبيق ؟
وبطاقة الباصات كيف اطلعها ؟
والتكاسي شنو افضل طريقه لطلب التكاسي هل متوفر تطبيق خاص ؟
بطاقة الانترنت كم سعرها ؟ وكيف اطلعها ؟
هل المبلغ اللي باخذه كاش يكون بالدولار ولا بالليره ؟
مصنع الشكولاته كيف اوصل له لان مذكور المنطقه مقطوعه مافيها تكاسي للعوده

نـــواف · 04-06-2023, 05:02 PM

اهلا بك

إذا رحلتك للمدن السياحية المعروفة
ما تحتاج القطار .. إما سيارة أو طيران

الباصات والمترو والترام والعبارات
كلها بكرت اسطنبول تطلعه من المكائن
وتلاقيها عند كل محطة من محطات الترام
لها شرح باليوتيوب وأحياناً فيه موظفين يساعدونك

التاكسي فيه تطبيق اوبر وبي تاكسي
يعيبها في الأماكن المزدحمة غير مجدي
إما يرفض قبول طلبك أو يقبل وبعدين يلغيه

الانترنت حسب عددكم
إذا عائلة خذ مودم انترنت مفتوح
وإذا شخص واحد جرب تطبيق airalo
شريحة الكترونية وعندهم باقات أسعارها حلوة

تقدر تاخذ معك دولارات
والأفضل خذ ريال وحوله هناك

مصنع الشوكلاته للأسف بعيد
تحتاج سيارة خاصة توصل لهناك
وممكن تتفق مع أي سواق ليوم كامل
بحيث تغطي المتحف مع فلوريا وما حولها

بالتوفيق

alzaaid10معجبون بهذا.

احمد البراهيم · 04-06-2023, 10:56 PM

شكرا عالمعلومات ماقصرت

احمد البراهيم · 04-06-2023, 10:58 PM

ليش افضل اخذ ريال مو دولار ؟

Abu Muataz · 04-06-2023, 05:09 PM

اقتباس : المشاركة الأصلية كتبت بواسطة احمد البراهيم

السلام عليكم
اتمنى الاخوان المشرفين عدم حذف موضوعي كل ماكتبت استفسار بخصوص تركيا ماشوفه ينحذف
مع انه في القسم الصحيح !!

أخ احمد البراهيم .. عندي تعقيب على النقطة اللى ذكرتها أعلاه بأن مواضيعك تنحذف أو أنك ما تجدها ..
فقط للتوضيح كل مشاركات 12 منذ تسجيل بالمنتدى موجودة و لم يتم حذف أو نقل شئ منها ...
و طالما أن المشاركات و الردود في النطاق المسموح به ستجدها جميعاً

للمعلومية تم تعديل عنوان الموضوع

alzaaid10معجبون بهذا.

احمد البراهيم · 04-06-2023, 10:57 PM

السموحه بس مادري ليش ماتطلع عندي المواضيع اللي كتبتها قبل في قسم تركيا هذا الحين طلع مادري شنو المشكله

Abu Muataz · 05-06-2023, 07:09 AM

اقتباس : المشاركة الأصلية كتبت بواسطة احمد البراهيم

السموحه بس مادري ليش ماتطلع عندي المواضيع اللي كتبتها قبل في قسم تركيا هذا الحين طلع مادري شنو المشكله

كل مشاركاتك موجودة في المواضيع المستقلة اللى تكتبها أو في الردود
و يرجى متابعة الأستفسارات و عدم تكرارها في أكثر من موضوع للحفاظ
على تسلسل الأستفسار بدون تشتت لذا نأمل منك طرح كل أستفساراتك
عن رحلتك إلى تركيا في هذا الموضوع ...

cupid2004 · 05-06-2023, 07:18 AM

الريال السعودي قوي فما يحتاج دولارات حسب قول الاخ نواف.كيف بالنسبة للريال العماني؟

Abu Muataz · 04-06-2023, 05:32 PM

ما قصر أخوي نواف .. أعطاك معلومات مفيدة عن أستفساراتك
حبيت أضيف تجربتي أثناء رحلتى في فبراير بالنسبة للتكاسي أستخدمت تطبيق
BiTaksi ممتاز .. بس مثل ما ذكر نواف أنهم وقت الزحام يلغي الطلب

بالنسبة للأنترنت طلبت شريحة و مودم من Turkey SIM Cards
ممتازين و يسلمونك و يستلمون منك الجهاز بالمطار
و من موقعهم تحجز الباقة اللى تناسبك و أسعارهم معقولة
و المودم يشبك عليه إلى 10 أشخاص أو أكثر

(عيب المودم حقهم لازم يكون معاك باوربانك علشان الشحن)

alzaaid10معجبون بهذا.

احمد البراهيم · 04-06-2023, 10:57 PM

شكرا عالمعلومات يعطيك العافيه