X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...




العودة   شبكة و منتديات العرب المسافرون > ارشيف العرب المسافرون > تركيا

عدد المعجبين202الاعجاب
 
 
LinkBack أدوات الموضوع انواع عرض الموضوع
قديم 06-05-2015, 07:39 PM   #131

خبيرة البوابه العامه

الصورة الرمزية عناقيد الربيع
 
تاريخ التسجيل :  Dec 2014
رقم العضوية : 286
الدولة : UAE
الجنس : انثى
المشاركات : 3,393



Post رد: رحلتي الى الشمال التركي واسطنبول بالصور والفيديو 11 ليلة


السلام عليكم ورحمة الله وبركاته

نكمل الجزء الرابع


يوم الاربعاء الموافق 15/4/2015

الوجه الانطلاق الى اوزنجول والبقاء فيها مدة يومين

" لان الصور وايد بقسم التقرير ع نفس الموال بكتب كل يوم بيومه"

صحينا الساعة 6 ونص وصلينا وتلبسنا

وتأملت المكان لاخر مرة


بنتظار الساعة 8 " وقت الريوق"

وهذي بعض الصور من بوفيه الافطار


اول ما شفته يشيك ع المربى قلت اهلا وش حصل





بما ان الوالد طول وما نزل مشغول ...

قلت خل اسبقه واكل براحتي "اتمزمز"


خيست الدنيا ما عندهم الا شوكة .. المربى لذيذ جدا جدا جدا

ما توقعت اذوق احلى عن مربى كاميرون هايلاند " اختي يابت لي مربى فراولة من مزارعهم شو لزيز"

المهم خلصنا ريوق و راح الوالد ينزل الشنط

وانا اسوي شيك اوت وكانت المفاجأة التالية

مثل ما ذكرت باول جزء حجزت جميع الفنادق عن طريق عمي بوكينق

Kackar Resort Hotel في ايدر ليلة واحدة بسعر 444 درهم

مفروض يكون السعر النهائي

اللي ما سكه الحسابات حرمة " حسبي الله عليها "

قالت حسابكم 624 ليرة ............ نعم يختي ؟!!!

كم ؟

قالت اللي بتدفعينه ادفعيه !!

استغربت كلامها قلت لها كيف مدفوع الحساب اصلا

قال لا مش مدفوع وهذا حسابكم

دفعت وانا مسطله كيف كذا !!

مشيت وقاعدة احسب ياربي كم فرق العملة اختبص مخي

الحساب عندي بالورقة المطبوعة بالدرهم واليورو فقط

فتحت عمي قوقل وحولت من اليورو لليرة طلع الحساب

....... ما يعادل بالاماراتي 444 درهم فقط لا غير

رجعت عندها قلت لها شيكت ع الفيزا انتوا ساحبين المبلغ كااامل قبل وصولي

و اللي باقي 5 ليرات حق الهوت شوكليت

قالت اوه سوري نسيت انتوا حاجزين من بوكينق

هذي فلوسك خذيها بس عطيني 10 ليرات

عطيتها الـ 10 مع انها حرامية بنت الذين ع طول اذكرت اني حاجزة من بوكينق كذا لحالها

نصااابه ما عجبتني من شفتها

وانا لا شيكت ع الفيزا ولا شي قلت بشوفها

المهم طلعناااا




صورة من الخلف للفندق ....... باي باي ايدر







كل شوي نوقف نصووور



















شفت هالـ بنقل مادري شو اسمه في بوكينق بس واضح جدا انه قديم وتعيس





بعض الصور مش ولابد ...

بس احطهم يعني احطهم









و مسكنا الخط العام

مثل ما جينا رجعنا كأنك راد لـ طرابزون


ع فكرة كل يوم الصبح تمطر بس مطر خفيف " نفاف"





سيده في سيده

الين تجيك لوحة اوزنجول .. بما اني شفت اللوحة ونحن رايحين لـ ايدر

فما شغلت لا قوقل ماب ولا سايجك مادري سايجك .. "أوفر بطارية ونت" ههههه




لوحة اوزنجول ..... اهي اهي اهي






شفت الشيشة قلت نعبي احسن اتذكر معظم الاعضاء ذكروا ان بازونجول ماشي محطات بترول


والسعر موضح بالصورة







قربنا من اوزنجول




الظاهر اهني السوق






شفنا 3 بنات يمشون نازلين من فوق مادري مدرستهم مسكره ولا شو السالفة عرضنا عليهم توصيلة وافقوا

مشينا يمكن مسافة كيلو وشوي وصلنا وين بيت البنات .. زهرة و هلال و الثالثة نورة من عندي




شفت لوحة مرتفعات السلطان مراد

طبعا ما بفوت الفرصة حار بحار

خصوصا وان الاخوة كانوا موضحين

انها تبعد عن اوزنجول 45 كيلو تقريبا

" كنت افكر انها بعد اوزنجول وطلعت قبل"

ولفينا








وشفنا دكان دخلت ايب ماي وشي ناكله




عندنا نضرب هرن تلاقي الهندي نط قدامك


من اهني الطلعة

المدرسة بداية الطلعة ع ايدكم اليسااار

شفنا سيارتين نازلات

سعوديين

اول واحد عدى بسلام

ثاني واحد بغى يدعمنا متهور الله يهديه

اعتذر بعد ما كسر علينا طلع يبي يلحق خويه خايف يضيع





سبحان بديع السموات والارض




وقفنا نصور





مطرررر











الضباب قوووي

نزلنا




وكملنا الطريق







كان نفسي اروح يمين وشوف شو فيه






اغلب الصور والتقطها ع قولتهم وانا في السيارة


قربنا جدا جدا جدا


هالطلعة اخر طلعة ع طول ع اوزنجول


اول ما وصلنا الضباب كان فضيع ما تبين الا اطراف البحيرة




فندق دوقا ... اخترته لان ابو تالين الله يذكره بالخير نزل فيه بعد ما شاف كذا مكان

ولانه ذكر انه اجدد موتيل بالمنطقة .. يعني لسه الشراشف نظيفة

وذكر ان مطعم الموتيل بمكان ثاني يبعد عنه شووية

"ما قصر بالوصف ابدااا جزاه الله خير"


المدخل



الرسبشن فيه بنت اسمها مريم خدومة جدا جدا

والصبح شاب سوري نسيت اسمه


من هنا ع الغرف


الغرفة لـ 2 بالغيين و طفل

انا الطفل هههههههههههههههههههههههه



الغرفة جيدة جدا احلى ما فيها الاطلالة و نظيفة

توقعت مستوى النظافة اقل الحمد لله طلعت غلطانه




سبحان الله انقشع الضباب في دقايق


احلى اطلالة



دورة المياه الله يعزكم







وهذا الكوفي شوب اول ما تدخل






حطينا اغراضنا و ع طول نزلنا

قلت ما بضيع وقت نروح لبحيرة السمك

اللهم تكملون مشي ع داخل

"يعني تخلون البحيرة ع يمينكم"

وكملنا



فنادق ع اليمين و ع اليسار

كل اللي صوره ابو فرح من مساكن شفتهم يزاه الله خير



في تعديلات بالمنطقة ككل





حتى لو مو واضحه بحطها










كان الجو بارد جدا يادوب صورت كم صورة وفيديو ع السريع






مكان آآآآسر










زوم ع المصب الثاني خلف هذا





الوالد برد ورجع لسيارة


عسل للعسل

حاطين منشورات طول بعرض كلها صور سعوديين

ولا يعرفون الا السعودية ودبي فقط

عندهم

عسل سدر

عسل زهور

عسل صنوبر

و نوعين بعد نسيت شو هم

بما اني ما احب العسل خليت مهمة الاختيار ع الوالد

اباه هدية لجدتي "أم أمي"

ذاقهم كلهم واختبص عليه الطعم قال يمكن الصنوبر احسن واحد

سدر من اهني لا خذي نوع مش موجود عنااا

واخذناه بـ امممم 80 ليرة

مادري حسيت سعره مناسب

اول شي حلف انه يبيعهم بـ 100 ليرة

وانا اي حد يحلف استحي اكاسره اكاسره

"بس عطوني بالجبهة ما عجب حد"

ع الاقل اسمه هدية ههههههههههههه


وقفنا هنا محتارين

شو هاللوح البنية

اماكن سياحية طيب نروح نشوف

لااااااا يا بنتي نروح المكان اللي نعرفه بس

طيب

وكملنا سيده






اهني كانوا حاطين لوح تنبيهية مفادها

انتباه "انهيارات جبلية"

ابوي شاف اللوحة من هنا و بدأ يلف بيرجع

ها ها وين وين وين

قال يابنتي لطيح صخرة فوق روسنا

ابوي يلا كمل بنطلع فوق

مصممة

ايوة مصممة لو خايف عاااادي ارجعك تحت شوي وانا اطلع لحالي

خخخخخخخخخخخخخ

وكمل وهو مجبور




قال الله يستر من الطريق ذا

قلت له عادي كل الاعضاء راحوا للبحيرة

ما انت اول واحد

قال اهل المنتدى واهل المنتدى من جينا وانتي تتبعينهم







للامانة الطريق خطير بس عجيب





بدأت تشتي

والحمد لله ما خذه احتياطتي من لبس

"جاكيتات .. قفازات ..زليغات..قحفيه "برنيطه ع قول اللبنانين" ..مظلة ..كيس المطر"








منظر خياااااااالي




















مرة ع اليمين ومرة ع اليسار ... شي شي يفوق الوصف


هنا انطبق المثل القائل استفتي قلبك هههههههههههههه

مشينا سيده في سيده في سيده


تذكرت ان في فندق قريب من البحيرة قلت بس اكيد هو هذا






طريقنا صح ... شفت كم تقرير فيه صورة هالمكان منهم تقرير ابو فرح "جزاكم الله خير جميعااا"












كنت اصور فيديو لعيونكم بس جا الكلب قريب مني تركت ابو التصوير وركضت

ومسويه فيها شجاعة احبهم


كملنا شوي ع داخل لان شفنا اثنين قالوا لنا لا تكملون الطريق خطيييرررر في هالجو

ولزم سيارة كبيرة ... طيب اعرف كاتبين الاعضاء توقف وتكمل مشي ع رجلك

وسألونا كم سؤال من وين من السعودية ؟

لا من الامارات امممممم من دبي

ايوة ايوة نعرف دبي فلوس فلوس

انتوا مسلمين ؟!!!

نعم يا شيبة الرحمن ... لبسه شيلة وش رايك مسلمة ولا مسيحية ؟!!



قال ابوي اصلا ما تعرفين وينها البحيرة بنضيع خلينا نرجع

ابوي الله يخليك لا تسوي فيني نفس حركة المغارة

قال لا والله ما اكمل

ابووووووووي

لااا برجع مجنون اللي يتبع كلام الحريم

طيب يا ابوي نرجع حاضر

وحتى السيدة عائشة قالت نفس الشي لا تروحون







مقفوووووووووول




هذا الفندق






ورجعنا عند عجوزنا نشرب شاي ..... سألتها ممكن تسوين شاي لابوي

قالت لكم الـ 2 و هقه ما احبه


هذا مقابل الكوخ .. عبت منه ماي وسوت الشاي منه


صديقتها ناريمان



كله شغل ايدهم عائشة و نريمان

ويبيعون عسل بعد



كأني اشوف كرتون


مسكينه الا تيب الكرسي لي بس طبعا ما يلست

اصرت علي ايلس اخذت الكرسي الصغير "خشب"



تذكرت رسوم سالي





مصوره الخطوات


شو كريمة رفضت تاخذ مبلغ بسيط اصريت عليها الين خذته .. فرق شاسع بين اهل الشمال واهل اسطنبول

الله يرزقهم من حيث لا يحتسبون




وعندها هالجلسة الخارجية











نازلين ... رادين للفندق





محلات تأجير السياكل


















رحنا نتغدى ميتين من اليوع وقفنا ورحنا مشي للمطعم





7 مبنى هو مطعم الفندق قلنا يلا بنجربه


امبين انهم موتيلات يديده




المطعم بسيط جدا جدا جدا





فاصوليا وفيها قطع لحم للوالد و شيش طاوق

وانا جبن وريش وكانت جيدة جدا احلى شي حاطين ماش "بطاطس مهروسة"






53 ليرة فقط يا بلاااش


بعد الغداء رجعنا للفندق نصلي ونرتاح شوي "الوالد نام"

وانا نزلت امشي حولين البحيرة واستكشف المحلات














بما انها منطقة سياحية فلكم ان تتخيلوا الاسعار



هذيل المشط والمنظرة ما خذينهم بسفرتنا الاولية

من اورتاكوي بـ 10 ليرات البكس عندهم قالت لي 100 ليرة












في دكان وفي كواي حاط اعلان غسيل كوي 10 ليرات


خلف المسجد في محلات ومطاعم







ع المغرب نزل الوالد الكوفي شوب و طلب قهوة

جابوا قهوتين .. ذقتها طبعا ما عجبتني كالعادة

بالعافية الفنجانين للوالد

بــ 8 ليرات اعتقد



شفت السعودي اللي شفته عند النهر نازلين عند جيرانا








وبعدها نوووووووووومه

اسمحولي ع التأخير و ع اللخبطة في الصور

الجزء القادم اخر ليلة في ازونجول ان شاء الله

دمتم بحفظ الرحمن

 

توقيع : عناقيد الربيع


أنا نغمة وقّعتها الحياة
لمن قد يعي ولمن لا يعي

التعديل الأخير تم بواسطة عناقيد الربيع ; 07-05-2015 الساعة 10:03 AM
عناقيد الربيع غير متواجد حالياً  
قديم 06-05-2015, 08:05 PM   #132

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,889



افتراضي رد: رحلتي الى الشمال التركي واسطنبول بالصور والفيديو 11 ليلة


يا زين ازنجول


الصوره حلوه








يعني ما رحتوا السلطان مراد أتصور بالشتاء طريقها سيءء حسب ما قرأنا بالسابق

الشمال أطيب لكن يقولون أنه بدأت تسوء

 

عبدالرحمن العطاويمعجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً  
قديم 06-05-2015, 08:15 PM   #133

مميز العرب المسافرون

الصورة الرمزية |القحطاني|
 
تاريخ التسجيل :  Dec 2014
رقم العضوية : 620
الدولة : المملكة العربية السعودية
الجنس : ذكر
المشاركات : 7,259



أوسـمـة: |القحطاني|

كل الاوسمة:1 (more»)
افتراضي رد: رحلتي الى الشمال التركي واسطنبول بالصور والفيديو 11 ليلة


أجل صدق الدكتور طارق لما قال فتاة و عناقيد وضعهم مختلف هههههههههههه

بالله في هذا الاجواء الرهيبة و الطبيعة الجميلة ليش رجعتوا بدري وليش طفشتوا









والله اجواء خنفشارية آليمة ما شاء الله والاماكن رووووعة

وبعدين هذي اللي في الفندق انتظرتك لين شبعتي ثم جت تحاسب هههههههههههه وش هالنذالة

تبغين الصدق اول ما شفتك كتبتي " حسبي الله ونعم الوكيل "

توقعت انك بتكتبين شيء عن المضاربة[emoji23][emoji23]

بس للاسف ما فيه شيء هههههههه



كم احب الصور اللي في مثل هذا الوقت وخاصة لما تكون الانوار شغالة شيء جميييييل [emoji7] [emoji173]

تقرير رائع .. بس وين المضاربة صرنا باليوم الخامس وانتي بالعادة تضاربين

بنسميك تربل اكس XXX المصارع اللي في WWE هههههههههههه

الله يعطيك العافية

♡ Sent from Samsung Galaxy Note 3 ♡

 

عبدالرحمن العطاويمعجبون بهذا.

توقيع : |القحطاني|

...

|القحطاني| غير متواجد حالياً  
قديم 06-05-2015, 08:40 PM   #134

عضو قدير

الصورة الرمزية طارق عنايات
 
تاريخ التسجيل :  Dec 2014
رقم العضوية : 94
الدولة : سوريا
الجنس : ذكر
المشاركات : 5,181



أوسـمـة: طارق عنايات

كل الاوسمة:1 (more»)
افتراضي رد: رحلتي الى الشمال التركي واسطنبول بالصور والفيديو 11 ليلة


رائع جدا

استمتعت جدا جدا جدا وانا اتفرج على الصور صورة صورة

مناظر ,,,,سبحان الخلاق

اذا مزمزت الطعام كذا !!! الاكل الاساسي كيف ؟؟

اللي يروح لازمه سيارة فور ويل بحيث انه ما يرده شيئ

عن جد استمتعت جدا بهالجزء و الصور

فسلمت يداك

بدأ القلب يشتاق فما الحل ؟؟؟

 

عبدالرحمن العطاويمعجبون بهذا.

توقيع : طارق عنايات

العرب المسافرون بيتي الذي احب

طارق عنايات غير متواجد حالياً  
قديم 06-05-2015, 11:25 PM   #135

Banned

 
 
تاريخ التسجيل :  Dec 2014
رقم العضوية : 46
الدولة : المملكة العربية السعودية
الجنس : ذكر
المشاركات : 5,674



افتراضي رد: رحلتي الى الشمال التركي واسطنبول بالصور والفيديو 11 ليلة


بارك الله فيك

 

عبدالرحمن العطاويمعجبون بهذا.
وليد عنبه غير متواجد حالياً  
قديم 07-05-2015, 01:58 AM   #136

مميزة ماليزيا

 
 
تاريخ التسجيل :  Dec 2014
رقم العضوية : 634
الجنس : انثى
المشاركات : 112



افتراضي رد: رحلتي الى الشمال التركي واسطنبول بالصور والفيديو 11 ليلة


يعطيك العافية ع التقرير الجميل ..

ماشاءاالله قلبك قووووووووووووووي

بسالك شنو الجميل في مرتفعات السلطان مراد وهل هي نفس طريق بحيرة السمك مرتفعات تضيق صعوداً ...

ذكرتي انو ماتنصحين السكن في ايدر .. وين البديل عنها

طرابزون وميدانها نفس ميدان تقسيم سهر والمطاعم مفتوحة والا تقفل بدري ...

عندي كم سؤال بس خليها بعدين ان شااءالله

 

عبدالرحمن العطاويمعجبون بهذا.
Cherry غير متواجد حالياً  
قديم 07-05-2015, 07:14 AM   #137

مسافر جديد

 
 
تاريخ التسجيل :  Dec 2014
رقم العضوية : 763
الجنس : انثى
المشاركات : 78



افتراضي رد: رحلتي الى الشمال التركي واسطنبول بالصور والفيديو 11 ليلة


ابداااااااااااع روعة التقرير

جدا رائع

معتمدة عليك بعد الله بالمطاعم لأني حريصة مررره على النظافة وموسوسة على كلام أهلي

بس انا مستغربة ليش طفشتي من اسطنبول مع الأجواء المفروض ريلااااكس

 

عبدالرحمن العطاويمعجبون بهذا.
ام لافندر غير متواجد حالياً  
قديم 07-05-2015, 08:26 AM   #138

مراقب العرب المسافرون

الصورة الرمزية فهد المنيع
 
تاريخ التسجيل :  Mar 2015
رقم العضوية : 2495
الدولة : السعودية
الجنس : ذكر
المشاركات : 1,785



أوسـمـة: فهد المنيع

كل الاوسمة:3 (more»)
افتراضي رد: رحلتي الى الشمال التركي واسطنبول بالصور والفيديو 11 ليلة


هيضتينا يا عناقيد

الله على اوزنجول واجواء اوزنجول

اشتهيت اشرب الشاهي على ضفاف البحيرة واستمتع بالاجواء الجميلة

الله يكتب لنا سفره لاوزنجول عن قريب

شاكر لك ومتابعين معك

 

عبدالرحمن العطاويمعجبون بهذا.

توقيع : فهد المنيع

ما أضيق العيش لولا فسحة الأمل ...

ابو عبدالعزيز

فهد المنيع غير متواجد حالياً  
قديم 07-05-2015, 08:34 AM   #139

خبيرة البوابه العامه

الصورة الرمزية عناقيد الربيع
 
تاريخ التسجيل :  Dec 2014
رقم العضوية : 286
الدولة : UAE
الجنس : انثى
المشاركات : 3,393



افتراضي رد: رحلتي الى الشمال التركي واسطنبول بالصور والفيديو 11 ليلة



انتظر



انتظر



انتظر




يلا ياحلوتي

السموحة ع التأخير حبيبتي

وشكرااا ع المتابعة


 

عبدالرحمن العطاويمعجبون بهذا.

توقيع : عناقيد الربيع


أنا نغمة وقّعتها الحياة
لمن قد يعي ولمن لا يعي
عناقيد الربيع غير متواجد حالياً  
قديم 07-05-2015, 08:37 AM   #140

خبيرة البوابه العامه

الصورة الرمزية عناقيد الربيع
 
تاريخ التسجيل :  Dec 2014
رقم العضوية : 286
الدولة : UAE
الجنس : انثى
المشاركات : 3,393



افتراضي رد: رحلتي الى الشمال التركي واسطنبول بالصور والفيديو 11 ليلة



تأخرتي كثير يا عنقودة
السموحة حبيبتي

الصور وااايد اكثر عن 4000 والاختيار بينهم ياخذ وووقت

وحتى الفيديوهات ما حملت الا الشي البسيط عشان ما اتاخر اكثر واكثر ..

متابعتك تسعدني كل الشكر لج

دمتي بحفظ الرحمن


 

عبدالرحمن العطاويمعجبون بهذا.

توقيع : عناقيد الربيع


أنا نغمة وقّعتها الحياة
لمن قد يعي ولمن لا يعي
عناقيد الربيع غير متواجد حالياً  
 

الكلمات الدلالية (Tags)
11, ليلة, التركي, الى, السلام, بالصور, رحلتي, والفيديو, واسطنبول

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تجربتي في مطعم Nusr-Et Steak House بالصور والفيديو عناقيد الربيع تركيا 63 19-02-2018 02:13 PM
برنامج سياحي بجدول للشمال التركي واسطنبول أبو أسامة تركيا 48 24-01-2018 02:56 PM
رحلتي العائلية الى الشمال التركي (عشرة أيام ممتعة) معلومات مهمة (( أبو رائد )) تركيا 46 11-01-2018 11:11 AM
جدول رحلتي (عشرة أيام) إلى الشمال التركي بالتفاصيل ( للفائدة والاستفادة) (( أبو رائد )) تركيا 8 02-11-2015 04:12 AM

الساعة الآن 02:51 AM
Powered by vBulletin® Copyright ©2000 - 2021, Jelsoft Enterprises Ltd.
Search Engine Friendly URLs by vBSEO