صباح اسطنبول الجميلة

إنتي مثلي تحبي تستغلي اليوم من أوله أنا بدايتها كنت أصحيهم بعدين لما شفت الوضع طول صرت أطلع مع أخي الساعة 7 هو يروح محاضراته وأنا أحدد الوجهة وانطلق ولما يصحوا أقلهم لاقونا بالمكان الفلاني

عنقودة الجزيرة حلوة وهادية بس حدها مرة وحدة لأنه نفس الأكتفتي مافي شي جديد

بس ليه ماركبتي السيكل ياخوافة أنا كل يوم كنت أخذلي جولة صباحية إلى المول أو على الكورنيش

تباً للنت إللي ماخلا الرسائل توصلني إن شاء الله المرة الجاية بس بعد 5 سنين نروح سوا

ياسلام رجعتيلي ذكرياتي بكادكوي بس فعلا هي المنطقة دايما زحمة بس كنا نروح هذا الشارع كثير الدخلة اللي من جهة سميت سراي عشان نشرب قهوة فحم ونأكل شاورما وكنافة بمحل من انطاكية رهيييييب ومرة شفنا شباب كويتيين تايهين دليناهم

محطة المترو كارتال وكادكوي دايما كنا نستخدمها عشان نطلع من المينا للجزء الثاني طبعا لأني أعشق البسفور

بالنسبة للتاكسي أغلب اعتمادي كان ع التطبيق فما دري ليه كده مافي والباصات وغيره طبعا أخوي خبرة فيهم ماشاء الله كل مرة يطلعلي باص شكل ومرة طلعني إللي دورين قال عشان خط سيره كله على البحر وأنا أكره الباصات حدي مترو وتاكسي بس حتى الترام هذه السفرة ركبته مرة بس وماعدتها

عنقودة بالنسبة لكرت المواصلات أتوقع بطلوا يبعوه في الأكشاك صار عن طريق نفس الجهاز اللي في محطة المترو اللي الناس تشحن منه أنا هذه المرة اشتريت كرت من نفس الجهاز بس تحطي 10 ليرة وتختاري اسطنبول كرت يطلعلك الكرت سعره 7 ليرة وفي 3 ليرة رصيد

صراحة أنا الجزء الآسيوي عجبني حلو والأماكن فيه نظيفة وراقية والأسعار رخيصية عشان مافي عرب وخصوصا المطاعم والكفيهات اللي ع البسفور جلساتها ترد الروح وأسعارها لا تقارن بالجزء الأوربي أبداً

يالله على البسس صرت أكره في الأماكن المفتوحة بسببهم جابولي عقدة نفسية من كثر الفوبيا اللي عندي منهم

أول مرة أعرف إنك تحبي الإسكندر ولا كان دليتك على مطعم مشهور مرة لذيذ على كلام بابا لأني مالي في اللحم وحتى أخي قلي إذا أي أحد يبغى يأكل اسكندر في تركيا يروحله إن شاء الله برجع للصور واكتبلك اسمه أنا كنت أروح معاهم عشان أكل كنافة بس كنافته لذيذة

بانتظار الأكشنات الجديدة