06-07-2023, 12:19 PM
|
#6 |
مسافر جديد
تاريخ التسجيل : Jun 2023 رقم العضوية : 49065 الجنس : ذكر المشاركات : 11
| 
 |
ألف مبروك،، الله يجمع بينكم على خير ويسعدكم.
جزاه الله خير الأخ/ أبو معتز، ما قصّر في الردود على استفساراتك.
بالنسبة للجوّ،، نوفمبر بيكون نهاية الربيع وبداية الصيف عندهم،
يعني بيكون حلو إن شاء الله..
حتى لو كانت 27 فهي أفضل بكثير من 47 
المدة أقل شي اسبوعين، علشان تستمتعون فيها،
بس إذا وقتك وميزانيتك تسمح بأكثر من جذي، فممكن تخليها 20 يوم.
وما تحتاج أي شركة ترتب لك، الموضوع سهل،
والحمد لله عندك كذا شهر ترتب فيهم حجوزات السكن،
وتحجز سيارة علشان تكونون على راحتكم.
الجداول والتفاصيل بتحصلهم في تقاريري، وإن شاء الله تستفيد منهم. | |
الف شكر لك ام نوف على الاضافة..
ماشاءالله محتواك جداً ثري واستفدت منه كثير الفترة الماضية بالتفكير والبحث
كنت محتار بين ماليزيا وجنوب افريقيا لكن قررنا سوى نجرب شي غير مألوف لنا ونروح لجنوب افريقيا
جالس ارتب الجدول والصراحه بستعين بمساعد شخصي يحجز الفعاليات ويتواصل مع الفنادق ووو ومبلغه اصلاً رمزي وبسيط لان الصدق انا دقييييق واتابع تفاصيل كثيرة فمابي ازعج راسي هناك دامه راح ياخذ مبلغ رمزي , هل هالشي منطقي ولا الموضوع ابسط مما اتوقع؟ لان كثير اشياء لقيت لازم حجز وتتواصل ويمكن فاتحين مقفلين وتكاسرهم ووو الخ
الاستفسارات الي عندي :
فترة السفر من 4 نوفبمر حتى 20 نوفبمر تنقص يوم او يتقدم او يتاخر يوم
- هل استاجر سيارة او اخذ لي سائق, السبب معروف طبعاً اتدلع هههههههه او بيفرق معي خصوصاً موضوع الاسعار وتكلفة السفر
______________________
- اسعار التذاكر لقيت فرق كبير بين اقل طيران ( الأثيوبية ) والاماراتية, الفرق 4000 ريال سعودي!
المشكلة الاثيوبية فيها رحلات الترانزيت من اديس بابا لكيب تاون 40 دقيقة ومادري اشك اذا الوقت كافي او لا للانتقال للطيارة الثانية لاني انتبهت ان مواصفات الطيارة اختلفت ( كنت اتوقع انها تعبئة بنزين فقط )
فهل طيران الاثيوبية لو حصلت ترانزيت ابو ساعة ونص ساعتين مناسبه؟ كخدمات وكمقعد خصوصأ انها عن السعودية 11 ساعة.
______________________
- من كيب تاون لقاردن روت اكيد بيكون سيارة ( سواء سائق او بدون ) السؤال تقطيع الطريق شلون بيكون لان عندي يومين ضايعه الحين ولا اعرف هل فيه منطقة امر عليها بانشطة بدون توقف فيها واكمل طريقي؟
______________________
جدول مقترح:
كيب تاون
جاردن روت ( وين انسب منطقة اخذها تكون مركزية التنقل لجميع مناطق الجاردن روت )
كيب تاون
وبالنسبة لهذا الجدول.. كم عدد الايام المناسبة له
علماً اني مافرقت صراحه بين الووتر فرونت والمدينة نفسها الخاصة بكيب تاون, هل هي منطقة فنادق بحرية ولها شي مختلف, وهل اذا كنت فيها يعني الفكرة ما اطلع منها لنفس المدينة.. مافهمت وش الفكرة وهي اصلأً بنفس المدينة.
ادري كتبت كثير, ان شاءالله هذي الاستفسارات تغني وتعطي كل الاجابات الي براسي واسف اسف جداً للاطالة. |
|  |
33الاعجاب
العرض الشجري
المواضيع المتشابهه 
