السلام عليكم ورحمه الله وبركاته
نتابع تقارير رحله اليابان وهذا التقرير رح يكون خفيف لطيف عن بعض التطبيقات المهمه واللي استفدت منها هناك في اليابان و استخدمتها

1- الغني عن التعريف والحل السحري لمعرفه الطرق والقطارات ومواعيدها وكيفة التعامل معها ومعرفه خطوط ومحطات القطارات
Google Maps

2- الغني عن التعريف والخورافي ف الترجمه والتواصل مع الشعب + تقدر تترجم الكلام بالصوره مثلا
عندك منتج خايف يكون من مشتاقاته الخنزير او اي شي غير حلال تفتح المترجم وفيه خاصيه تشغل الكاميرا تفتحتها وتوجهه الجوال ع الكلام يترجملك الكلام المكتوب من الياباني الى العربي او الانجليزي حسب التحديد
Google Translate

3- برنامج Japan transit-planner برنامج عرفته وانا ف اليابان يستخدمونه المواطنين المحليين لمعرفه خطوط القطارات ومحطاتها قريب من نفس استخدام google Maps بس هذا التطبيق مخصص لليابان فقط

4-Japan WI-Fi Auto Connect من خلاله تقدر تعرف اماكن شبكات الواي فاي العامه الموجوده حوليك ف المكان وتدخل معاها ما احتجته كثير بس مفيد ف الطوارئ

5- MYmizu انا عجبني جداااااا خصوصا في موضوع الاقتصاد ف الرحله لاني امشي كثير ف استهلك مويه كثير ف كنت كثير اعبي مويه من الاماكن العامه وهذا التطبيق يعطيني اماكنها ع خريطه قوقل ماب جممميل خصوصا للي مثلي

6- Navitime برنامج ياباني متخصص بالانشطه والفعاليات والعروض اللي موجود ف اليابان او بالتحديد في المكان اللي تححده له عرفته كمان وانا هناك ينفعك لو انت ناوي تحضر فعليات او مانت عارف ايش تسوي ف يومك

7- KlooK اللي ما يعرفه هذا تطبيق يعطيك خصومات ع انشطه وفعاليات وتذاكر للقطار والمترو لليوم الواحد او اكثر من يوم لو اشتريتها من المجطه رح تكون اغلى ويعطيك خصومات على اشياء جميله حجزت معاه اشياء كثيره و وفر معايا خصوصا لو ابي استفيد من العرض ع قد ما اقدر انصح فيه بقوووووه

8- Japan Official travel APP برنامح رسمي من الجهات السياحيه المعنيه في اليابان جميل فيه فعاليات واشياء واماكنها ويساعدك ترتب رحلتك حسب الاماكن القريبه منك بطريقه بسيطه وسلسه

9-USJ هذا برنامج مخصص ل يونيفرسال استديو باليابان ضروري تحمله وما اعتقد رح يقبل معاك من هنا ماني متاكد بس انا حملته وانا هناك لان الخطه كانت اروح يونيفرسال استديو وطلبو مني التطبيق ( لامانه ما استخدمته لاني ما حجزت يونيفرسال اللي كنت ابي ادخلها محجوزه ل شهرين قدام لاسف )

10-اغلب اليابانين يستخدموت تطبيق Instagram و line للتواصل فيما بينهم ف لو انت ناوي تضيف ناس وحابب تتواصل معاهم من هناك هذا اكثر تطبيقين يستخدمونهم .

11- TripAdvisor i هذا مش بس باليابان هذا ضرووووري يكون ع جوالك في اي مكان تسافرله لانه يعرفك ع المواقع والتقييمات للمطاعم والانشطه وكل شي حولك وكمان الاهم تققققيم النزلاء وهل السعر يسوى ولا لا وليشش مفيييييييييد


هذا اكثر التطبيقات اللي حسيت انها ممكن تفيدكم و استفدت منها اثناء تواجدي هناك وبعد الموضوع لو تذكرت اي اضافه واكيييييد التعليقات مفتوحه للي يعرف اي برنامج ما ذكرته يفيد فيه الاخوه ابد دووووووس يا صديقي

ع راسي حبايب قلبي
اخوكم عقيل