تحديثات سريعة


اليوم كان في أرياف طرابزون
بالنسبة لي كلها أماكن سبق زرتها
وهذا لا يمنع تطعّم يومك باماكن جديدة

فندق طرابزون فطوره جيد والجلسات حلوة
يعني متكامل وهذي عادة الأتراك في الفطور
يمكن هي الوجبة الوحيدة بالنسبة لي أحبها
أما باقي أكلهم اتعامل معه بحذر وعلى مضض

خلينا اليوم نتكلم عن البطاقات الائتمانية
للأمانة أنا أعتبر نفسي حديث عهد فيها

بحاول أكتب لكم نقاط سريعة حولها

لا تحول كل ميزانيتك قبل السفر
الأفضل تضيف كل يوم بيومه أو ليومين
لأن سعر الليرة في تراجع دائم فالتريث أفضل

البعض يقول سعر الصرف أثناء الدوام أفضل
بصراحة ما لاحظت هالشيء بس ممكن وارد
ولو ثبت هالشيء حول بعيداً عن الويكند

البطاقة لابد تكون معاك بكل مكان
لأن في أحيان نادرة الجهاز ما يقبل بالجوال
فلابد تكون جاهز بالبطاقة البلاستيكية معك

تطبيق بعض البنوك ما يفتح لو بشريحة airalo
لكن بيفتح معك لو داخل بشبكة الواي فاي حق الفندق
الراجحي ما فيه مشكلة لكن على سبيل المثال ساب لا
لذلك حاول تاخذ بالحسبان النقطة هذي

موضوع استخدام البطاقة فيه ميزة عظيمة
تطلع من حرج البخشيش وانتظار الباقي
يحط بالمكينة المبلغ بالفواصل .. يسحب وانتهينا

نروح للنقطة المهمة بخصوص فتح بوكينق
في أول يوم قلتلكم فتح التطبيق عادي
لكن اليوم وصلت لمعلومة عن تجربة شخصية
إذا كنت تستخدم النت بشبكة الواي فاي حق الفندق مثلاً
بيفتح التطبيق لكن ما فيه أي شيء يطلع عن تركيا
أما إذا تستخدم النت بتطبيق مثل airalo تظهر تركيا
أتمنى أكون عرفت أوصل لكم الفكرة وما لخبطكم

نقطة أخيرة في هذه المشاركة
في المشاركة رقم 28 بالصفحة الثالثة
كتبت معلومة وتوقعت بيجي عليها تعليق واستغراب
محد علّق عليها .. وأنا مشيت في الصفحات ونسيتها
أتمنى ترجعوا يمكن تستوقفكم وعموماً هي معلومة بالأرقام

بنعطي فرصة لبكرة يمكن أحد ينتبه لها 🙂


ونروح لفقرة الصور