بعيداً عن الأسفار ،،، ماهي اهتماماتك ؟

أبولجيـن فهد · 17-12-2023, 01:18 AM

اقتباس : المشاركة الأصلية كتبت بواسطة ابو عبدالله7

ماشاء الله يا صديقي
انت انسان كوكتيل
قارئ وكاتب وتاجر ولكنك السعودي
الوحيد اللي ما يحب الكوره
خبرني عن المتجر الالكتروني ليش ما
مشى وضعه معك وانت تقول انه مربح ؟
وخصوصا انه الكتروني مايبغاله تعب
ومطامر مثل المحلات التجاريه !
تحياتي لك يا صديقي

اهلا بالصديق الجميل
اما اني لست مميزا بشي ...
ولكن جيلنا اللي كانت بداياته في منتصف التسعينات
(أكثره ) كوكتيل ..ولاحظ ماكتبه الاخ آخــــــــــــــر فرصة .. نفس المسار لو تلاحظ
/

وبعدين ماكان فيه انصاف حلول في تلك الحقبه
الاحفورية ..

اما تقرأ وتطلع وتشوف العالم او تكون رماديا و تسمع عيسى الاحسائي
وتنقرض
/
الكورة ( التشجيع ) تحديدا ( شي غوغائي بلا معنى ) وكلام
مكرر وأمر يتساوى فيه الرجل الراشد مع المراهق
/
اما المتجر الالكتروني فقد قال سماحتي نصا :
اكتشفت انها مربحه جدا ولكن ( بثمنها )
والحقيقه ان الثمن ( تعب ومتابعة شديدة ودفع اموال وفيها جانب مجازفه ( مااقول مخاطرة ) لاحظ
متجر الكتروني وبضاعة والشكل العام صناعتها ( امر سهل )
تعمله خلال ساعتين عمل .. ولكن ( بعد لكن كل العالم يجيك)

كيف تحصل على مبيعات ؟
كلمه اسوي دعاية ( علم لحالها ) وتفاصيل لاتخطر على بالك
حتى ان الناس ياخذون دورات فيها
/
ومالايقوله المهرطقين الجدد للناس .. هو انك ربما
تسوي دعايه ومرتين وثلاث وتحصل على 9 مبيعات فقط مثلا ؟
/
لا اقول ان الامر مستحيل ولكن يحتاج وقت وجهد حقيقي
ومتابعة ولابتوب ( شكامينه تقل شكامين جمس شغال على طول)
انت تتابع المبيعات
او تتابع التسليم
او تنسق مع التاجر ( المزود الرئيسي )
او ترد على العملاء اللي ماوصلت بضاعتهم
او يتم جلدك من ( شركه بي بال ) اذا اشتكاك احد
او تتابع المنافسين او تتابع ( من توظفهم معك لادارة العمل)
* من كثر الدوشه ممكن توظف معك ناس عن بعد ..والامر معروف

ماهو ترف .. الى احد ان

(فيه ناس تعرض خدماتها كموظف متابعة مبيعات في الموقع الالكتروني)

/
تصميم الدعايه يبي لك تتكلم مع 70 مصري في موقع خمسات
وصمم لاتصمم وجب لاتجيب
/
باختصار ياصاحبي كل الكلام اللي يقال عن الربح في التجاره الالكترونية ( كلام تسويقي وعام ومكرر ) لكن التجربه العمليه غير

/
صدمه صغيره :

يجي شخص خنفشاري ويصور فيديو وهو يتمرقص تقل داب

تعاااال اعلمك كيف تكسب .. تبي تكسب 35435435 في اسبوع .. ومن جوالك تعاااال .. واحضر الدورة و و و و
** السوال المفلطح
ليه يعلمك كيف تكسب 234234234 ولايسويها بنفسه
وهو يشحد الناس ويتسول شير وسبسكرايب وطبطكرايب
/
خذ هالمعلومه اللي تمشي الفين :
تفشل المتاجر الإلكترونية الجديدة بشكل كبير وسريع أكثر من غيرها، حيث بلغت نسبة المتاجر الإلكترونية الناشئة التي تفشل ما يقرب من 90 في المائة ...

/
هذا والله اعلم والله المستعان

اقم الصلاة

Rolls-Royce, آخـــرفـــرصـــة و ابو عبدالله7 معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بعيداً عن كورونا غسل يدك وادخل شارك	طوق الياسمين	البوابة العامة	81	29-10-2020 08:29 PM
بعيداً عن الإشــاعات .. حالات مرض كورونا الجديد في العالم	eman79	البوابة العامة	6	05-03-2020 09:46 AM
شاهد أسوان.. جوهرة السياحة المدفونة بعيداً عن الأضواء	MOBARKI	بوابة مصر	35	03-06-2019 01:32 AM