سبحان الله امس نسالف مع الشباب في المجلس عن هذا الموضوع
نتكلم عن شخص زعلان لان في الدوام قالوا له روح البيت راتب كامل لكنك قوى احتياط
اقول معقولة في شخص يقولون له اجلس في البيت راتب كامل ويزعل هههه
انا اول شي باسويه باشوف لي جمعية خيرية تنظم رحلات اغاثة ومساعدات وباسافر معاهم
خاصة لو الله منعم علي اتمنى اجرب مثل هذا النوع من السفر تحت مظلة رسمية آمنة
،،،
وايضا كان عندي صديق يعمل في المطار وياخذ التذاكر باسعار مخفضة فكل ماحب يغير روتين
يروح دبي ولا لندن يجلس كم يوم بروحه ويرجع، اقوله شتسوي انت في السفر؟ يقول ابد استرخاء اجلس في الفندق انزل للفطور ثم اخذ جولة في الفندق او حولة وارجع انام ثم اقوم اروح مطعم ولا سنتر
اقوله ماتمل ؟ يقول لا بالعكس وكنت اضحك عليه واقول الله يهديه فعلا غريب الاطوار

ودارت الدنيا وجربت السفر لوحدي صحيح انه كان لمكة والمدينة لكن استمتعت جدا ماتوقعت الصراحة استمتع لهذي الدرجة، حرية وراحة تقعد في المكان الي تبغيه بالمدة الي تبغيها ولو كنت مخطط حق 3 انشطة مثلا تلغي وحدة او تزيد وحدة بدون تردد..

الي استنتجته من تجربي ومن كلام الشباب ان السفر منفرد ممتع لكن لايكثر عن 4 ايام بالكثير وعلى حسب شخصيتك اذا انت متصالح مع نفسك ماتمل اذا جلست بمفردك عادة، عندك هوايات تحب تمارسها بمفردك رياضة او قراءة او رسم مثلاً .. بالتوفيق

السفر تعرف نفسيات والبخلاء والي يببي مزاجيات منفرد افضل وعيش حياتك