السلام عليكم

توني راجعة من تركيا رحتها اسبوع ماعرفنا كيف نستخرج بطاقة المواصلات

عددنا 7 اشخاص فعتمدنا على تطبيقات المواصلات اوبر و BiTaksi طبعاً اوبر اسعاره اغلى من الثاني بشوي

وحتى مع التطبيقات تعرضنا الى محاولات نصب منهم وخصوصاً تطبيق BiTaksi

مرة طلبنا تاكسي منه و بس ركبنا قام السائق كنسل المشوار عشان يرفع علينا السعر
و لما سالناه قال في مشكله بالبرنامج و تحجج لنا

و بسبب اختلاف اللغة وهو ما يتكلم انجليزي ولا عربي ظلينا تحت الامر الواقع

و مرة طلبنا و على طول السائق ارسل رسالة يبغى مبلغ اكثر من المعروض وكنسلنا المشوار

والمرة الثالثة طلبنا تاكسي ولما وصل قال يبغى مبلغ اكثر من المعروض بالبرنامج وما رضينا نركب وياه

و في شي لازم تنتبه له السائق يقدر يضيف بخشيش على الحساب و هذي صارت لنا بس مارضينا ندفع البخشيش قلنا له بندفع بس الحساب و الحمد لله وافق بدون مشاكل

هذي بعض المواقف اللي واجهتنا مع التاكسي و حتى المطاعم و الاسواق و الاماكن السياحية حاولوا ينصبوا علينا بس كنا اذكى منهم وما نوافق ونصر على راينا