وعليكم السلام ورحمة الله وبركاته,


البطاقات الائتمانية:
التنويع مطلوب بين بطاقات الائتمان (الكريديت) و بطاقات الشحن (الديبيت).
يفضل البطاقة المطبوعة (البلاستيك) ولا تعتمد كثير على وسائل الدفع الالكترونية (ابل باي, سامسونج باي, ولا حتى المحافظ الالكترونية).

حاول تنوع (حسب الامكان) بين بطاقة فيزا, وبطاقة ماستركارد, وبطاقة اميريكان اكسبرس.
بعض البنوك عندها منتج بطاقة السفر فيها اكثر من عملة (ريال سعودي, دولار امريكي, جنيه استرليني, درهم اماراتي, وغيرها) تحول من حسابك الجاري الى حساب العملة اللي تبي وتستخدمها.

بعض البنوك عندها منتج بطاقة استرداد نقدي (كاش باك) بنسب مئوية مختلفة, مثال اذا استخدمتها بالمطاعم و الكافيهات يجيك استرداد نقدي 10%. والسوبرماركة من 5 الى 6 % حتى بالمشتريات الدولية.

ايضا بعض البنوك عندها منتج بطاقة اميال سفر (بطاقة الفرسان التابع للخطوط السعودية, وبطاقة طيران الامارات) بعدد اميال مختلفة ومقدار صرفك بالمشتريات المحلية والدولية.





صالات الانتظار بالمطار (اللاونجات):
فعل البطاقات الائتمانية مع صالات الانتظار بدل ماتقعد بالزحمة وكراسي غير مريحة (خصوصا اذا معك عائلة) يمكن توصل المطار بدري وتدخل مرتاح كراسي وسيعة افضل من المتعبة.





مبلغ التامين:
معظم الفنادق, وشركات ايجار السيارات تطلب تامين (مسترجع) فقط من بطاقة ائتمانية, وترفض العملية اذا استخدمت بطاقات الشحن (الديبيت), حتى ولو كانت البطاقة مليانة فلوس.
لان مبلغ التامين محجوز من رصيد البطاقة الائتمانية اللي انت معتمد عليها بمصروفك اليومي.
وللامانة الفنادق اللي تعاملة معاهم ذكرو ان المبلغ بيرجع من يومين الى اسبوع, ولكن جاتني رسالة البنك (عملية مسترجعة) بمبلغ التامين وانا واقف عند الاستفبال اسوي خروح من القندق.





حجز الفنادق والسيارات:
مواقع حجز الفنادق والسيارات كثير, يفضل استخدام مواقع معروفة تعطيك كاش باك, او بونص, او نقاط, او ترفيع لفئة العميل, تجمعها وتستفيد منها بحجز اخر.





عضوية المولات و الاوتليت:
كثير من المولات والاوتليت خصوصا بامريكا واوروبا تعطيك تخفيض زيادة لانك عضو او مسجل بموقعهم الالكتروني. فقط تعطيهم الايميل اللي مسجل بيه وبيطلع عند الكاشير نسبة الخصم.





الله يوفق الجميع