اجراءاتهم معقده ويدققون بكل شي.. تخيلو يدخلون على حجزك في Booking ويتاكدون انك ما الغيته 😂 وكشف الحساب لازم عليه الختم.. مع ان البنوك صارت تحط باركود ويعتبر اضمن واكثر مصداقيه من الختم لكن مصرين على هذي الخطوة!!

نصيحة للي يبي يطلع من عندهم فيزا .. هذي الاشياء ضرورية
- كشف الحساب اصل صادر من البنك وعليه ختم ومبلغ كافي للسفرة (مايقبلون كشف الحساب الي من مواقع البنوك).
- حجوزات لفنادق الرحلة .. ولاتلغي حجوزاتك لين تصدر الفيزا لانهم بيدخلون ويتاكدون انها غير ملغية من رمز التسجيل الموجود في تاكيد الحجز
- تعريف حديث من جهة عملك.. (عطيتهم تعريف تاريخه قبل شهر ونص ورفضوه)
- حجوزات مؤكدة للطيران .
اذا كانت رحلة العودة من دولة اخرى او الفنادق في دولة اخرى لازم تثبت لهم وسيلة التنقل مثلا تحجز سيارة من اي موقع تاجير سيارات وترفقه لهم.
- التامين الطبي، ارفقت لهم شهادة تأمين الطبي صادرة من شركة التامين الي متعاقدين معها عملي حاليا ومكتوب في الشهادة انه يشمل التغطيه خارج المملكة .. ورفضوه ليه ما ادري!! واضطريت اطلع تامين سفر خاص بالرحلة..

انا طلعت الشنغن سابقا من سويسرا .. كانت اسهل بكثير وخلال 4 ايام طلعت..لكن النمسا ماقد مر علي مثل هذا التعقيد وتاخير في الاجراءات..