رحلتي شهر 7 الى اليابان

Boarding Pass · 12-09-2024, 07:00 PM

رحلة ماتعة مقدماً

كزيارة للمرة الأولى أنصحك بـ ( أوساكا [ بدون يونيفيرسال ستوديوز ، ثلاثة أيام ] - كيوتو [ بقولك من يومين إلى ثلاثة أيام ، و لكنها من وجهة نظري أجمل و أحلى و أروق مكان في العالم ] - نارا [ زيارة يوم واحد و تقدر تآخذها من KLOOK ] - طوكيو [ 7 أيام أقل شيء ] - فوجي [ زيارة يوم واحد و تقدر تآخذها من KLOOK ، أو حسب الأماكن اللي تبي تزورها ممكن تزيد أيام ] ) ، الجو بشهر سبعة حر ، بس ترى مو سيء ، بشكل عام اليابان حلوة و من حلاوتها ماراح يفرق معك الجو صدقني حنّا نضطر نسافر بشهر 8 عشان الإجازات و مع ذلك عادي ، نروح لها لو الجو أحر
و بعدها راح يصير سهل تزور أماكن جديدة و دواعيس الدواعيس و إذا عندك وقت سيّر على هيروشيما ، و توتوري إذا كنت متابع لأنمي كونان !

نجي للأكل ، المطاعم الحلال منتشرة جداً جداً جداً بكل مكااااااااان ، حتى بالمدن الصغيرة ، و لكن لا مانع تآخذ معك أشياء بسيطة لمّا تضبط وضعك بالمكان
حتى أوبـر إيتس فيه قسم للأكل الحلال و التوصيل رخيص جداً

بالنسبة للمواصلات ، المترو يجنن و يغطي كل مكان ، استعمل قوقل ماب ، و ركّز في اللون و الأرقام ، إذا جوالك آيفون حمّل أبلكيشن Suica و اشتري البطاقة و أضفها على الأبل والت و عبّها عادي [ تقدر تستعملها في شراء أي شيء من أي مكان ، مو فقط للمحطة ] ، و إذا مو آيفون تقدر تشتريها من الأجهزة الموجودة في المحطات ، و هذا فيديو لليوتيوب شرحـه سهل مـــرة ، و ترى الموظفين لمّا تسألهم ماراح يخلّونك لمّا يفهمونك ، فريّح من هالناحية

و لكن لمّا تجي من المطار أنصحك تآخذ سيارة خاصة ، عادة آخذها من موقع KLOOK بالنسبة لي الأرخص و الأفضل
و إذا احتجت تاكسي ، استعمل GO TAXI
و بالإنتقال بين المدن خذ القطار أكيد

طيب أنا جرّبت فنادق كثير ، بعطيك أفضل شيء بالنسبة لي للحين
أوساكا ، Mercure Tokyu Stay Osaka Namba ، أفضل لوكيشن بلا منازع .
كيوتو ، Mercure Kyoto Station ، فيه أماكن أفضل و لكن ارتحنا بهالمنطقة هاديـة جداً جداً و صايرة بين الحواري
طوكيو ، سكنّا في شيبويا حلوة للسكن للزيارة أول مرة و لكن مو طول المدة و الفندق كان مكانه جيّد بس موظفينه مو تمام ! ، و شينجكو سكنّا فيها و كان الفندق يجنن و لكن السكن فيها كان أكبر خطأ ! منطقة مُش آوكّي ! ، و غينزا كانت و مازالت الأفضل بلا منازع ، الفندق بين المنطقة الهادية و السياحية Mercure tokyo ginza ، و أي استفسار حنّا بالخدمة

AL Tunaiji, آخـــرفـــرصـــة و Prince Kytu معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى اليابان مع العائلة ✌	Traveltape	بوابة اليابان	5	27-05-2020 02:00 AM
رحلتي الاولى الى اليابان 08/ 2018	AbdulazizMohammed	بوابة اليابان	60	04-05-2019 02:03 AM
رحلتي إلى اليابان (استفسار )	msk1993	بوابة اليابان	2	27-02-2018 12:36 AM
رحلتي إلى اليابان	Nora khalid	بوابة اليابان	3	15-10-2017 10:02 PM
رحلتي إلى اليابان .. بقلم .. امل عيسى	silent_dove	بوابة اليابان	18	28-12-2015 04:14 PM