نتابع معكم التقرير ..

التقرير رح يشمل الاماكن الي زرتها .. ورح يكون في رد مخصص للاماكن المقترح زيارتها



.. هلسنكي ..

وحسب ما يقال عنها ابنة البلطيق وعاصمة الشمال ..

مدينة جميله جدا وتتسم بالهدوء ,, شعبها جدا جدا ودود وتعامله راقي . سواء بالاسواق او المطاعم او المطارات . وعندهم احترام كبير لحقوق المشاة في الطرق. يعني حرفيا مهما كان الشارع مزحوم لما يشوفك واقف مستعد يعطل السير عشان تقطع . وما تسمع اي تذمر .

ولاحظت انهم حريصين على نظافة مدينتهم يعني ما تشوف اكرمكم الله الاوساخ مرمية هنا او هناك .. وهنا يحضرني موقف حصل معي اول ما وصلت الشقة . كنت احاول اطلع المفاتيح ووقعت مني قطعة بلاستيك شفاف عالارض وتركتها وبوقتها مر من جنبي شخص شافها وشالها وعطاني النظرة
اخذتها منه وعبرتله عن اسفي .. وبالفعل لما دققت اكثر بالشوارع لفت انتباهي النظافة عندهم .




المهم وصلت محطة القطار الرئيسية في المدينة وهنا مقطعين فيديو اول ما طلعت .. كانت درجة الحرارة -1 وفي برودة محسوسة بس جدا مقبولة . وكنت فرحان بنجاح خطة التدفئة الي عملتها





بعدها اخدت الترام الى الشقة ..



السكن ..

تم استئجار الشقة عن طريق Airbnb ,, كان في عدة خيارات للفنادق جيدة بس بالنهاية بتكون غرفة مقارنة بشقة كاملة والاسعار كانت جدا جيدة ..

هذا اسمها على الموقع

Contemporary Comfort Heart of Helsinki

وهنا الموقع



مكانها ممتاز وتقريبا بالسيتي سنتر وبامكانك تروح مشي للاماكن السياحية القريبة او عن طريق محطة الترام الي كانت تبعد اقل من 3 دقائق مشي .. وبتركم مع صور الشقة ( اخذتها من الموقع )

كان سعر السكن لمدة 3 ليال بمبلغ 1100 ريال تقريبا











يمكن لاحظتوا اكرمكم الله في دورة المياه كان موجود في شطاف . بالبداية توقعت انو مجرد صورة دعائية .. ولما وصلت لهناك اتضح انو بالفعل شطاف ,, وكان شي جدا مستغرب واسعدني بالحقيقة .. وخلال جولاتي بالمدينة لاحظت انو موجود بكل مكان سواء بدورات المياه العامة او الخاصة سواء بالكافيهات او المطاعم .. وبعد قراءة مبسطة عن الموضوع اتضح ان فنلندا تقريبا الدولة الاوروبية الوحيدة الي تستعمل الشطاف في دورات المياه


طبعا صورة مع التحية

الى : الاتحاد الاوروبي
CC : امريكا

ملاحظة : الشطاف مارح يشتغل الا لما تشغل الحنفية الي بالمغسلة



خلال 3 ايام في هلسنكي كانت حدود زيارتي ضمن هالنطاق




كان وصولي للشقة مساءا بعد ما غابت الشمس .. والنهار اصلا مو طويل عندهم يعني فترة النهار تستمر من الساعة 8 ونصف صباحا للساعة 4 ونص يعني بحدود ال8 ساعات .. ل هالسبب كنت احرص اني استغل فترة النهار الى اقصى درجة ..

بعد ما ريحت وتغديت وصليت .. قلت بطلع اخد جولة في السيتي سنتر .. وبتركم مع الصور

















بعدها اخذت جولة مع الشاطئ وسبحان الله كان البحر متجمد








وانا ماشي لقيت لوحة لجزيرة وفي عبارة توديك لهناك وكانت الساعة 9 تقريبا .. فقلت خليني اجرب اروح . وتبعد عن شاطئ هلسنكي ربع ساعة وبالامكان استعمال بطاقة المواصلات العامة للذهاب ..

اسم الجزيرة Suomenlinna او ( قلعة فنلندا ) وهنا موقعها عالخريطة ..



طبعا هي جزيرة سياحية وايضا سكنية .. لاني استغربت ان فيها مواصلات لوقت متاخر بالليل ..
طبعا وصلت لهناك وكان مافي انارة كافية والهدوء مخيف فتمشيت مع الشاطئ وصورت كم صورة ورجعت .. خفت يخلوني هناك

هنا العبارة الي توصلك للجزيرة



وهنا من الشاطئ هناك





للاسف ما اسعفني الوقت اني اجيها بالنهار بس بتكلم عنها

هي عبارة عن قلعة ماهولة ومبنية على عدد من الجزر ومدرجة على لائحة اليونسكو للتراث العالمي .. فيها عدد كبير من الاشياء والمواقع الاثرية وتستاهل يوم كامل مشي .. طبعا مافي سيارات .. وهنا بعض الصور عنها من النت ,, وهي جميلة لمحبي الاثار














طبعا بعد ما رجعت كانت الساعة تقريبا 10 وشوي .. وهنا الجوع لعب فيني ومن خلال بحثي عن المطاعم العربية لقيت هالمطعم وكان اكله جيد




وهنا صورة للمطعم من الداخل



وصل الاكل اخيرا



وبعدها كاسة شاي لشحن التدفئة




وكذا ينتهي يومنا الاول في هلسنكي

يتبع