ونكمل ..
اليوم الأول قمنا بالليل الساعة 12 طلبنا عشا من كنتاكي بجنب الفندق ب80 درهم تقريبا ، وانا طلبت قهوتي من تطبيق طلبات ب22 ووصلوها للوبي ولازم انزل استلمها مافي توصيل للغرف ساروا مشددين على موضوع المناديب

اليوم الثاني 3- ابريل
نزلنا الساعة 6 نفتتح معاهم الفطور حاجزين لفطور اول يوم فقط بشوف اذا ناسب الجميع كذا الأفضل ولأن عندي قائمة بالمطاعم والكوفيهات لازم اجربها

طلبت للشخص الثالث 120 درهم بالبداية والطفل مجانا فقلت بنزل الريسبشن وبحجز من عندهم كانوا متعاونين ومرحبين جدًا ، قالتلي هيا بتكلمهم وردوا عليها نص السعر ودفعت 60 درهم والحمدلله كان متنوع ويلبي احتياجات الجميع
الساعة 7 الصباح وقت السباحة الين قريب الظهر باين الحماس
خرجتهم يتجهزون بنخرج نتغدا بمطعم الحلاب بشارع الشيخ زايد والتقييم ممتاز طعم وسعر ومكان
العصر بدأ النوم يداهمهم وكنسلنا خور دبي وع الفندق للنوم، انا حجزت سبا مساج استرخائي ساعة ب500 درهم يستاهل فوق الممتاز
وانتهى اليوم الثاني
وراحت اليومين الأولى بتعديل النوم واكثر الوقت بالفندق