السلام عليكم ورحمة الله وبركاته

معاكم شخص امنيه حياتة السفر الى امريكا المحاوله الاولى للفيزا تم رفضها وبعد سنه رمضان هذا تم قبول طلب الفيزا واستلمتها اخيييراً


والان قاعد اخطط السفر الى امريكا بداية شهر يناير وتقريبا لمده اسبوعين وطبعاً لوحدي والميزانية تقريباً 35 الف ريال والوجهة الاولى نيويورك ولوس انجلوس و اورلاندو هل تنصحوني بالمخطط هذا وللعلم 35 الف ريال شامل التذاكر والفنادق و المعيشه طبعاً اعيد واكرر انا مسافر لوحدي وشكرًا لكم

وعليكم السلام
1000 مبروك الفيزا

صعب تزور أمريكا في شهر يناير
لأن كلها ثلوج وبرد شديد

ممكن من أبريل يدخل الربيع
ويتحسن الجو

الأفضل تحدد اتجاهك شرق أو غرب
شرق يشمل نيويورك شيكاغو واورلاندو وميامي
غرب يشمل لوس انجلوس + سان دييقو + لاس فيقاس + سان فرانسسكو

لا يمكن الجمع بينهم بميزانيتك

والله يحييك بيننا

انا ماني مزود على الخبراء اللي سبقوني واتعلم منهم لكن بجاوبك حسب التوقيت والميزانيه …اولاً يناير برد وممكن تكون جليد وثلوج في بعض المدن اللي حاب تزورها لكن بنصحك بحكم انك سبق ان رفضت تاشيرتك وتخاف من القروشه في المطار اول شي احجز على طيران الامارات الى اورلاندو مطارها حلو وماعليه زحمه وامورهم سمحه واخذ سياره اجار من المطار وفرفر في فلوريدا فيها اكثر من مدينه منها اورلاندو وميامي وتامبا وديتونا بيتش هذه الاهم ومايمنع تروح ساوث كارولاينا او جورجيا وكلها ملاصقه لفلوريدا لان الجو في يناير ممتاز وبالنسبه للميزانيه اي تكفي بالراحه بل ممكن تاخذ طيران بزنس بحدود 10 الاف والسياره اليوم بحدود 70$ في اليوم والفنادق 500ريال و فنادق ممتازه يعني التذكره بزنس بحدود 10 الاف والسكن ممتاز ب7500 والسياره ب4000 ريال باقي من ال35 الف حول 14 الف والله لو بتصرف كل يوم الف ريال يعني مبلغ كثير وان حبيت توفر تقدر تروح اسبوعين تذكره سياحي وسياره وفنادق معقوله بحدود 100$ في اليوم ومصروف يومي بحدود 150$ بتكلفك الاسبوعين 22الف ريال وانت مرتاح منت مزنوق وسلامتك

ذكرتها بتعليق سابق وراح اذكرها لك الآن، عشت بهالمنطقة وخلال شهر يناير- فبراير، برررد، لاتتوقع برد بس، لا برد برياح قوية لو وش تتلحف مايفيدك😂. حرفيا معاناة والشعب تشوفه منفس نوعا ما خلال هالشهرين ههه. وثلوج ايضا، اصلا مايمديك تطلع من البرد والثلج، والمواصلات العامة تكون زحمة عادة، كان يخلص دوامي ومجرد انتظاري للباص للعودة للشقة كانت معاناة فمابالك بالسياحة. درجات الحرارة تصل -25 درجة مئوية، تطفي الهيتر بالغلط مواصير المياه تجمد ههه. يفضل تبتعد عن ال Midwest خلال هالشهرين بالذات. شخصيا احب الجو البارد مثلك لكن اذا ماتفرق عندك مثلا بعض الايام تضطر تجلس بالسكن لوجود عاصفة ثلجية، فتوكل على الله.

-- لو عازم السفر خلال هالوقت، تحتاج تتسوق لملابس ثقيلة ونصيحة خلها لما تروح هناك تلاقي ملابس اثقل

الصور المصغرة للصور المرفقة