أنا سكنت في منطقة السوق القديم (بشارشيا)
شقه اسمها city center old town
من موقع بوكنج
غرفة نوم وحده وصاله كبيره اثاث جديد فخم بسعر ٣٥٠ ريال بالليله .
وفيها ميزه مهمه وجود موقف للسياره .. اغلب شقق السوق القديم بدون موقف للسياره .. وكان موجود شخص لتسليمنا مفتاح الشقة.
(بشارشيا) تعتبر قلب سراييفو النابض كلها محلات تجاريه وبنوك وصرافين وكافيهات ومطاعم وخمسين محل ايسكريم وحركه واكشن
وكل شئ جنبك ..
بالاضافه لذلك فهي تسمى بالحي العثماني فراح تحصل العديد من المحلات والمطاعم التركيه والبقلاوه والايسكريم حقهم .
اليوم الأول/ زياره سريعه خفيفه في (بشارشيا) وغالب المحلات مغلقه لان وصولنا سراييفو كان بالليل ..
حصلنا مطعم يقدم الاكل البوسني .. طلبنا الاكله المشهوره عندهم وهي كباب مع نص خبز .. كباب حاف لا معاه سلطه ولا صوص ولا خس ولا بقدونس ولا حمص ولا طحينه ينشف في الحلق .. طلبت لبن يمشي الأمور .. والمدام طلبت شرائح فيليه دجاج مشوي
الأكل عموما يعتبر زين .. لكن ما كررناه .

ملاحظه/ المغرب عندهم الساعه 8.30
يعني تأخذ راحتك في التمشي وتقضي يوم ممتع لحد ما تشبع .