السلام عليكم
كيفكم
رحت اندنوسيا واليوم الثالث تقريبا لي هناك
لاحظت ملاحظه ان الاسعار جدا باهضه بكل شي وخصوصا الاكل والمطاعم
حتى المخبز اشتريت خبز وصامولي كميه ماتعادل ١٠ ريال سعودي اشتريتها ب٤٠ ريال كم علبه تونه وجبنه ب٢٠٠ ريال وهي تعادل بالسعودي ٧٠ ريال
والمطاعم كوم ثاني طلبنا ٣ اطباق والسعر صك السعر ال١٩٠ يالراحه هذا غير طعم اكلهم الله يعز النعمه كله حالي وسكر والكميه بسيطه جدا ماتكفي عصفور ولاجربت المطاعم العربيه بسبب السب والذم الي قريته بتقييمات قوقل عن الغلا والوساخه والكميات ؟؟!احترنا موعارفين وش ناكل ؟!ووين نناكل فكرنا نشتري ذبيحه ونجيب طباخه تطبخ لنا لكن السؤال كم سعر الذبيحه اتوقع تصك ال٦ الاف ريال اذا قطعتين لحم مع رز حالي ب٨٠ و٧٠ ريال كيف عاد ذبيحه؟!افيدونا جزاكم الله خير ومن وين ناخذها ببونشاك؟! وامانه عليكم الي مجرب مطعم سنع وزين للفطور واسعاره معقوله لايبخل علينا وشاكرين لكم
مع العلم اني رحت تايلند كل شي هناك رخيص ومن افضل مايكون لكن اندنوسيا صابتني صدمه يوم جيتها