السلام عليكم ورحمة الله وبركاته

عندي كم استفسار عن الموقع الله يجزاكم خير احتاج مساعده للي يعرف

حاولت اراسل الموقع عن طريق ايميلهم visa@singapore-visa.sg لكن ماقبلت ايميلاتي ترسل له !! ولا ادري وش المشكله
لو احد يعرف لهم ايميل اقدر اتواصل معهم ياليت يعطيني اياه

عندي مشكلتين :

- جواز الوالدة فيه مضافين اثنين وسالت اكثر من شخص بعضهم يقولون لازم جواز منفصل لكن السفاره بالرياض ومكتب اخر في ماليزيا بلغوني ان عادي مرافقين ويصير للجواز ثلاث فيز لصاحب الجواز والمرافقين اللي معه
بس مادري هل هذا الكلام صحيح؟
المشكله ان الوقت ضيق جدا ومايمدي نفصل الجوازات ، راح تكون سفرتنا لماليزيا بتاريخ ١٧ جولاي ومن كوالالمبور الى سنغافوره ٢٨ جولاي باذن الله


- استفساري الاخر : الموقع شارط حجز سكن و طيران مؤكد ، بحثت عن خيارات الطيران مثل اير اسيا وجت ستارت اغلب رحلاتهم غير قابله للالغاء وغير مسترده!!! وخايفه احجز ل٩ اشخاص واتوهق ما اقدر اكنسل!!

والموقع حاط خيار لو مافيه حجز مؤكد يكون فيه دفع مبلغ زياده بس كم المبلغ؟ وهل هو عن الشخص الواحد والا عن العايله كامله؟ ( حاولت اراسلهم بدون فايده مايقبل ايميلهم =( )

بالنسبه للعدد ٩ اشخاص ، هل فيه تجارب سابقه كثيره ان بعض الافراد ممكن ماينقبلون؟؟ او عادي العايله كامله تمشي لو مكان فيه سبب للمنع؟