المغرب بعدسة (فارس من خيال):

فارس من خيال · 01-01-2015, 12:29 AM

بسم الله الرحمن الرحيم
يوم 16-مايو-2014 وعند الساعة العاشرة مساءً ودعت الاهل وخرجت من بيتي متوجهاً للمطار توكلت على الله
وصلت المطار ونزلت للصاله سحبت البوردنق وشيكت العفش وبعدها توجهت لصالة الفرسان حتى موعد اقلاع الرحلة
وعند الساعة 30-12 دخلنا الطيارة وبعدها بوقت قليل اقلعنا وغادرنا ارض الوطن>>فكة من الحر والغبار
نزلنا مطار القاهرة لمدة 40 دقيقة لم ننزل من الطيارة فقط صعدوا معنا مسافرين واقلعت الطياره بدون تاخير..
عندما هبطت الطيارة وتوقفت في ساحة المطار بالقاهرة للاسف الشديد بعض
الشباب السعودي قمة التخلف وحنا في انتظار صعود ركاب القاهرة
اتى اثنين من الشباب عند المضيفه في مقدمة الطيارة والابواب كانت مفتوحة وكل واحد مطلع زقارة يبي يدخن طبعا منعتهم المضيفة وبعض من طاقم الخدمات الارضية في مطار القاهرة كانوا متواجدين على الطيارة
وطلبوا منهم الرجوع الى مقاعدهم وبكل وقاحة مصرين الاخوان على التدخين عند باب الطائره او النزول الى الساحة والتدخين عند السلم
كان اسلوبهم همجي ووقح جدا وتعامل الطاقم كان في قمة الادب وقالوا ممنوع التدخين على متن الطائره وداخل الساحة كذلك ولكن بدأو برفع اصواتهم على الطاقم والاستهزاء بهم والاستهتار حتى كاد احد المضيفين ان يفقد اعصابة ولمن شافوا الجد رجعوا لمقاعدهم وهم يشتمون ومتضجرون ومازاد الطين بله عند وصولنا لمطار محمد الخامس نزلنا من الطيارة وركبنا الباص وكل واحد طلع زقارته يبي يدخن
فكان فيه وحدة من الاخوات مغربية واقفه امامهم فطلبت منهم عدم التدخين وانه ممنوع ولكن كان الرد قاسي وبصوت عالي وانتي وش دخلك مالك شغل وبدأ الجدل بينهم وارتفاع الاصوات وكل من في الباص ساكت يسمعون ويناظرون حتى ولع احدهم زقارته طبعا انا فقدت اعصابي ولكن بكل ادب وقفت وقلت لهم ياشباب انتم جايين هنا تنبسطوا وانا ناصح لكم انا موظف مطار وعارف الانظمة وعقوبة التدخين داخل ساحة الطيران والله لتدخلون في متاهات انتم في غنى عنها مع سلطات الامن بالمطار وستتوقفون في الحجزبقسم الشرطة ويمكن ترجعون على اول طيارة للسعودية والحين وصلنا يعني كلها نص ساعة وانتم خارج الصاله دخونوا براحتكم
توقف الباص واول مافتح الباب اللي كان مولع زقارة اخذ كم موش ع السريع ورماها في الساحه دون مبالاه او يلتفت لا احد انا كنت خلفه دعست على الزقارة لا اطفيئها ودخلت للصاله وفي نفسي اقول لو لي سلطه في المطار اقسم بالله ليرجعون على نفس الطيارة

معليش شطحت بكم شوي بس حبيت اذكر الموقف لكي لايقع بعض الشباب في مثل هذه المواقف اللي تشوه سمعتنا كسعوديين مع ان هالاشخاص لايمثلون إلا انفسم وهم قله
نرجع للتقرير
وهذي صورة من داخل الطائره والدرجه الاولى كانت شبه فاضية وتشوفني اتنقل من مقعد لمقعد

بعد دخولنا لاجواء الجزائر تقريبا

بدأ الطيار بالهبوط التدريجي
وهاي اول طله نشوف كازا من بين السحب

وصلت مطار محمد الخامس بسلام
وكالعادة ماينغص اجواء الوصول إلا موظفين الجوازات والجمارك يطلبون هدية او بالاصح رشوه
او تبدأ المماطله والتاخير عشان ادفع لهم
وانا حلفت ابن امه ماياخذ درهم لو اجلس يومي كامل في المطار
موظف الجوازات >الحمد لله على السلامه
انا>الله يسلمك
موظف الجوازات > بدأ يقلب في الجواز وينتظر الهدية
انا انتظر تختيم الجواز واناظر بصمت
موظف الجوازات >انت سعودي
انا> ابتسمت وقلت نعم وفي نفسي اقول وهالجواز الاخضر وماسك فيه ربع ساعه تقلب ومو عارف>>يستهبل شكله
موظف الجوازات >اول مره تجي المغرب
انا> لا مو اول مره
موظف الجوازات > جاي سياحه
انا>نعم سائح اجل وش هوله جاي اشوف وجهك
موظف الجوازات >كم يوم بتجلس في المغرب ويقلب الجواز ويفتح على صفحة تاشيرة اوروبا ويحك فيها يفكرها مزورة
انا > لاحووووول اسبوع وبعدين بطلع ع البرازيل وارجع للمغرب مره ثانية وبجلس يومين وبطلع على سويسرا وبمر الجنوب الفرنسي كمان واسبانيا وبرجع لك مره ثالثه
موظف الجوازات >اووه ماشاء الله
انا ليش فيه شي ختم لي وراي سفر رايح مراكش
موظف الجوازات > انتم يالسعوديين حبايبنا مافية اكرامية
انا > وش اكرامية مو فاهم عليك مسوي غبي مدري وش السالفه
موظف الجوازات > يبتسم يعني هدية
انا> اووه لا والله ماشريت ماكنت ادري بس المره الجاية ان شاء الله اجيب لك هدية وفي نفسي اقول هدية بعينك والله ريال ماتاخذه لو ارجع ع الطياره
موظف الجوازات >يقلب الجواز ويناظرني وانا حاس فيه يقول ياليئم
موظف الجوازات >بصوت واطي اقصد بخشيش
انا> اهااااا ياليت بس والله ماصرفت وماعندي كاش عندك شبكة >كنت اشوف نار ودخان طالعه من راسة هههههههههههه ياليئممممممممممممممماكو بخشيش
موظف الجوازات >قفلت معاه والناس طابور وراي واخيرا عرف اني ماراح اعطيه شي
ختم جوازي بدون نفس وعطاني اياه وانا مبسوط اخذته ومشيت
وعلى سير العفش اخذت شنطتي ويالله طاب في الجمارك
ونفس الاسلوب جلس يفتش الشنطه بس اعطيته من اولها قلت ماراح ادفع لك شي ماعندي صرف
طفشني شوي بس عرف انه ماراح ياخذ شي وقفل الشنطه وقال توكل على الله
----------------------------
طبعا انا رافض الدفع مو عن بخل والله بس حنا عودناهم على هالشي وصاروا يطفشون السائح الخليجي وياخرونه لحد مايدفع اما السائح الاجنبي اول مايوصل الكونتر يختم له في دقيقة
وإلا 100 درهم ماتسوى لو نطلتها بوجهه ما اخرني ولا دقيقه
وهذي مشكلة الدول العربية كل من تقابله يطلبك
وكذلك قوة استغلال ونصب على الخليجيين ياكرهي للدول العربية ولو رحلتي مو ع الخطوط المغربية ماطبيت دوله عربية
وكذلك قلت اقسم المسافه اريح في المغرب وبعدين اطلع ع البرازيل مايقارب 10 ساعات طيران مافيني حيل على الترانزيت

استاجرت سياره عن طريق موقع لشركة rentalcars وبعد الايجار والحجز الشركة تبحث عن مواصفات السيارة اللي طلبتها من شركات التاجير مثل سكست ويورب كار وغيرها من الشركات اللي لها عقود مع rentalcars وطبيت في شركة locationauto عطوني سيارة حتى المكيف يالله يطلع هواء ومن كل جهه مصدومه ورفضت استلمها قلت هذي مو السيارة اللي طلبتها
ياتعطني فيئه اعلى يانفس السيارة اللي استاجرتها
حاولو يقنعوني ان هذي فيئتها اعلى بس رفضت اسلمها حتى جابو لي نفس السيارة وموديلها قديم 2010 بعد هواش ورفع الصوتولم شفت السيارة انصدمت قلت هذي ماتوديني الدار البيضاء مو مراكش واغادير
قالوا هذي اللي انت طالبها قلت طيب ابي اغيرها فرفضوا بحجة ان ماعندهم إلا هالسيارتين والسالفة بس عناد لمن تهاوشت معهم ورفضت استلام السيارة الاولى والله انقهرت منهم ولو كنسلت بيروح علي مبلغ الايجار وفوق هذا اخروني مايقارب الساعة حتى غيروا العقد حق السيارة الاولى المهم طفشوني
واول ما استلمت المفتاح كان فية ثلاثة اشخاص يعملون في كراج السيارات كنت اسولف معهم لحد ماغيروا العقد الاول واطلع محفظتي واعطي كل واحد 100درهم والاثنين اللي تهاوشت معهم ورفضوا يغيرون السيارة سحبت عليهم وكانت نظراتهم مليئة بالحقد بس قلت ابي اقهرهم وماراح اعطيهم شيء

استلمت سيارتي بعد دعوات طيبة من اللي عطيتهم فلوس ومسكت الطريق على مراكش

وصلت مراكش والحمد لله
سكنت ليلة بفندق سمير اميس مراكش بمبلغ 593 شامل الافطار

الى اللقاء في يومنا الاول في مراكش

q8ya metnaqla, هاوية الاسفار, توبليرون و 6 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خريطة المغرب الرقمية لمدن المغرب وطرقها morocco map	Haksa77	بوابة المغرب	17	10-05-2016 12:38 AM
منتجع بولاي باي السياحي في تايلاند يفوق كل خيال بالصور و المعلومات	عامر	بوابة تايلند	19	23-07-2015 02:55 PM
أخواني القطري و فارس وخبراء لندن	ابن الشرقية 96	اوروبا	1	19-06-2015 12:56 AM
# فطور _ فارس	فتاة الدمى	بوابة السعودية	58	19-03-2015 04:03 PM