العرب المسافرون
بوابة السفر الى الولايات المتحدة الأمريكية U.S.A
بسم الله الرحمن الرحيم
في البداية أحمد الله حمداً كثيراً على تيسير هذه الرحلة فلم أواجه أي تعقيدات أو عقبات إلا موقف واحد كان صعب ولكن أحمد الله أنه أفرجها وإلا لكنت في خبر كان سيتم ذكره في حينه إن شاء الله
بصراحة كتابة التقارير في مثل هذه الرحلات يستنزف الكثير من الجهد والوقت ، ولكن لقلة المعلومات المتعلقة بالسفر إلى أمريكا خصوصاً بعد إقفال العرب المسافرون ضاع الكثير من الناس وأنا أولهم وعند البحث في المنتديات الأخرى لا تجد الا معلومات قليلة أو مواضيع بدون صور تخدم الموضوع عندها قررت أني أبذل الجهد لوضع تقرير مفصل للرحلة حيث أنني في كل نهاية كل يوم أقوم بكتابة أحداث اليوم حتى لا أنسى مع العلم أنني استفدت من المنتدى الجديد بمشاركات ومواضيع الخبراء هنا فلهم منا جزيل الشكر والدعاء .
كانت الخطة السفر إلى شرق أمريكا ( نيويورك – فلوريدا – رحلة على الكروز) في شهر ابريل حيث أن الأجواء ستكون باردة في نيو يورك ولكن ستكون ممتازة في فلوريدا واغلب المدة ستكون فيها , لكن تفاجأت بأن عندي بعض المشاغل المهمة في نهاية الشهر عندها ستكون الأجواء قد بدأت تحتر قليلاً على منتصف شهر مايو فارتخت عندي فكرة السفر إلى أمريكا من هذه الناحية ومن ناحية أخرى طرح أحد الزملاء فكرة الذهاب إلى أوروبا في شهر مايو مما زادني تراخي ولكن بعدها بأيام قابل أحد الزملاء شكيت له الحال فقال لي مالك ومال فلوريدا إذهب إلى كاليفورنيا فهي أجمل وأبرد فاشتعلت فكرة الذهاب إلى أمريكا مرة أخرى وبدأت عملية البحث واختارت الذهاب إلى ( لاس فيجاس – لوس أنجلوس وماجاورها – سان فرانسيسكو) لمدة 18 عشر يوماً من تاريخ 12/5/2015 وحتى 30/5/2015 .
في جميع حجوزاتي الطائرة – السيارة – الفنادق استخدمت موقع اكسبيديا قرأت أنه ممتاز فقررت الحجز منه .
حجز الطائرة :
الطائرة كلفتني 975 دولار وكانت رحلة الذهاب على اللفتهانزا من الرياض إلى فرانكفورت ثم انتظار 3:45 بعدها من فرانكفورت إلى لوس أنجلوس , ورحلة العودة على طياران يونايتد الامريكي من سان فرانسيسكو إلى فرانكفورت ثم انتظار 3 ساعات ومن ثم على اللفتهانزا من فرانكفورت إلى الرياض .
حجز الفنادق :
MGM Grand Hotel
هذا الفندق اللي حجزته في لاس فيجاس خذته 3 ليالي ب 330 دولار وحجزوا علي 300 دولار تأمين مستردة وعندما عملت تشك آوت خذوا رسوم 30 دولار على كل ليلة , مع العلم أن موقع اكسبيديا ما وضح أن فيه تأمين والرسوم اللي خذها كل ليلة ما وضعها من ضمن الإجمالي وضعها من ضمن الملاحظات تحت .
Wingate by Wyndham Los Angeles International Airport LAX
هذا الفندق اللي حجزته في لوس انجلوس لمدة 11 يوم ب 1457 دولار وفيه تأمين قيمته 20 دولار لكل ليلة يعني 220 دولار تأمين مستردة .
SeaCrest OceanFront Hotel
هذا الفندق حجزته ليلة وحدة في منتصف طريق الهايواي 1 ب 166 دولار وتأمين قيمته 50 دولار مستردة .
Red Roof Inn San Francisco Airport
هذا الفندق حجزته في سان فرانسيسكو لمدة 3 ليالي ب 414 دولار وما كان فيه أي تأمين .
حجز السيارات :
الحجز الاول كان أول ما وصلت لوس أنجلس عشان أروح للاس فيجاس من شركة إي – زد نوع نيسان صني استأجرتها من اكسبيديا وطلع الإجمالي 84 دولار ويوم استلمتها صار الاجار 120 دولار فيه رسوم ما ذكرت في اكسبيديا بالإضافة انهم خذوا تأمين 200 دولار مستردة .
الحجز الثاني كان من لاس فيجاس حجزت على شركة سيكست نوع السيارة بريميوم من فئة اودي الصغيرة او ما يماثلها وكان السعر في اكسبيديا 400 دولار مع الرسوم وكانوا واضعين خيار التأمين على السيارة واخذته ب 144 دولار ويوم رحت لسيكست تفاجأت بأن سعر التأجير 500 دولار لان فيه رسوم ما ذكرها موقع اكسبيديا بالإضافة يوم قدمت التأمين اللي طبعته من موقع اكسبيديا قالت أن هذا التأمين يشملك أنت وسيارتك ولو صدمت سيارة ثانية أنت اللي بتصلح السيارة الثانية فاضطريت اني اخذ تأمين ثاني للسيارة من عندهم ب 180 دولار فصار الاجار 500 + 180 = 680 دولار بالإضافة حجزوا على 280 دولار ترجع اذا رجعت السيارة.
تكالبف الرحلة :
- آجار السيارات مع الفنادق مع الطائرة : 4232 دولار
- متفرقات مثل تكسي تذكرة باص شريحة اتصال 160 دولار
- الاكل : عشاء وغداء وسناكات 618 دولار
- بنزين : 344 دولار طبعا السيارة مشيتها 2400 ميل بما يعادل 3800 كيلو .
- مشتريات خاصة : 500 دولار
- دخوليات : مثل 6 فلاقز وينيفرسال استديو 486 دولار
- المواقف : 105 دولار .
الإجمالي : تقريبا 6500 دولار بما يعادل تقريبا 25 ألف ريال سعودي للرحلة كاملة طبعا كان معي 500 دولار كاش والباقي في الفيزا .
رفقائي في الرحلة :
جوال نوكيا 1020
جوال هواوي اونر بلس
نيكون 7100 مع عدسة 17-55
برنامج الملاحة المستخدم :
قوقل ماب ممتاز وهو اللي اعتمدته في الرحلة يعطيك تقييم للآماكن اللي تروح لها ويبين المناطق اللي فيها زحمة بالإضافة أنه يعطيك مواعيد دوام المحلات وهذي فادتني كثير .
الان بنقلب عامي
.gif "(125)")
اليوم الاول :
مطار الملك خالد جيتهم قبل ثلاث ساعات وقصيت البوردينق للرحلتين تفتيش الجوازات سريع وعقبها رحت البوابة وانتظرت حتى نادوا على الرحلة ركبنا الطيارة واقلعنا الساعة ١ صباحاً وكان فيها اماكن فاضيه بعد ما تواست الطيارة عطونا سندوتشات خفيفة ووزعوا علينا فرش ووسايد نظام الترفيه جيد وعطونا الفطور قبل لا نوصل بساعة , كانت مدة الرحلة تقريبا ٦ ساعات وصلنا حول الساعة ٦ صباحا بتوقيت المانيا والشنطة المشحونة ما نستلمها الا في الوجهه الاخيرة نزلنا مطار فرانكفورت وادور الرحلة ولا لقيتها لانها توها ما فتحت واتجه للبوابة حقت رحلتي الثانية من فرانكفورت الى لوس انجلس والمطار كان كبير بس واضح وانتظر عند البوابة لمدة ٣:٤٥ حتى فتحت ودخلنا الطيارة وكانوا الناس مالين الطيارة وموقع الاقلاع ١٠ صباحاً ولا اقلعنا الا على ١٠:٤٥ خلال الرحلة عطونا اول ما ركبنا سناك ومشروب وعقبها وجبتين كلها خضار لاني طالب وجبة مسلم في موقع طيران لوفتهانزا واختيار المقاعد في لوفتهانزا برسوم تختاره في موقعهم وكنت أتمنى اني مختار مقعد جنب المسار لان لو احتجت تتحرك أو تروح دورة المياه وأنتم بكرامة لازم تقوم هالناس عشان تطلع وقبل لا نوصل المطار ب ٥ ساعات وزعوا علينا نموذج الازرق حق الجمارك عبيته وصلنا المطار قرابة الساعة ١ الظهر كان التفتيش والاجراءات سهلة جدا ولله الحمد ورحت استلم الشنطة ولاقيتها اشوف الناس تأخذ شناطها الان أنا خفت أنهم نسوها في ألمانيا ألين ما صار فيه الا أنا والمسؤول عن الشنط سألني وش عندك قلت له شنطتي مالقيتها قالي عطني رقمها وكانوا ملزقينه على البوردنق عطيته الورقة وأشر على وحدة من الشناط اللي موجودة وقال هذي شنطتتك وقلت له لا مب شنطتي ورحت أفتحها وأتفاجئ أنها هي نسيت شكلها
.gif "(7)")
وعقب الشنطة رحت باستلم السيارة اول ما تطلع من المطار لوس انجلوس تلقى اشارات على فوق موضح فيها وين توقف عشان تروح لمواقف التكسي والاجار والفنادق توقف تحت العلامة وتنتظر الباص المخصص يجيك أنا انتظرت عند إشارة محلات اجار السيارات وجا الباص وركبت معه ورحت محل الاجار وخذت السيارة ورحت ادور مجمع تسوق عشان اشتري كرت مسبق الدفع دخلت عند محل شركة أي تي اند تي شريته غير محدود كلش ب ٨٧ دولار اتصال ورسايل وبيانات والمشكلة كانت في البيانات وهي اللي أحتاجها المشكلة أن أول 7 قيقا فور جي بعدها يصير بطيء بعدها فعلت الشريحة وحملت تطبيق اسمه حلال من ميزاته يعلمك وين اقرب مسجد لك وتوجهت لأقرب مسجد وصليت الظهر والعصر ووجهت لاس فيجاس والمدة تقريبا 4 ساعات ونص ما بين لوس انجلوس ولاس فيجاس وأنا في الطريق دخل وقت صلاة المغرب والعشاء ووقفت في أحد المجمعات وصليت عقبها كملت الطريق لفيجاس الخط جميل والناس طايرة والمجمعات على الطريق كثيرة وشريت منها شي خفافي للخط
وعقبها عبيت بنزين ووصلت لفيجاس وعبيت ثانية لان لازم ارجع السيارة فل وسلمت السيارة في المطار بدون تفتيش ورحت خذت تكسي وعلى الفندق سويت تشك ان ونمت حوالي الساعة 2 صباحاً
مطار الملك خالد وانتظار البوابة تفتح
هذي طيارتنا عقب ما ركبنا
الفطور
هنا مطار فرانكفورت والانتظار ألين تفتح البوابة
هذي طيارة بجانب بوابتنا
السيارة اللي استأجرتها من لوس أنجلس عشان أسافر بها للاس فيقاس
هذا المحل اللي شريت منه الشريحة
بعض الصور للطريق الى فيقاس
تحس أنك رايح للهدا مع هالجبال pb192
هذا المحل اللي وقفت عنده آخذ سناك وكان لذيذ خبزه
هذي صورة غرفتي في فندق ام جي ام والظاهر أنهم عطوني غرفة أكبر لان ماكانت كذا وقت الحجز
.gif "(6)")
دورة المياة تكرمون
والحلقة الجاية بتصير الصور أكثر من الكلام إن شاء الله لا تقلقون وباضيف لكم جدول الرحلة اللي فيه الاماكن في كل مدينة
pb192:eq-57:
2الاعجاب
03-06-2015, 12:57 AM
رحلة فردية للأراضي الامريكية ... 
العرض الشجري
المواضيع المتشابهه 
