X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين2الاعجاب
إضافة رد
 
LinkBack أدوات الموضوع انواع عرض الموضوع
قديم 04-06-2015, 03:56 AM   #11

مسافر جديد

 
 
تاريخ التسجيل :  Dec 2014
رقم العضوية : 877
الجنس : ذكر
المشاركات : 29



افتراضي رد: رحلة فردية للأراضي الامريكية ...


الله يعطيكم العافية على ردودكم وتفاعلكم اخواني

وراجع لاستفساراتكم ان شاء الله بس عطوني وقت



اليوم الثاني :
نمت حتى ١ الظهر قمت وصليت الظهر والعصر وطلعت من الغرفة ودفعت التذاكر عرض
The Beatles LOVE | Cirque du Soleil طبعا التذاكر المفترض اني ادفع حقها اونلاين لكن موقع فندق ذا ميراج ما طاع يقبل الدفع من بطاقتي فراسلتهم على الايميل وقالوا ان هالمشكلة تصير في بعض البطاقات العالمية وقالي اختر المقعد اللي تبيه وانا احجزه لك وبرسل لك الحجز على ايميلك واذا وصلت للاس فيقاس رح لفندق ام جي ام بتلقى شباك التذاكر هناك ادفع عنده طبعا اخترت المقعد وارسلت له وارسل لي الايميل وكنت حريص احجز هذا الوقت لان كان في عرض على الحجوزات بسبب ان السيرك هذا تم له 50 سنة وحاطين عروض خاصة والمقعد اللي حجزته كانت قيمته 170 دولار وبعد الخصم صار ب 126 دولار ومن باب النصيحة ولو اخترت من المقاعد الأخيرة واللي هي أرخص شي بتصير الرؤية جيدة لان مكان العرض كان صغير ولو اخترت اول المقاعد واللي هي اغلى شي تصير كأنك داخل معهم في العرض وبتتلفت يمين ويسار عشان تلحق تشوف والأفضل المقاعد اللي في النص مثل ما اخترت والحجز من موقع الفندق :
The Beatles LOVE a Cirque du Soleil Show at The Mirage in Las Vegas

وعقبها كانت الوجهة إلى HIGH ROLLER بديت اتمشى في الستريب بين الفنادق ومريت ستار بكس وتقهويت فيه ومشيت ولما جيت بدخل أحد الفنادق ببدل نظاراتي الشمسية بالطبية مالقيت نظارتي الطبية وأدور واسأل المحلات عنها ولا حصلتها للأسف والحمد لله أني كنت جايب نظارة طبية احتياط رجعت للفندق وخذتها وبديت أتمشى في الستريب وأنا أدور حسيت بالجوع وقررت أن اذوق برقر ان اند آوت وأشيك عليه في قوقل ماب وألقه قريب مني ومشيت له ويوم قربت له تفاجأت أني ما أقدر أوصل له الا عن طريق السيارة لانه كان ورى جسر ولا كان فيه ممر للمشاه عندها قررت اتمشى في الستريب وباكل أي شي القاه

اطلالة الغرفة



لوبي الفندق



أول ما طلعت من الفندق والنية طريق الستريب



اكبر تمثال مصنوع من البرونز للاسد



صورة للفندق من الخارج



هنا صور متفرقة للشوارع والفنادق من الخارج والداخل





5

هنا احتسيت قهوتي السوداء





هذا المحل قريب من ستار بكس مبدع في طريقة وضع الصور داخل الزجاج





بعدها شفت هذا المحل اللذيذ وتمنيت أني ما كلت من ستار بكس عشان أكل منه بس وعدت نفسي بزيارته مره ثانية ولكن لم أفي بوعدي :eq-67:





هديتي لزوار الموضوع





أي واحد يروح ياكل الكوكيزبالمارشميلو نيابة عني









وهذي صور متفرقة للفنادق والشوارع من الداخل والخارج











حبيب الشعب شيك شاك بس طاح سوقه بعد ان آند آوت :eq-63:



حبيب الملايين ام آند امز







عالمي ولا عزاء للهلاليين



كل هلالي ياخذ هدية بس لا تزعلون علينا







اكتشفت أني احب الميداليات فصرت كل ما رحت لمحل خذت منه ميدالية وهذي أولها



صور متفرقة للشارع والفنادق

طبعا هذا المجمع اللي في الزاوية أنصح جميع البنات يبتعدون عنه مقدار ألف ميل حفاظاً على الميزانية

















أعجبني اسمه وشريته



هنا وصلت للطريق اللي يوصلك للهاي رول وهو شارع جمييييل خاصة بالليل فيه مطاعم وكافيهات ومحلات



وصلت البوابة اللي تدخلك على الهاي رول طبعا التذكرة شريتها من النت على هذا الموقع وطبعتها وقدمتها لهم عند الدخول
https://www.caesars.com/linq/high-roller#_=_

في نوعين الاول تذكرة صباحية من 11:30 ص وحتى 7:00 م هذي ب 27 دولار
والثانية تذكرة مسائية وهي اللي خذتها من 7:00 م وحتى 2:00 ص طبعا جيتهم على الساعة 7 م ودخلت عشان يمدني ألحق على الصبح والمساء pb192 لان مدة الدورة نص ساعة وارتفاعها عالي حوالي 550 قدم



















وبعد ما طلعت من الهاي رول رجعت مع نفس الشارع اللي رحت معه



ووقفت عند هذا المحل اللذيذ :





معليش ما صبرت لكم



تكملة مع هذا الممر الجمييييل





هنا مجموعة من الصور الليلية للفنادق تبين لنا كيف تكون فيقاس في الليل بعكس الصور اللي قبل فرق شاسع في الليل أجمل بكثير من النهار





العرض المعلق على اللوح هو اللي بأحضره في بكرة في نفس الفندق ذا ميراج








































كنت جايع ولكن مع كثرة المشي انسد نفسي وكان عندي برنامج يحسب مقدار المشي في اليوم وتفاجأت أني مشيت 21 كيلو اليوم كله في الستريب ووعدت نفسي بغدا دسم يعوض المشي اللي راح وتوجهت للفندق للصلاة والنوم وبتشوفون الغدا في الحلقة الجاية ان شاء الله طبعا كثرت لكم الصور عشان يمكن اسحب عليكم في الويكند الا أن يشاء الله

 

Tamem غير متواجد حالياً   رد مع اقتباس
قديم 04-06-2015, 01:54 PM   #12

خبير امريكا

الصورة الرمزية BoAziz2001
 
تاريخ التسجيل :  Dec 2014
رقم العضوية : 270
الدولة : الكويت
الجنس : ذكر
المشاركات : 78



افتراضي رد: رحلة فردية للأراضي الامريكية ...


حمدالله على سلامتك
متابعين للاخر
تحياتى

 

BoAziz2001 غير متواجد حالياً   رد مع اقتباس
قديم 04-06-2015, 03:44 PM   #13

مجلس الإدارة

 
 
تاريخ التسجيل :  Dec 2014
رقم العضوية : 15
المشاركات : 15,812



افتراضي رد: رحلة فردية للأراضي الامريكية ...


تسلم علي الصور يا غالي

حسب ما أقرأ ان لاس فيغاس في الليل أجمل

 

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

فيصل غير متواجد حالياً   رد مع اقتباس
قديم 04-06-2015, 08:20 PM   #14

مسافر جديد

الصورة الرمزية omfahadkw
 
تاريخ التسجيل :  Jan 2015
رقم العضوية : 1594
الدولة : الكويت
الجنس : انثى
المشاركات : 65



افتراضي رد: رحلة فردية للأراضي الامريكية ...


الله يعطيك العافيه ع التقرير الجميل
رجعتنا لايام التقارير الجميله
شكرااااااااااااااااااااااااااااااااا ملاييين

 

omfahadkw غير متواجد حالياً   رد مع اقتباس
قديم 05-06-2015, 12:41 AM   #15

مسافر جديد

 
 
تاريخ التسجيل :  Dec 2014
رقم العضوية : 877
الجنس : ذكر
المشاركات : 29



افتراضي رد: رحلة فردية للأراضي الامريكية ...


اخوي اخر فرصة

حياك الله وشرفتني في الموضوع

وهذا الهدف من التقارير توضيح التفاصيل اللي تخدم الناس في السفر

شكراً لك



اخوي شارلوك هولمز

حياك الله اخوي وشرفتني في الموضوع

الوضع البانورامي من جوالي نوكيا 1020 واعتقد أنه موجود في أغلب الجوالات الان

شكرا لك



اخوي أبو عبدالله

حياك الله وشرفتني في الموضوع

شكرا لك



اخوي القحطاني

حياك الله اخوي وشرفتني في الموضوع

شكرا لك على اثراء موضوع الانترنت والصراحة بحثت بشكل موسع عشان القى شي مفتوح بسرعة عالية لكن عجزت

وشكرا لك



PrinceOfPersiahاخوي

حياك الله وشرفتني في الموضوع

شكرا لك



اختي عناقيد الربيع

حياكِ الله وشرفتيني في الموضوع

من الضروري زيارة أمريكا دولة جميلة جداً وشعبها طيب
والشنطة إلى الان وأنا أضحك على نفسي كيف نسيت شكلها
وبالنسبة للتطبيق هذا اسمه تطبيق رحلة حلال أو HalalTrip اذا بغيتي تبحثين عنه
وشكراً لكِ



اخوي
oceanus

حياك الله وشرفتني في الموضوع
واكسبيديا احس أنه ما يقدر يطلع كل الرسوم المطلوبة ولازم تاخذها من الموقع الاساسي
والله أعلم
شكراً لك



اخوي فيصل

حياك الله وشرفتني في الموضوع

والله زين الوناسة بس وصلت هالحد ما جبت العيد في شي ثاني
والمجمع اللي صليت فيه ما كان فيه مسجد بس وقف ورى وصليت

وبالنسبة للسيارة هذي ميزة السفر لحالك كنت أقدر اسوق بعد هالرحلة الطويلة

ولو معي أحد أجزم أننا كنا بناخذ ليلة نرتاح فيها قبل لا نروح لفيقاس وكان ممكن اروح بالطيارة

لكني ما أحب إلتزامات الطيارة قص بوردنق انتظر الاقلاع تسليم الشنط

أحلى شي معي سيارتي وأمشي متى ما بغيت

والموقع والله ما ادري وش السبب انه ما يطلع كل الرسوم المطلوبة بس أنه لقى لي تذكرة الطيران بسعر رخيص

وهذا شفع له عندي

وفعلا قبل سنتين خذناها في المانيا على سيكست وخذوا ضعف المبلغ

وفيقاس في الليل تطلع مدينة ثانية جميييلة جدا

شكرا لك




اخوي ابو سلمان

حياك الله وشرفتني في الموضوع

وعقبال ما نتشرف بموضوعك الخاص إن شاء الله

شكرا لك



اخوي BoAziz2001

حياك الله وشرفتني في الموضوع

والله يسلمك وأهلك من كل شر

وفرصة أني أشكرك جزيل الشكر على ما قدمته في هذا المنتدى ويعلم الله أني استفدت الكثير منك

فالله يجزاك خيرا كثير ويوفقك

لا تحرمنا من تعقيباتك وملاحظاتك

شكرا جزيلا لك



اختي omfahadkw

حياكِ الله وشرفتني في الموضوع

والقادم أحلى إن شاء الله

شكرا لكِ

 

Tamem غير متواجد حالياً   رد مع اقتباس
قديم 06-06-2015, 08:08 AM   #16

مميز العرب المسافرون

الصورة الرمزية |القحطاني|
 
تاريخ التسجيل :  Dec 2014
رقم العضوية : 620
الدولة : المملكة العربية السعودية
الجنس : ذكر
المشاركات : 7,228



أوسـمـة: |القحطاني|

كل الاوسمة:1 (more»)
افتراضي رد: رحلة فردية للأراضي الامريكية ...


ما شاء الله تقرير جميل وصور راااااااااااااااااااااااااائعة

ومشكور على هالهدية



أما إطلالة الفندق


ههههههه بس حلوة المباني اللي في الخلف .. والله شيء جميل

أنا لو رئيس أمريكا وعندي هذي الأشياء ما أشتغلت لا في السياسة ولا في الحرب واهتميت بدولتي ههههههههههه

عندي سؤال بسيط: هل جربت الدفع في أي مكان في أمريكا عن طريق الجوال ؟ يعني عن طريق google wallet أو apple pay أو samsung pay ؟
لأنه هالخدمة مفعلة في أمريكا ورهييييييييبة

مثل كذا
apple pay


samsung pay


الله يعطيك العافية

 

قطرية كولمعجبون بهذا.

توقيع : |القحطاني|

...

|القحطاني| غير متواجد حالياً   رد مع اقتباس
قديم 06-06-2015, 06:45 PM   #17

مسافر جديد

 
 
تاريخ التسجيل :  Dec 2014
رقم العضوية : 877
الجنس : ذكر
المشاركات : 29



افتراضي رد: رحلة فردية للأراضي الامريكية ...


حياك اخوي القحطاني

أنا لو رئيس امريكا كان استقلت ورحت اتمشى في كل الولايات

والله الخدمة جميلة وسمعت ان الكويت الان طبقتها
بس للامانة ما جربتها ولا لاحظت أن احد جربها
بس ممتازة امنة جدا خصوصا مع البصمة

 


التعديل الأخير تم بواسطة Tamem ; 06-06-2015 الساعة 10:40 PM
Tamem غير متواجد حالياً   رد مع اقتباس
قديم 06-06-2015, 10:31 PM   #18

مسافر جديد

 
 
تاريخ التسجيل :  Dec 2014
رقم العضوية : 877
الجنس : ذكر
المشاركات : 29



افتراضي رد: رحلة فردية للأراضي الامريكية ...


اليوم الثالث :

قمت على الساعة ١٢:٣٠ الظهر متكسر من مشي امس ٢١ كيلو عليها قررت أن ما أطلع من الفندق الا وأنا شايف لي طريقة تنقلني خصوصا أني ناوي اليوم أمر شارع الفيرمونت واللي موجود في الداون تاون بحثت في النت عن وسائل النقل في لاس فيقاس وطحت لي على شركة باصات اسمها RTC وهذا موقعهم: Transit - شفتها أمس ولها محطات توقف عند كل فندق تقريبا لقيت فيها نوعين من الباصات الأزرق والذهبي انا اخترت الأزرق لأنه أكثر محطات توقف ويشتغل 24 ساعة اما الذهبي أقل محطات توقف مع العلم أنه يوصل محطات ما يوصلها الأزرق بس مدة عمله من 9 ص وحتى 12 ص ارجو مراجعة الموقع حتى يتبين لكم الفرق طبعا كان سعر التذكرة 8 دولار لمدة يوم واحد أو 20 دولار لمدة 3 أيام وأذكر ان بعض الناس يدفع دولارين عند السواق حق مشوار واحد انا اخترت يوم واحد لان التشك آوت بكرة وبحث عن اقرب نقطة توقف ولقيت انها أول نقطة واسمها على الفندق MGM وقبل لا اطلع كان معي قو برو قلت باخذها معي حاولت اتصل بها ما قبلت لان فيها رقم سري وأنا ما اعرفه قلت بسوي استعادة ضبط المصنع واحط كلمة سرية من جديد لكن المشكلة أي اصدار قبل قو برو 4 ما تقدر تغير الرقم السري الا عن طريق الموقع وتنزل برنامج على الكمبيوتر وشغله فاللي معه قو برو يتأكد منها قبل السفر وبعدها طلعت وتوجهت لنقطة التوقف القريبة مني ويوم وصلت لقيت جهاز حق بيع التذاكر وجاني الموظف حق الشركة وقال تبي مساعدة وساعدني في الشراء مع انها بسيطة دخل الفيزا اختر التذكرة وموافق وتطلع لك ركبت الباص وتوجهت لاخر محطة اللي هي الفيرمونت وكان الهدف الأساسي اني اتغدا في مطعم
Heart Attack Grill





خط السير يبدا من محطة MGM وينتهي بالفيرمونت




وانطلقت حتى وصلت حول الفيرمونت وتمشيت فيه وهذي صور منه











أحسن شي عندهم كل شي بالفيزا حتى هذا عنده دفع بالفيزا









هذي لعبة تبدا من البرج اللي فوق وتنتهي هنا يعلقونك وتطير على الفيرمونت







وهنا وصلت المطعم









فكرة المطعم انك كانك داخل مستشفى اول ما تدخل يلبسونك لبس المرضى واللي يستقبلون الطلبات ممرضات ولو طلبت واين يحطونه في حقنات او في غذايات وعندهم قوانين غريبة لو ما تخلص الوجبة اللي طلبتها يطقونك مع المؤخرة واللي وزنه أكثر من 350 باوند يقدر ياكل ببلاش من عندهم وكم واحد جته سكته قلبية وهو ياكل في المطعم وفيه واحد منهم مات ودخلوا موسوعة غينيس لأكثر سعرات حرارية في الوجبة تخيلوا عندهم برقر السعرات الحرارية فيه 9900 سعرة والانسان الطبيعي المفترض ما يتعدى 2200 سعرة حرارية طبعا اللي طلبتها كانت دبل برقر وبدون بطاطس وكان فيها 2000 سعرة حرارية : طبعا الدفع عندهم كاش فقط وبعد الغدا خذت لفه على الفيرمونت وكان فيه عروض فردية ومحلات وفي الليل بيطلع شكله جميل وتوجهت لنقطة توقف عشان ارجع وكانت بعد مطعمنا على يسار

وهنا ركبت الباص الدور الثاني وكان متعة في الصف الاول






وقفت عند نقطة فندق ميراج توجهت للفندق لان فيه عرض The Beatles - Love اللي بحضره هناك وكان أكثر تقييم على هذا العرض في موقع تريب ادفايزر وصلت هناك قبل العرض بساعة توجهت لمكان العرض وكان فيه ناس قاعدة تنتظر يفتحون البوابة وصفيت معهم لان شايف امس عرض عليه سرا طويل جدا وقلت مدام ما عندي شي بصف معهم والعرض كان جميل جداً وممكن انك تشوف عينة في اليوتيوب لان التصوير كان ممنوع .

هنا داخل فندق ميراج





هذي تذاكر العرض



هنا بداية السرا



العالم قاعدة تصور هنا



هنا دخلونا نشتري من المشروبات وننتظر يفتحون البوابات





أول ما دخلنا خذت هالصورة والصورة الثانية بعد ما انتهى العرض





وهنا بعد ما طلعنا من العرض حشى حج مهب عرض



وبعد العرض طلعت اتمشى حول الفنادق ومريت نافورة بيلاجيو وبعدها جا هوا قوي ومطر ورحت الفندق





وقمت الصبح سويت تشك آوت طبعا كان فيه سالفة ما قلتها لكم قبل اللي هي أول ما دخلت الغرفة رحت اتفحص الثلاجة وأتفرج على المشروبات الروحية وأرجعها لمكانها وانتبهت أنه مكتوب أي شي يحرك من الثلاجة فأنه اوتوماتيك بيدخل في حسابي إذا جيت اسوي تشك آوت ويوم جيت أسوي تشيك آوت مجهز دموعي عشان أقولهم أني ما انتبهت سألتني الموظفة أنت شربت شي قلت لا قالت خلاص ما راح نحسبها عليك وطلعت من الفندق وخذت تكسي وأنا ماسك سرا عشان يجي دوري في التكسي أشوف كل الناس تعطي اللي يستلم الشنط منك دولار دولارين وادور معي ما لقيت الا 5 دولار واعطيه الدرس المستفاد خل معك صرف دائماً ركبت التكسي وتوجهت لمحل سيكست للتأجير وكان المشوار تقريبا ب 18 دولار وصلت وعطيتهم حجزي وطلبوا فقط جوازي والبطاقة الائتمانية والرخصة ولا طلبوا من الرخصة الدولية وسلموني BMW الفئة الثالثة وانطلقت إلى لوس أنجلوس .

هذي صورة السيارة وصور من الخط المؤدي إلى لوس أنجلس









وصلت الفندق وتفاصيله ذكرتها في بداية الموضوع وهنا صورة الغرفة ودورة المياة تكرمون





وبعد ما ارتحت في الفندق شوي طلعت بتعشى وكانت الوجهة إلى ان اند اوت



وبعدها رجعت للفندق للنوم وللاستعداد للغد .

 

Tamem غير متواجد حالياً   رد مع اقتباس
قديم 06-06-2015, 11:30 PM   #19

عميد العرب المسافرون

الصورة الرمزية مقدام
 
تاريخ التسجيل :  Dec 2014
رقم العضوية : 129
الدولة : الامارات
الجنس : ذكر
المشاركات : 2,034



أوسـمـة: مقدام

كل الاوسمة:1 (more»)
افتراضي رد: رحلة فردية للأراضي الامريكية ...


يعطيك العافيه على هذا التقرير الرائع بصوره وتفاصيله

زين ماحسبوا عليك المشروبات الروحية هههههه

وبانتظار باقي الرحلة المشوقه

 

مقدام غير متواجد حالياً   رد مع اقتباس
قديم 07-06-2015, 05:17 AM   #20

مميز العرب المسافرون

الصورة الرمزية |القحطاني|
 
تاريخ التسجيل :  Dec 2014
رقم العضوية : 620
الدولة : المملكة العربية السعودية
الجنس : ذكر
المشاركات : 7,228



أوسـمـة: |القحطاني|

كل الاوسمة:1 (more»)
افتراضي رد: رحلة فردية للأراضي الامريكية ...


ما شاء الله تقرير رهيب

بصراحة فكرة المطعم الأول غريبة شوي هههههههههه

وأحلى شيء مثل ام ذكرت الدفع أغلبه اذا مو كله بالفيزا وهي أفضل من الكاش وأمان من سرقة الفلوس

ولكن لا بد من وجود مبلغ كاش في الجيب تحسبا لأي أمر طارئ

الله يعطيك العافية

 

توقيع : |القحطاني|

...

|القحطاني| غير متواجد حالياً   رد مع اقتباس
إضافة رد

الكلمات الدلالية (Tags)
للأراضي, الامريكية, رحلة, فريدة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
المطاعم المشهورة في الولايات المتحدة الامريكية منيرة بوابة امريكا 22 18-07-2019 07:15 AM
ملتقى المتقدمين على الفيزا الامريكية 2015 آخـــرفـــرصـــة فيزا امريكا 19 08-03-2016 01:54 PM
.."أنانتارا" تجربة سياحية فريدة للسعوديين بجزيرة النخلة بدبي أبوعبدالله (الاسفار ) البوابة السياحية 11 02-08-2015 07:54 AM
بالصور ... 5 أماكن فريدة ستجعلك تفكر مرتين قبل أن تحجز غرفة في فندق! أبوعبدالله (الاسفار ) عام 19 01-04-2015 10:36 PM
معلومات عامة وتعريفية عن الولايات المتحدة الامريكية Impact بوابة امريكا 6 04-01-2015 06:15 AM

الساعة الآن 09:13 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO