السلام عليكم و رحمة الله وبركاته

شلونكم أخواني و خواتي الغاليين


لأول مرة أفكر أسافر لدول شرق آسيا .. من بعد سفرتي اليتيمة لتايلند لما كنت صغيرة مع أهلي

والسبب إني عشقت أوروبا بكل ما فيها و ما فكرت أغير عنها

يعني أبدا ما اعرف شي عن جوها متى احسن و شنو الاحتياطات من ناحية الثياب و غيره

اللي طرا هالمرة اني اخيرا اقنعت زوجي ناخذ اليهال معانا .. و حبينا الدولة اللي نروحها تكون مناسبة للاطفال

عيالي الله يحفظهم 6 سنوات - سنتين و نص - سنة و نص ... و أنا و زوجي و أمي الله يحفظها و يرزقني برها


سألت اكثر من شخص و كلهم مدحوا لي ماليزيا .. عشان تنوع الانشطة و الاسعار المناسبة

و صار لي أسبوع في المنتدى ألف في التقارير و أول ما جذبني تقرير الاخت دينا و شجعني ما شاء الله اني اروح


ما حجزت تذاكر السفر للحين بس مبدئيا بيكون من تاريخ 17/8/2015 إلى 28/8/2015 و إحتمال ينقص يوم أو يزيد يوم مو أكثر ... يعني في حدود 12 يوم

طبعا ودي أروح كوالالمبور ... لنكاوي .. و سيلانجور عشان الصن واي لاغون

السؤال هو ... لان المدة قصيرة ومعاي اطفال ... تنصحوني أزيد منطقة ثانية ؟
اذا اي .. هل أروح بينناغ أو ما تسوى عشان الوقت القصير والتنقل بيتعب الاطفال؟

و التنقل من منطقة للثانية أنا ما أفضل العبارات .. وايد اسمع يغرقون بشرق آسيا و اخاف منهم
لو كنت بروحي عادي بس اليهال و لاول مرة مكان بره دول الخليج .. وايد احاتي

هل الباص أو الطيارة ؟؟؟ ابي الاحسن و ليش ؟


و السؤال الاخير ابي توزيع المدة على هالمناطق ... و ابي اقترحاتكم لفنادق تتحمل عددنا على غرفتين بالكثير .. او جناح او شقة ...؟؟


اسألتي كثيرة و حاسة اني ضايعة قبل لا ابتدي ... بس عشقت زيزا الجميلة من عيونكم و تقاريركم .. و متشجعة وايد ..
بإنتظار مساعدتكم و كرمكم ...