السفر الى اوساكا وطوكيو

Prince Kytu · 14-12-2015, 06:40 AM

اقتباس : المشاركة الأصلية كتبت بواسطة مبتدئ

بالنسبة للتذاكر هل لما اوصل اقولهم اريد تذكرة فاست باس؟ عشن اتمكن من استخدام الفاست باس
ممكن تشرحلي طريقة استخدام الاله للفاست باس؟
هل يوجد اله للطابور العادي؟ يعني ادخل التذكرة مكان عشن لما يوصل دوري ادخل ولا بس اوقف ف الصف مثل الناس.

أول شي مكان آلات فاست باس غير عن مدخل اللعبة نفسها ولكن تكون قريبة منها ومكتوب عليها اسم اللعبة

هذي لوحة الفاست باست وتحتها الآلات
على اليمين حاطين وقت الفاست باس إذا أخذتها إلحين
يعني مثلا الحين الساعة 2 الظهر وعندك خيارين إما تاخذ الفاست باس كما هو واضح بالصورة للساعة 5:35 - 6:35 يعني ترجع للعبة تستخدم تذكرة الفاست باس بهل وقت
أو تنتظر 65 دقيقة (على سبيل المثال حسب الصورةعلى اليسار) في الطابور العادي
وعلشان تاخذ تذكرة الفاست باس تحط تذكرة دخولك بالجهاز ويقرا الباركود لها ويعطيك فاست باس عليها الوقت

والحين بعيد أشرح بخطوات بسيطة:

1. تشوف وقت الفاست باس وقت طابور الانتظار

2. تاخذ تذكرة فاست باس بإستخدام التذكرة الأصلية

3. تروح تلعب ألعاب ثانية أو تقضي وقتك بأنشطة أخرى

4. لما يصير موعدك للفاست باس تروح تدخل مدخل الفاست باس وتركب اللعبة

هذي خريطة آلات الفاست باس في ديزني سي

أنصحك بالبداية تتوجه حق Toy Story mania وTower of terror تاخذ وحدة منهم فاست باس وتركب الثانية إذا طابور الانتظار قصير

هذي خريطة آلات الفاست باس في ديزني لاند

أكثر لعبتين عليهم ازدحام Splash Mountain و Big Thunder Mountain
بالنسبة للنجمة هي مكان آلات فاست باس لعبة Star Tours

هذي خريطة DisneyLand (اضعط هنا)

هذي خريطة DisneySea (اضعط هنا)

إن شاء الله كل شي واضح وإذا في أي سؤال ثاني لا تتردد

مبتدئمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السفر مع عائلة	عبدالله 11	فيزا بريطانيا	12	09-05-2019 02:26 PM
اقتربنا من موسم السفر، ما هوالشيء الوحيد الذي لا يمكنك السفر دونه؟	وليد عنبه	البوابة السياحية	76	09-05-2019 02:25 PM
السفر من زيلامسي	fahad15	بوابة النمسا	1	19-05-2015 02:10 PM
السفر برا في امريكا.	bader264	بوابة امريكا	10	24-03-2015 12:11 PM