الله يسعدكم ابغى اهم الملاحظات والتنبيهات والنصايح بخصوص هذي الاماكن الي حاذكرها لكم
مثلا اذا في شي يحتاج اروحه بدري قبل الاماكن الثانية تجنبا للزحام
واذا مكان يحتاج وقت طويل لعمل جولة فيه
زي مثلا وحده قالتلي دولما بهجه يحتاج 3 ساعات وانتبهي ولدك لايبكي عشان الناس بتسمع من المرشد
الاماكن السياحية المدرجة ضمن الجدول
1_التوب كابي
2_دولما بهجة
3_حديقة أولوس بارك
4_برج السفير ومشاهدة عرض الهيليكوبتر
5_ميني ترك
6_عروض الدلافين
7_فيالاند
8_مقهى بيرلوتي
9_الاكواريوم
10_حديقة فلوريا
11_مركز التسوق أوليفيوم اوت لت
12_برج البنت
13_مقاهي اسكودار
14_جزيرة الاميرات
15_السلطان احمد
16_السوق المصري
17_شارع تقسيم
18_حديقة جولهانه
19_جولة البسفور

ان شاءالله اكون مانسيت شي خخخ

المتاحف وو القصور لو تروحولها مبجر احسن لانه زحمه عليهم وو قبل الظهر تجنبون الشمس لانه اغلبهم تكون اماكن مكشوفه
( وو ياريت تنتبهون ع الايام الي بتروحون فيها لانه في ايام تسكر فيه المتاحف وو القصور )
جزيرة اميرات لازم تروحلها الصبح مبجر تاخذ درب ع ماتوصلون الجزيره وو زحمه
وو برايي الجزيره تكفي عن رحلة البسفور يعني بعد رحله الجزيره ساعتين ونص بالبسفور بعد بتروحون رحلة بالبسفور لو تبدلونها بمكان ثاني احسن
شارع استقلال لو تروحونه الصبح افضل وو أأمن ..
الاسواق الشعبيه عادي اي وقت لانها بالاساس طول الوقت زحمه وو اشوف العصر مناسب لها
برايي حديقه اميرجان كوروسو من احلى حدايق باسطنبول وو اقل زحمه من جولهانه
وو لا تنسون بعد حديقه اولوس بارك تروحون اولوس كافيه المطل منه عجيب ..
ع العموم الجزء الآسيوي اقل زحمه من الاوروبي وو اقل بالتكلفه بعد ..
وو الله يوفقكم وو يسعدكم يارب ..

من مولات الاوت لت اعتقد اوليفيوم احسنهم وو اسعاره زينه وو بعد فيا بورت بس بعيد عند صبيحه
بس ما يختلف عن المولات الثانيه يعني اذا حاطه ابالج انه اوت لت ع ماركات عالميه اوروبيه ف لا اغلب محلاته ماركات تركيه
احلى مولات عندي فيالاند وو استينيا بارك وو زورلو وو فلوريا قعداته حلوه يطل ع البحر الي فيه الاكواريوم

فين الناس
فين النمسا وأ.ماجد
وفتاة الدمى وزهرة نيسان وعناقيد الربيع
المشكلة اني الى الان مابدأت في استفسارات طرابزون
يارب تعين