انتهينا من الحجوزات وباقي ترتيب الجدول تكفون ساعدوني

صقره 2013 · 11-08-2015, 11:12 AM

اقتباس : المشاركة الأصلية كتبت بواسطة النمسا

أختي سعرك اللي أخذتي رخيص جداً على موعد رحلتك - فعلى سبيل المثال قيمة التذاكر بتاريخ 10-9-2015 والعودة 24-9-2015 من الخطوط السعودية :

دمام - أسطنبول - مطار أتاتورك = 2750 ريال تقريبا للشخص الواحد
الرياض - أسطنبول - مطار أتاتورك = 3400 ريال تقريبا للشخص الواحد
جدة - أسطنبول - مطار أتاتورك = 3500 ريال تقريبا للشخص

سعر التكسي من مطار صبيحة تقريباً 140 إلى 150 ليرة حدود = 200 ريال فقط يعني سعر زهيد مقابل سعر تذاكرك اللي حجزتيهم

نصيحة اتكلي على الله ولا تخافين وتحاتين ولا ما راح تنبسطين في سفرتك - وأطلعي للمطار قبل 4 ساعات وبس

بديت اقتنع لما حسبتها ليا بالورقة والقلم

خلاص بإذن الله حاعتمد ع التكسي من وإلى المطار

انت لو تدري ايش صارلي في ماليزيا مع الباصات

اول ماوصلنا المطار رحنا على شباك التكاسي وطلع انه من المطار للفندق 80 رينقت
ويوم سعرت التكاسي طلع انها ماتكلف 12 رينجت

وطبعا طلعنا الباص

وقلتله سيلانجور

قام ودانا قرية اسمها كوالاسيلانجور

واحنا ماشيين في الطريق

حاسه انه مو مودينا على سيلانجور

وزوجي نايم في الباص خخخخخ وانا على اعصابي (ترا هذي اول مره اروح ماليزيا)

لان الاعضاء قالولي الوقت من المطار الى الفندق تقريبا ساعه الا ربع >>> شوف كيف الدقة في الاسئلة والاجابات

وودانا للقرية هذي والمشكلة محد يتكلم انجليزي

وياللاه لقينا باص على بعد المغرب يودينا سيلانجور

ولك ان تتخيل شكل القرية في الظلام وبهذلة تسحيب الشنط

وطول محنا راكبين الباص الثاني نقوله سيلانجور فندق بيراميد >>>> رجينا اهله

اخر شي نزلنا في نص الطريق وركبنا تاكسي ب40 رينجت

وماوصلنا الفندق الا واحنا بنموت من التعب

الطريق اساسا ساعه الا ربع واحنا خليناه 6 ساعات

يالله ايام حلوه مابقي غير الذكريات

بس عشان كذا انا دقيقة جدا في الاسئلة والله يعينكم عليا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ساعدوني في ترتيب الايام	k.s.a 2	بوابة سويسرا	7	12-07-2015 09:05 AM
ليلتين ضايعه في الجدول ساعدوني!	نجود	بوابة سويسرا	8	01-07-2015 12:11 PM
مساعدة في ترتيب الجدول لو سمحتوا........	الكمي	بوابة اندونيسيا	3	05-05-2015 12:25 AM
ساعدوني بحجز الفنادق تكفون ...	Fahadaaa	بوابة النمسا	5	11-03-2015 03:06 AM
واجهت مشكله فالحجز تكفون ساعدوني	عاشق سكوفيلد	بوابة النمسا	1	21-02-2015 07:58 AM