17-08-2015, 05:30 PM
|
#11 |
خبير تركيا
تاريخ التسجيل : Jun 2015 رقم العضوية : 4609 الجنس : ذكر المشاركات : 549
|  رد: انتهينا من الحجوزات وباقي ترتيب الجدول تكفون ساعدوني
 |
طيب الان نجي لطرابزون وماحولها
طبعا يومين طرابزون في فندق يالي بارك هوتيل
و5 أيام أوزنجول في أونال أوتيل الي قدام البحيرة وقريب جدا من المسجد 
أول شي كيف استخدم قوقل ماب وكيف ادخل الاحداثيات عليه
ياربي عندي هم من هذا الموضوع 
والسيارة طبعا ديزل لكن بتأمين ولا بدون
واذا رجعنالهم السيارة هل يرجعولنا التأمين
وبالنسبة لعدة الطبخ
ماابغى اشيل معايا شي
هل في تأجير للعدة عندهم ولا لا
وبالنسية لليوم الاول في طرابزون مطل بوزتبه >>>اصلا ماعجبني غيره
واليوم الثاني أكشبات وسيرا جول وحيدر نبي
واليوم الاول في اوزنجول حاخليه استكشاف للبحيرة>>> ودي افصفصها 
واليوم الثاني لآيدر
واليوم الثالث لريزا
ويومين ايش اسوي فيها ؟
اذا في روابط تساعدني الله يسعدكم حطوها هنا
واذا عندكم نصايح أو تنبيهات أو أي شي استفدتوه من خلال تجربتكم اكتبوه الله يكتب اجركم | |
أنا استخدم برنامج سايجك مايحتاج نت لكن هناك برامج كثيره ماجربتها
لأنّي مرتاح لسايجك يغنيني عن سؤال الناس والبهدله ومرتاح منه
لكن شلون انتي سعوديه وبتاجرين سيّاره انتي بتسوقين هناك !!!
نقطه مهمه انتي ذكرتي آيدر و ريزا
(اعتقد الاتراك يعنون بآبدر هي ريزا لانها تابعه لمدينة ريزا )
أنا رحت مدينة ريزا مالقيت فيها شي يسوى العنوه مدينه بسيطه جدّاً
اذا حالفكم الحظ واحصلتوا سياره رينو 2015 ديزل خذوها ترى هذي تكنلوجيا عجيبه
كانت عندي مثلها في آخر سفره لي قبل شهر ملأت الخزّان ديزل وصفّرت العدّاد
مشيت 600 كيلو والديزل ماوصل نص الخزّان وكنت بأصعد الى
جبل الالوداغ وخفت تطفي علي في وسط الطريق
لان مو معقول الخزان يمشي كل هذي المسافه , بغيت اعبي احتياط
لكنّي قسّيت قلبي وقلت مستحيل سياره
جديده ومخبّط مؤشّر الديزل وبعدها عدّيت الالف كيلو والخزّان ما انتهى شي عجيب .gif "(158)")
من ناحية التامين هم يقتطعونه ويقولون بعد اسبوعين نلغي التامين
لكن السنين الماضيه استاجرت اكثر من سياره في سفراتي لتركيا من عدّة شركات
وقبل سنه جاتني رساله من البنك بخصم مبلغ من فيزتي وبعد مراجعات
ومراجعات البنك اعترض على هذي العمليّه
اني ما عملتها وانها سرقه من بطاقتي وقبل اسبوع جاني رساله ورقيّه من البنك ان علي مخالفه مروريّه
مع اني متاكّد ماعملت اي مخالفه لكن من تعبي تركتها وقلت مشها لهم سنه مطارد من دون فايده
كيف اثبت لهم اني ماعملت أي مخالفه وكيف اعرف ان هذي الورقه تخصني انا لانها باسم الشركه
القصد من كلامي حتى لو وقفتي بطاقة الفيزا او قالوا لك ان نتاكّد من عدم وجود مخالفه
ونرجع التامين خلال اسبوعين
تتفاجئين بعمليّة شراء على بطاقتك بعد سنه
هذا الذي حصل لي شخصيّاً واعرف انها كذب لكن لايفضحون انفسهم بالسرقه الثابته عليهم
دبروها بمخالفه ليمشونها على البنك وشركة الفيزا
اقدر احاججهم لكن يحتاج مواجهه ومطارد وتمر الشهور والسنين | توقيع : سامي 224 | | 
|
التعديل الأخير تم بواسطة سامي 224 ; 17-08-2015 الساعة 05:39 PM
سبب آخر: ------
|
| |
2الاعجاب
العرض الشجري
المواضيع المتشابهه 
