|
تجربتي في استخراج الفيزا السياحية لمدة 6 شهور بسم الله الرحمن الرحيم السلام عليكم ورحمة الله وبركاته اولاً : احب اشكر جميع اعضاء هذا المنتدى على كل ما يقدمونة استفدت منهم كثيراً في ادق تفاصيل رحلتي بداية من تحديد الوجهات واستخراج واختيار الفنادق وتحديد الاماكن التي يجب زيارتها. ثانياً: في هذا الموضوع راح اذكر لكم تجربتي في استخراج الفيزا البريطانية السياحية لمدة 6 شهور من السفارة البريطانية في المركز الموحد لاصدار التأشيرات في الرياض وهذه ليست المرة الاولى لاستخراج الفيزا اول خطوة : تم التسجيل في هذا الموقع لتعبئة الطلب وحجز الموعد عن طريقه https://www.visa4uk.fco.gov.uk/home/welcome ويمكنكم الرجوع لموضوع الاخ اخر فرصة الله يعطيه العافية شرح كل شيء بالتفاصيل http://www.arabtrvl.com/vb/t1482.html كان فيه نموذجين قديم وجديد قمت بتعبئة القديم وبعد الانتهاء من النماذج تم حجز موعد عادي والدفع لعدد 6 اشخاص في تاريخ 11 جولاي الساعة 9 صباحا الاوراق الي جهزتها مع الابلكيشن في ملف لكل جواز: اصل وصورة من الجواز صور من التأشيرات السابقة ارفقت صورة لتأشيرة بريطانية سابقة وشنغن فرنسية وتأشيرة أمريكية صورتين شخصية حجز الطيران حجز الفندق كشف حساب تعريف عمل ومعنا مسافر طفل اقل من 18 سنة بدون والديه سويت مثل السنة الماضية طبعت خطاب موافقة الوالدين على سفر الطفل بدونهما موقع مرفق معاه صور من جوازات الوالدين ذهبنا للمركز مبكراً الساعة 8 ونصف وكنا اول الواصلين ما كان في زحمة على البريطانية الشنغن كانت ازحم وهذا طبيعي جدا جلست ننتظر في الطابور الى الساعة 9 تماما سمحوا لنا بالدخول اول شيء لازم تروح عند الكاونتر يعطيك رقم بعدين تدخل صالة العائلات وعلى طول جا رقمنا الموظفة كانت جدا سريعة ومتعاونة عطيتها الاوراق كاملة لكل جواز وخذت اول صفحة من الابلكيشن فقط ورجعت الباقي ورجعت الصور قالت نصور عندهم ولما وصلنا لجواز الطفل قالت لا اذا الوالده موجوده خليها تعبي هذا النموذج الي من عندنا لكن للأسف ام الطفل ما كانت معانا ف خلتني اوقع عنها على النموذج بعدها عطتني ملف فيه جوازتنا والاوراق قالت روحوا لغرف التبصيم وعلى طول دخلنا ما طولنا واحنا ننتظر يعني من تقديم الاوراق الى غرف التصبيم الموضوع اخذ فقط 15 دقيقة قالت لي راح تاخذ من 10 الى 20 يوم عمل بسبب الزحمة سألتني اذا حابه اخذها مستعجل او عادي لكن اخترت الخدمة العادية لان موعد السفر مطول 23 اوقست اتمنى اني افدتكم بتجربتي وبانتطار استلام الفيزا الله ييسرها لنا وشكرا لكم |
يعطيك العافية على التوضيح وبالتوفيق |
اللي فهمته من كلامك ان ما كان معكم تعريف من العمل بالراتب وان الموظفه خذت الابلكيشن اللي من موقعهم والاوراق الباقيه وش صار عليها ؟ |
شكرًا لذكرك تجربتك وان شاء الله تفرحوا بالفيزا بالتوفيق |
اقتباس:
لا كان معنا تعريف عمل وكشف حساب واخذتهم كلهم بس نسيت اكتبها وعدلتها شكرا انك ذكرتني الابلكيشن بس اخذت اول صفحة الي فيها معلومات عن الاسم ورقم الجواز ما اتذكر تفاصيل الصفحة وقالت انه الابلكيشن موجود عندهم بالسيستم وراح يرجعون له اذا احتاجو شي |
اقتباس:
الله يعافيك |
اقتباس:
ان شاءالله يارب |
شكرا لذكر تجربتك بالنسبه لكشف الحساب وتعريف العمل قدمتو نسخه وحده (الاصليه) لكل الجوازات؟ ولا الكشف الاصلي وصورتوه 5 نسخ لكل شخص صوره ؟ |
اقتباس:
طبعا الموظفة اول شيء راح تسأل مين متكفل بالرحلة وبتاخذه اوراقه اول شيء |
الله يعطيك العافية تفصيل رائع لخطوات التقديم مبروك التقديم و عقبال الفيزا كل شي سريع في البريطانية عدا ارسال الجوازات لذا التقديم المبكر مطلوب شكراً لطرح تجربتك |
| الساعة الآن 11:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO