|
تأخر فيزا النرويج تاريخ التقديم 23/5/2019 عدد شخص واحد موعدي كان الساعة 10 ص في مكتب تاشيرات الرياض ما كان فيه زحمة على سفارة النرويج قدمة جميع الاوارق وقالت الموظفة ان الفترة هذا ممكن تاخذ التاشيرة شهر قلت لها انا سفري بتاريخ 21/6/2019 يعني قدمنا شهر اخذ مني الموضوع اقل من ساعة وانا مخلص من عندهم لكن للأسف إلى الان ما طلعت التاشيرة\ اتصلت عليهم قبل يومين قالو زحمة الصيف وكثرة الطلبات هي السبب ؟؟؟ وكذلك دخلت فترة عيد الفطر والسفارة في ابوظبي اجزو 3 أيام. الرسالة وحدة اللي وصلني مهم بتاريخ 28/5/2019 ان الطلب تحت المعالحة في سفارة النرويح في ابوظبي. من اسباب التأخير اللي عرفتها ان فيزا النرويج للسعوديين ما تصدر من سفارت النرويج في الرياض !!! ترسل اوراقنا للسفارة في أبو ظبي وهم هناك يطلعون فيز للسعودين. وما زلت انتظر , وللأسف كنت اشوف فترة شهر قبل السفر كافية لإصدار التاشيرة من تجارب كثير منكم ومن الزملاء اللي أعرفهم وقدمو قبل كذا. وهذا انا متعطل واجلت اجازتي لحين صدور التاشيرة. ونقول لعليها خيرة وننتظر خبراتهم في مثل هذا الحالات |
. |
انا كمان لمن قدمت ف جده فااااضي ولما اتصل اتابع الطلب تقلي جدا مضغوطين المشكله قدمنا بتاريخ 12/6 وسفرتنا 14/7 وحسيت انه شهر كافي وزياده الله يستر احنا اصلا حتى ايميلات ومسجات مو قاعدين يرسلون والتتبع حقهم مايتغير تحت المعالجة ف مركر التاشيرات بس اتصلت قالتلي ف السفاره ف ابو ظبي |
للاسف عطلونا والسبب تحويل اوراقنا على ابو ظبي نفس الوضع عندنا في الرياض الشباك حقهم فاااااااضي |
فيه اخ سبق ذكر تجربته ف موضوعي هنا https://www.arabtrvl.com/vb/t41419.html#post479035 المشكله تجاربكم لا تدعو للتفاؤل ابدا اجازه العيد ماكانت طويله وكلكم اخذت منكم اكثر من ظ¢ظ، يوم عمل انا بالزبط من يوم التقديم ليوم السفر ظ¢ظ¢ يوم عمل الله ييسرها ويكتب الخير |
اقتباس:
:19: طلبه اخذ 37 يوم الين استلم الفيزا |
ياليت تبلغنا اول ماتستلمها يمكن تطمنا شويا |
بالمناسبةة انا كل يومين اتصل عليهم المشكله تقلي انت لسى ف الوقت الطبيعي للاجراءات وتاخذ 3-4 اسابيع وذحين موسم ووضغط وفيه ناس مقدمين مر قبلك ولسى ماخلصت جوازاتهم قلتلها بس انا من وقت التقديم للسفر شهر بالزبط وخايفة على كذا ماتخلص قالتلي كلمينا اخر الاسبوع والمسجات كل ما اسالها تقلي مشكله ف السيستم ومو كل الناس توصلهم مسجات طيب التتبع مايتغير ومايكتب الا انه الجوازات تحت الاجراء في المكتب الموحد |
أتصل اليوم الصباح على مكتب التأشيرات الموحد في الرياض بعد ما اخذو رقم الطلب, قالو باقي ما خلصت وتحتاج وقت زيادة ؟؟؟!!! وان سبب التاخير هو زحمة الصيف !!! وكذلك أجازة عيد الفطر السفارة في ابو ظبي اجزو 5 أيام. كان ردي ان هذا غير معقول السفارات الثانية خلصت فيز الناس ومعظهم ما تجاوز 3 أسابيع وان الحين اكثر من شهر ما خلصتوني (تاريخ تقديمي 23/5) __________________________________________________ _______ الساعة 2 الظهر جاني اتصال اليوم من سفارة النرويج في أبو ظبي س/هل باقي تبغى تسافر او الغيت خطة السفر ؟؟ ج/نعم ومستني الفيزا ترسلونها لي. وكان ردهم ان الموضوع يحتاج شويت وقت وراح تتأخر الفيزا ؟؟!! وسألتهم طيب متى بتخلص ؟ قالو نحتاج منك التالي:- 1.حجز تذكرة طيران ذهاب جديد ( ما يكون قبل تاريخ 4/7) لان الفيزا ماهو اكيد وممكون توصلك للرياض بتاريخ 30/6. ولا تشتري التذاكر شوف لك حجز مؤكد بس. (حجزي القديم كان بتاريخ 21/6 والغيته) 2.حجز عودة جديد. 3.حجز فنادق جديد. 4.تأمين سفر جديد. ترسل على أيميلهم visa.abudhabi@mfa.no (الاميل ماني متاكد منه لان اخذته منهم من غير تركيز بسبب اللخطبة والحوسة اللي تدور في راسي من اتصالهم ) 5.لازم ترسلها لنا في اقرب وقت ممكن وعاجل. انتهى الاتصال. __________________________________________________ _____________________ عند كم سؤال 1.تأمين السفر هل اقدر اعدل تواريخه (تكافل الراجحي) 2.افضل شركة سياحية ممكن تضبط لي حجز طيران موكد بدون ما ادفع قيمة الحجز. 3.هل الايميل اللي انا كاتبه هو الايميل الصحيح ؟؟؟ وشكراً لكم |
والله مدري ايش اقول لخبطو حسبة الواحد حسبي الله مو معقول اللي قاعد يصير بعدين اجازه العيد كانت 3 ايام بالعدد حسب موقعهم يعني مو شي محرز مدري الله يسترها انا مخططي مرتبط بطيران داخلي والتغيير فيه صعب شوي غير اننا ما شاء الله 5 اشخاص يعني الحسبة والخساير اضعاف بتكون اوكل امري لله وباذن الله تفرج وربي ييسر امرك اخوي |
وصلني معلومة من احد المهتمين بالسياحة والسفر ان اوراق المتقدمين لفيزا النرويج من الرياض تجمع وترسل في يوم واحد محدد في الاسبوع وكذلك ارسل الجوازات من ابو ظبي الى الرياض بنفس الآلية تجمع وترسل في يوم واحد محدد في الاسبوع ولا ترسل الاوراق بشكل يومي يعني ممكن يضيع من وقت اجراءات الفيزا حوالي 12 بس في سالفت ارسال واستقبال الاوراق في الرياض واظن نفس الالية في باقي المراكز |
وما نقول الا الحمد لله ولعلها خيرة |
1 مرفق ونعم بالله قبل امس منزلين اعلان ف موقع السفاره النرويجية ف ابو ظبي 24. Jun 2019 Delays in the Visa Information System The Royal Norwegian Embassy in Abu Dhabi is currently experiencing that the general Visa Information System is slow and the processing of visa applications takes longer than normally. The system is managed by euLISA in Brussels, and they are currently trying to solve the problems. Hence, the delays lie outside the Embassy in Abu Dhabi’s control. Regrettably, this affects the processing of visa applications. In addition, the Embassy is experiencing an increase in the number of applications. We apologize for any inconvenience this might cause and we will regularly update the situation on the Embassy’s homepage. |
اقتباس:
لاحول ولا قوة إلا بالله والله الموضوع تعقد اكثر من اللازم (ترجمة سريعة وبسيطة لبيان السفارة) "يقولون ان فيه ثقل وبطء في نظام المعلومات في سفارتهم في أبو ظبي. وهذا يتسبب في بطء اصدار التأشيرات, وان هذا البطء في النظام خارج عن إرادتهم وبسبب مشكلة في وكالة نظم المعلومات الاوروبية اللي في بروكسل. وهم حالياً قاعدين يحاولن يحلون المشكلة, وذلك كثرة الطلبات المقدمة على السفارة خلال الفترة هذة يتسبب في التأخير , وهم يتقدمون بالاعتذار لجميع المتقدمين على هذا التأخير" عدلت حجز الطيران والفنادق والتأمين الطبي , بعد اتصالهم بي على وعد منهم انهم يخلصون خلال عشر أيام. والله يستر لا تتأخير اكثر. |
كلمتهم اليوم طبعا نفس الكلام انه ضغط ومااعرف ايش والظاهر ح اضطر اغير حجوزاتي لانه شكله مستحيل تخلص ع الوقت انا لما قلتلها قدمت 12/6 قالتلي بالحرف اخر جواز استلمناه كان تاريخه 20/5 يعني انسي تخلصي بدري الله المستعان مرتبطة بطيران داخلي مااعرف كيف ادبرها خيره بالنسبة للايميل طلع صح تبع السفاره لان افكر اتواصل معاهم واشوف ايش ممكن اعمل هنا مافادوني ب اي شي كل ماكلمتهم قالولي لسى انت ف الايام الطبيعية لانجازها مافي تاخير لازم يعني اتتظر الين يعدي وقت رحلتي ! |
اقتباس:
للاسف التاخير هذا في السفارات هو الي يخلي الناس تسوي حجوزات وهمية ويدور سفارة اسرع في مدة الانجاز بالنسبة لتعديل التواريخ جرب تواصل مع شركة التامين الي اذكره فيه امكانية التعديل اذا ما بدا التامين الحجز ما يحتاج شركة سياحية ادخل اي شركة طيران واحجز حجز عادي ودخل البيانات واذا جيت للدفع خليه لاحقا ممكن تسوي الشي ذا مع اغلب شركات الطيران مثلا السعودية التركية وغيرها الايميل ممكن صحيح لكن لو تدخل موقعهم هنا فيه ارقام التواصل والايميلات في الامارات https://www.vfsglobal.com/norway/uae/contact_us.html تحياتي |
اقتباس:
الله يبشرك بالخير اذا اخر جواز سلموه كان بتاريخ 20/5 انا تقديمي بتاريخ 23/5 على وعدهم لي ان الاسبوع الجاي استلم الجواز |
الايميل الصحيح هو visa.abudhabi@mfa.no وتأكدت منه بعد اتصالي بمركز تأشيرات الرياض بالنسبة للتامين (تكافل الراجحي) بعد التواصل معهم بعد ما تشتري تأمين جديد ترفع طلب الغاء القديم واعادة المبلغ , وترفق معه التأمين الجديد, عند طريق موقعهم او عن طريق الايميل وجاني منهم ايميل يطلب ارفاق التأمين الجديد, وراح اوافيكم ايش يصير معي بعد كذا ان شاء الله |
الله يسخر لك ولنا المشكله يوم حسبتها بتأخر بعد حجزي اسبوع وبتحوس حوسة مابعدها لان عندي اكثر من طيران داخلي انا الموظفة لما قدمت قالت 14-21 يوم عمل ولما اتصل ع المركز ردهم الالي يكون انه حسب نوع التاشيره والرجاء الامتناع عن الاستفسار من السفاره عن طريق الايميل او الهاتف اذا كانت تحت الاجراء اخاف ارسل وينقهرون مني ياخروني زياده انا كنت اعتقد انه يمكن اللي سفره قريب يعطونه اولويه بس واضح من حالتك انه ماعندهم شي كذا |
يعني كم اخذت معاكم يوم |
اقتباس:
العالم محتاسة مابعد خلصو ولا استلمو التأشيرات وانت تقول كم اخذت يوم :9: كان الله في عونهم بس ..... |
انتظر اليوم يوصلني منهم اتصال او رسالة ان الجواز جاهز للإستلام بناءً على اتصال السفارة بي الأسبوع الماضي وان يتوقعون انه يوصل يوم 30/6 اتصلت علي مركز تأشيرات الرياض تأخرو في الرد على غير العادة ردة الموظفة متلخبطة ومستعجله وتبغى تنهي الاتصال بأي طريقة وواضح انهم ضايعين ولا هم عارفين يعطونك اي معلومه. تقول تواصل معنا نهاية الاسبوع ممكن يكون وصل بس ماهو أكيد السفارة طلبو مني يكون حجز الطيران يكون بعد تاريخ 4/7 اللي هو الخميس الجاي. نقول ان شاء الله يوصل قبل الخميس (:e219:تنبيه للي ناوي يقدم على النرويج إذا صدقو في وعدهم لي إذا استلم الجواز يوم الخميس راح يكون مدة استلام الجواز من التقديم 43 يوم ) |
اقتباس:
شفت ف تويتر ناس راحت استلمتها بنفسها عشان لا تتأخر الله المستعان ما اقول الا الله يخارجنا |
اقتباس:
شكراً على المعلومه والله إذا فعلاً جوازي جاهز واللي بيأخرني بس موضع أرساله للرياض الله يعين على المشوار بس كيف اتاكد ان الجواز جاهز ؟؟؟ لا السفارة ترد ولا مركز التأشيرات عندهم علم. |
الله يسهل امركم وامرنا |
راسلت السفارة قبل شوي, إن إذا جوازي جاهز عندهم ما عندي مانع أجيهم استلمه. وصلني منهم رد آلي أنهم بيردون على طلبي خلال من 3 إلى 5 أيام عمل :23::23: يعلم الله ان تورطنا في ذا السفرة . ولعل تجربتنا هذا تكون تحذير من بعدنا ان يصرفون النظر نهائياً عن السفر لهذ الدولة. إللي من الواضح انه متخلفه عن باقي دول أوروبا إللي خلصوا فيز الناس في موعد أقصاه 3 أسابيع من تقديمهم. ناهيك عن الغلاء الفاحش عندهم واللي رضينا نتحمله من أجل تجربه جديدة. واللي إلى لان للاسف تجربه سيئه. |
اقتباس:
|
شكرا لك واعتذر عن الرد عليك في الخاص لان نظام المنتدى يرفض أرسل أي شي ع الخاص لان عدد مشاركاتي قليل |
أالله يكون في عونكم ، والله أني أنغثيت قبلكم من تأخيرهم لكن الحمد لله أنا قدمت وباقي على موعد السفر أكثر من 80 يوم بالنسبة لنيتكم السفر لأبو ظبي ، والرأي لكم : للتو راجعت التأشيرة وحصلت التواريخ التالية لعلها تفيدكم تاريخ الطباعة المدون على الفيزا كان 9/6/2019 وتاريخ أستلامي لها من الرياض في 11/6/2019 |
والله يومين من تاريخ الطباعة الى الاستلام تفرق معي كثير خصوصا اني رحلتي نهاية الاسبوع وصعب اني اعدل الحجوزات من جديد بكرة ان شاء الله بانتظر ردهم على ايميلي اذا ما جاء رد اتصلت واشغلتهم الين اخلص |
لمن اراد التواصل مع سفارة النرويج في ابوظبي مواعد استقبال المكالمات من الساعة 1 م الى 2 م بتوقيت ابو ظبي يعني من الساعة 12م الى 1 م بتوقيت الرياض |
كان الله في عونكم ويسر أموركم |
اقتباس:
ردو عليك ؟ |
اقتباس:
معاملتي كان تلفونها مشغول ولا قدرو يحولوني عليها الى الساعة 1:00 م وقالو انتهى وقت استقبال المكالمات اخذو اسمي وجوالي ع اساس يعطون الموظفة المختصه تكلمني والى الان انتظر اتصالهم!!! |
اقتباس:
حاول تتصل عليهم من اول وقت استقبال المكالمات امس نزلو اعلان انهم شغالين ع الابلكيشنز اللي اتقدمت ف نص جون وان الاولوية حسب تواريخ السفر وينصحون الناس ماتدفع تذاكر او فنادق الين تاخذ التاشيره !! وكاتبين اقل شيء قدمو قبل بشهر الاغلبية مقدمين قيل بشهر واتاخرت عليهم !!!! |
لاحول الله سحبوا فيكم تسحيب ,, كان الله في عونكم وان شاء الله تفرج لكم وتسافرون وتستمتعون |
اليوم وصلني منهم ايميل انه جوازاتي ف السفاره مع ان من اسبوعين اتصل ويقولون ف السفاره وكاتبين تحتاج ظ،ظ¥ يوم من اليوم اللي وصلهم نفس الايميل كم اخذت وقت بالضبط من يوم وصلكم الايميل لاستلام التأشيره والله انا منهاره صعب صعب اغير او اعدل ف الرحلة |
كان الله ف عونكم |
ياليت صاحب الموضوع يفيدنا ويطمنا ايش صار معاه |
انتي ايش سويتي زهره اذا حجوزاتك مسترده عدلي انا للاسف طيراني للنرويج والفيز كله غير مسترد الله يعوضنا خير |
| الساعة الآن 09:03 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO