شبكة و منتديات العرب المسافرون - تجربتي للتقديم على فيزا شنغن من الفرنسية (في المكتب الموحد لإصدار التأشيرات بالرياض)

http://www.arabtrvl.com/vb/picture.p...ictureid=29774

بتكلم بالتفصيل عن تجربتي في المركز الموحد لإصدار التأشيرات بالرياض

لاستخراج فيزا شنغن من السفارة الفرنسية

بعد اكتمال كل المتطلبات ودفع رسوم الموعد 119 ريال

كان موعدي الساعه 8 صباحاً الخميس بتاريخ 23/04/2015

وصلت الموقع الساعه 7:40

http://www.arabtrvl.com/vb/picture.p...ictureid=35230

هذا المدخل الامامي صغير
و فيه مدخل خلفي

عنوان المكتب الموحد بالرياض عن طريق قوقل ماب

http://cutt.us/PlAhR
( من موضوع الاخ آخر فرصة )

لقيت طابور من 3 اشخاص صفيت وراهم
وفيه طابور ثاني للعوائل
وشوي شوي بدا الطابور يزيد
ومن الي شفته السفاره الفرنسيه الوحيده الي يداومون الساعه 8
من ناحية استلام جوازات واستلام طلبات استخراج الفيز

الباقين من 9 الى 9 ونص

دخلنا عبر البوابة الي فيها التفتيش او بالاصح كأنه تفتيش شغل على السريع الله يستر عليهم :(47):

طلعت للدور الثاني وعلى طول لقيت كاونتر كبير يوزع الارقام حقت الانتظار
الي فالنص مكتوب فيه للي يبي يستخرج شنغن
والي على اليمين و اليسار واحد لبريطانيا والثاني ناسي :(49):

وشفت حركة حلوه مدري من زمان ولا توني انتبهلها :(47):
مكتوب على نفس اللوحه الي مكتوب فيها لاصدار الشنغن زون B باللون الاصفر
وخط اصفر اول ما تاخذ الرقم ما يحتاج تسأل وين زون Bاو A

فنفس الارض خط باللون الاصفر تتبعه الى ان توصل للزون حقك زي خرائط الاندرجراوند
واعطاني رقم 5 كيف ما ادري مع ان موعدي مسجل بالساعه 8 يعني مفروض اول شخص

المهم مشيت مع الخط الاصفر وشطفت موقع تقديم الفيزا البريطانيه والي كان لي 3 تجارب معهم :yolks00310:

الشنغن بعدها على اليسار فيه واحد قبل لا تدخل توريه ورقة الموعد ويشيك على اسمك ويفتحلك الباب
http://www.arabtrvl.com/vb/picture.p...ictureid=35224

بعدها تدخل للموقع والي هو عباره عن كاونترات كثير لجميع دول الشنغن وفيه كراسي انتظار وغرف تبصيم

http://www.arabtrvl.com/vb/picture.p...ictureid=35231

جلست انتظرت حوالي 15 دقيقة جاء دوري اول ما جلست سلمت وكذا ومؤدب وكان الي ياخذ الطلب حقي من الجنسيه الهندية
وطبعا اغلبهم واكثرهم الي ياخذون الطلبات من الجنسيه الهنديه سواء حقين الشنغن او البريطانيه اغلبهم هنود

الا بعض الكاونترات للدول الي ما عليها زحمه زي فنلندا فموجود شابات سعوديات

المهم قلتله وش تبي اول شي
قال عطني ورقة الموعد وبعدها بشوي الابلكيشن وتاكد ان كل البيانات عبيتها وما خليت شي فاضي وبنفس الوقت يعبي هو على الكمبيوتر

http://www.arabtrvl.com/vb/picture.p...ictureid=35224

http://www.arabtrvl.com/vb/picture.p...ictureid=35223

وبعدها طلب جواز السفر
وبعدها صوره لجواز السفر
وجبت معي الجواز القديم وقلتله تراء معي فيزا بريطانيه فالجواز القديم وللحين ما انتهت قال تمام عطني اشوف
واعطيته الجواز وكنت مصور صفحة الفيزا البريطانيه لو طلبني
وبالفعل قال اعطني صوره للفيزا واعطيته

وبعدها طلب تعريف بالراتب وأعطيته مصدق من الغرفة التجارية وختم التصديق موجود فالصوره

http://www.arabtrvl.com/vb/picture.p...ictureid=35225

وبعدها التأمين الصحي
( انا عندي تامين صحي حق العمل فقالولي هنا فالمنتدى الله يجزاهم خير انو مقبول بس اتصل اتاكد من نفس شركة التامين
وبالفعل اتصلت على شركة بوبا اعطيتهم رقم عضويتي
وقالو عادي يشملك التامين الخارجي اذا تبغى نرسلك نسخه على الايميل قلت اوكي
وشرحولي كيف طريقتهم فالتامين الخارجي
انو اذا بتعالج بيكون على حسابي ولازم اخذ فواتير واذا رجعت لارض الوطن اقدم لهم الفواتير وهم يعوضوني على الي دفعته
وقالو ان في بعض الاشياء ما يشملها التامين فلو دفعت حقها ما راح نعوضك الا بالاشياء الي يشملها التامين
فانتبهو للنقطه هذي وانشاء الله محد يحتاج التامين

http://www.arabtrvl.com/vb/picture.p...ictureid=35226

وبعدها قال اعطني صوره لك
صوره وحده فقط

وبعدها جلس يطقطق على الكمبيوتر يعبي بيانات

قلتله معي كشف حساب من البنك تبغاه ، قال لا ما يحتاج

http://www.arabtrvl.com/vb/picture.p...ictureid=35227

كشف الحساب من بنك الراجحي ما يحتاج تختيم لانو يكون مطبوع فورق رسمي من البنك ومصدق
والورقة الثانيه بنك سامبا ورقه عاديه فمحتاجه تصديق الختم
الراجحي ياخذون رسوم 25 ريال لطباعة كشف الحساب :yolks00800:
سامبا مجاني

انا بغيت افقع وجه الموظف لانه قال ما يحتاج كشف حساب لاني قبل كم شهر حولت راتبي على بنك ثاني
واضطريت اني امر البنكين واخذ كشف حساب من كل بنك علشان ان طلبوه ما اتوهق وتكون اوراقي كامله

ومن بنك الى بنك مشوار وحر وسرا :yolks00110:

المهم بعدها كنت انتظره يطلبني حجز الفندق وهذا امره سهل حجزت من بوكنج واقدر الغي الحجز والمبلغ مسترد عادي

http://www.arabtrvl.com/vb/picture.p...ictureid=35228

المصيبه فحجز الطيران كنت اشوف بعض الناس يقول مهم والبعض يقول مو مهم ولا يطلبون
وقريت ان ناس انرفضت التاشيرات حقتهم بسبب حجز فندق او طيران

المهم اني حجزت حجز طيران مو مدفوع من موقع wego
وخليت الدفع استلام الفلوس من عند باب البيت :(41):
واتصلو علي بعد الحجز 3 مرات وانا اسمعهم احلى سيفون قوي ما رديت وكنسلو الحجز بعدها

عاد المهم عندي اني طبعت الورقة حقت الحجز وكان مكتوب فيها لم يتم الدفع :(47):

عاد انا حبيت اني اخاطر واغامر
وقلت ان صابت كان بها وان خابت ما عليه

http://www.arabtrvl.com/vb/picture.p...ictureid=35229

الزبده اني قلتله تبغا حجز طيران قال لا :(127)::(22):
بغيت اقوم اعطيها هزه على السريع بس سويت نفسي مو مهتم وكذا تمويه :yolks00520:

وبعدها قلتله ابي استلم الجواز من مدينه ثانيه غير الرياض عن طريق ارامكس
قال اوكي بـ 40 ريال

بعدها خلاني اوقع على ورقتين
وقلتله كم يبغالها قال 5 ايام
قلت اوكي
قال اعطني رسوم الفيزا 242 ريال
+ 40 حقت ارامكس يطلع الاجمالي 282

قلت ما معي كاش قال لازم كاش رح اسحب من صرافه خارج المبنى وارجع
رحت سحبت فلوس ورجعت وكان عنده واحد وانتظرت ثم اعطيته الفلوس قال رح بصم انتظر عند غرفة رقم 45
واعطاني الوصل حق الدفع وفيه رقم التتبع حق التاشيره الي من خلاله تشوف خلصت او لا

http://www.arabtrvl.com/vb/picture.p...ictureid=35233

ورحت انتظرت عند غرف التبصيم غرفه رقم 45

http://www.arabtrvl.com/vb/picture.p...ictureid=35232

وبعد 15 دقيقه جاء دوري دخلت وكانت موظفه سعوديه
قالت يالله بصورك الحين والصوره هذي هي الي بتكون فالفيزا
يعني الي بيروح يكشخ ويروح وهو مضبط وضعه للصوره :200:

بعدها تبصيم 4 يمين 4 يسار
وبعدها الابهامين وبعدها خلاص انتظر بحدود 5 ايام وتستلم الفيزا
واعطتني ورقة فيها معلومات التقديم نسخه عندها ونسخه معي
والصوره الي تتصورونها بتكون موجوده فالورقة

http://www.arabtrvl.com/vb/picture.p...ictureid=35236

وبكذا قضبت الباب
وانتهت الاجرائات والحين جالس انتظر
الله واعلم ش بيصير بيقبلون بيرفضون ما ادري

ننتظر 5 ايام وبنشوف

وراح احدث الموضوع اول ما يصير اي شي جديد

تحديث (1)
اليوم بتاريخ 27/4/2015
انتهت الاجرائات وتم تسليم الجواز لارامكس
التقديم الخميس 23 وانتهت اليوم الاثنين 27 يعني نخصم الويك اند منها
اخذت يوم ونص بالضبط امس الاوراق وصلت السفاره وبعدها على طول تحت الاجرائات
وقبل ساعه تقريبا سلموها ارامكس ، ما شاء الله شادين حيلهم سريع سريع :(127):

http://www.arabtrvl.com/vb/picture.p...ictureid=35575
تحديث (2 )
تم استلام الجواز من ارامكس
وفيزا الشنغن مدتها 3 سنوات :(35):

http://www.arabtrvl.com/vb/picture.p...ictureid=37286

http://www.arabtrvl.com/vb/picture.p...ictureid=37287

http://www.arabtrvl.com/vb/picture.p...ictureid=37288

ملاحظة عامه

لاحظت انو اغلب الي يجوون المركز معهم معقبين تلقاه جالس على الكراسي ينتظر والمعقب يروح يقدم الاوراق واذا خلص تقديم الاوراق يرجع المعقب ويقول انتظرو عند غرف التبصيم علشان تبصمون
يالله وش الكسل وايش المخ وش الغباء هذا مع احترامي الشديد هذولي ناس مغفله تستغل مادياً
مدامه جاي جاي علشان التبصيم خلاص يخلص اموره بنفسه

يعني كم اعطى المعقب الهندي علشان بس يجلس ويقدم الاوراق وما فيه اي شي صعب يعني اجلس اعطه الجواز و و و الخ
وخلاص روح بصم

ما يبغالها اختراع صاروخ

وبرضو حقين المكاتب السياحيه المعقبين حقينهم تلقاه يدخل وفي ايده 100 ورقه( الابلكيشن) وكل ورقة معها جواز سفر يا ساتر
انا بديت افكر افتح مكتب واقدم للناس
والله مكسب حلو

تشوفون فالصوره فوق وانا انتظر الي عند حقين التاشيرات كلهم المعقبين من الجنسيه الهندية :(158):

ناس ما تنبسط ولا ترتاح الا اذا دفعت مبالغ واجد

الله المستعان :(7):

وانت وحظك اذا طلب حجز طيران او حجز فندق او كشف حساب
ممكن ما اخذها مني لاني حاط انو فقط بروح فرنسا واجلس هناك 5 ايام :(47):

لتسهيل الاجرائات علي
ولا المخطط شي ثاني :(59):

الي بيحجز موعد انصحه يروح بدري الساعه 8 لانو بعد الساعه 9 زحمه مو طبيعه

اي استفسار فالخدمه دائماً

روابط تهمكم واستفدت منها من منتدانا الغالي

متطلبات فيزا الشنغن
لخبيرنا آخر فرصة
http://www.arabtrvl.com/vb/t384.html

نماذج فيزا الشنغن
لخبيرناآخر فرصة
http://www.arabtrvl.com/vb/t386.html

تحياتي لكم