X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...




العودة   شبكة و منتديات العرب المسافرون > العرب المسافرون ( بوابة التاشيرات ) > فيزا شنغن

عدد المعجبين5الاعجاب
إضافة رد
 
LinkBack أدوات الموضوع انواع عرض الموضوع
قديم 24-04-2015, 05:24 PM   #1

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



Lightbulb تجربتي للتقديم على فيزا شنغن من الفرنسية (في المكتب الموحد لإصدار التأشيرات بالرياض)







بتكلم بالتفصيل عن تجربتي في المركز الموحد لإصدار التأشيرات بالرياض

لاستخراج فيزا شنغن من السفارة الفرنسية

بعد اكتمال كل المتطلبات ودفع رسوم الموعد 119 ريال

كان موعدي الساعه 8 صباحاً الخميس بتاريخ 23/04/2015

وصلت الموقع الساعه 7:40




هذا المدخل الامامي صغير
و فيه مدخل خلفي


عنوان المكتب الموحد بالرياض عن طريق قوقل ماب

http://cutt.us/PlAhR
( من موضوع الاخ آخر فرصة )

لقيت طابور من 3 اشخاص صفيت وراهم
وفيه طابور ثاني للعوائل
وشوي شوي بدا الطابور يزيد
ومن الي شفته السفاره الفرنسيه الوحيده الي يداومون الساعه 8
من ناحية استلام جوازات واستلام طلبات استخراج الفيز

الباقين من 9 الى 9 ونص

دخلنا عبر البوابة الي فيها التفتيش او بالاصح كأنه تفتيش شغل على السريع الله يستر عليهم

طلعت للدور الثاني وعلى طول لقيت كاونتر كبير يوزع الارقام حقت الانتظار
الي فالنص مكتوب فيه للي يبي يستخرج شنغن
والي على اليمين و اليسار واحد لبريطانيا والثاني ناسي

وشفت حركة حلوه مدري من زمان ولا توني انتبهلها
مكتوب على نفس اللوحه الي مكتوب فيها لاصدار الشنغن زون B باللون الاصفر
وخط اصفر اول ما تاخذ الرقم ما يحتاج تسأل وين زون Bاو A

فنفس الارض خط باللون الاصفر تتبعه الى ان توصل للزون حقك زي خرائط الاندرجراوند
واعطاني رقم 5 كيف ما ادري مع ان موعدي مسجل بالساعه 8 يعني مفروض اول شخص

المهم مشيت مع الخط الاصفر وشطفت موقع تقديم الفيزا البريطانيه والي كان لي 3 تجارب معهم

الشنغن بعدها على اليسار فيه واحد قبل لا تدخل توريه ورقة الموعد ويشيك على اسمك ويفتحلك الباب






بعدها تدخل للموقع والي هو عباره عن كاونترات كثير لجميع دول الشنغن وفيه كراسي انتظار وغرف تبصيم





جلست انتظرت حوالي 15 دقيقة جاء دوري اول ما جلست سلمت وكذا ومؤدب وكان الي ياخذ الطلب حقي من الجنسيه الهندية
وطبعا اغلبهم واكثرهم الي ياخذون الطلبات من الجنسيه الهنديه سواء حقين الشنغن او البريطانيه اغلبهم هنود

الا بعض الكاونترات للدول الي ما عليها زحمه زي فنلندا فموجود شابات سعوديات




المهم قلتله وش تبي اول شي
قال عطني ورقة الموعد وبعدها بشوي الابلكيشن وتاكد ان كل البيانات عبيتها وما خليت شي فاضي وبنفس الوقت يعبي هو على الكمبيوتر









وبعدها طلب جواز السفر
وبعدها صوره لجواز السفر
وجبت معي الجواز القديم وقلتله تراء معي فيزا بريطانيه فالجواز القديم وللحين ما انتهت قال تمام عطني اشوف
واعطيته الجواز وكنت مصور صفحة الفيزا البريطانيه لو طلبني
وبالفعل قال اعطني صوره للفيزا واعطيته




وبعدها طلب تعريف بالراتب وأعطيته مصدق من الغرفة التجارية وختم التصديق موجود فالصوره






وبعدها التأمين الصحي
( انا عندي تامين صحي حق العمل فقالولي هنا فالمنتدى الله يجزاهم خير انو مقبول بس اتصل اتاكد من نفس شركة التامين
وبالفعل اتصلت على شركة بوبا اعطيتهم رقم عضويتي
وقالو عادي يشملك التامين الخارجي اذا تبغى نرسلك نسخه على الايميل قلت اوكي
وشرحولي كيف طريقتهم فالتامين الخارجي
انو اذا بتعالج بيكون على حسابي ولازم اخذ فواتير واذا رجعت لارض الوطن اقدم لهم الفواتير وهم يعوضوني على الي دفعته
وقالو ان في بعض الاشياء ما يشملها التامين فلو دفعت حقها ما راح نعوضك الا بالاشياء الي يشملها التامين
فانتبهو للنقطه هذي وانشاء الله محد يحتاج التامين




وبعدها قال اعطني صوره لك
صوره وحده فقط

وبعدها جلس يطقطق على الكمبيوتر يعبي بيانات




قلتله معي كشف حساب من البنك تبغاه ، قال لا ما يحتاج



كشف الحساب من بنك الراجحي ما يحتاج تختيم لانو يكون مطبوع فورق رسمي من البنك ومصدق
والورقة الثانيه بنك سامبا ورقه عاديه فمحتاجه تصديق الختم
الراجحي ياخذون رسوم 25 ريال لطباعة كشف الحساب
سامبا مجاني

انا بغيت افقع وجه الموظف لانه قال ما يحتاج كشف حساب لاني قبل كم شهر حولت راتبي على بنك ثاني
واضطريت اني امر البنكين واخذ كشف حساب من كل بنك علشان ان طلبوه ما اتوهق وتكون اوراقي كامله

ومن بنك الى بنك مشوار وحر وسرا




المهم بعدها كنت انتظره يطلبني حجز الفندق وهذا امره سهل حجزت من بوكنج واقدر الغي الحجز والمبلغ مسترد عادي







المصيبه فحجز الطيران كنت اشوف بعض الناس يقول مهم والبعض يقول مو مهم ولا يطلبون
وقريت ان ناس انرفضت التاشيرات حقتهم بسبب حجز فندق او طيران

المهم اني حجزت حجز طيران مو مدفوع من موقع wego
وخليت الدفع استلام الفلوس من عند باب البيت
واتصلو علي بعد الحجز 3 مرات وانا اسمعهم احلى سيفون قوي ما رديت وكنسلو الحجز بعدها

عاد المهم عندي اني طبعت الورقة حقت الحجز وكان مكتوب فيها لم يتم الدفع

عاد انا حبيت اني اخاطر واغامر
وقلت ان صابت كان بها وان خابت ما عليه




الزبده اني قلتله تبغا حجز طيران قال لا
بغيت اقوم اعطيها هزه على السريع بس سويت نفسي مو مهتم وكذا تمويه

وبعدها قلتله ابي استلم الجواز من مدينه ثانيه غير الرياض عن طريق ارامكس
قال اوكي بـ 40 ريال

بعدها خلاني اوقع على ورقتين
وقلتله كم يبغالها قال 5 ايام
قلت اوكي
قال اعطني رسوم الفيزا 242 ريال
+ 40 حقت ارامكس يطلع الاجمالي 282

قلت ما معي كاش قال لازم كاش رح اسحب من صرافه خارج المبنى وارجع
رحت سحبت فلوس ورجعت وكان عنده واحد وانتظرت ثم اعطيته الفلوس قال رح بصم انتظر عند غرفة رقم 45
واعطاني الوصل حق الدفع وفيه رقم التتبع حق التاشيره الي من خلاله تشوف خلصت او لا








ورحت انتظرت عند غرف التبصيم غرفه رقم 45



وبعد 15 دقيقه جاء دوري دخلت وكانت موظفه سعوديه
قالت يالله بصورك الحين والصوره هذي هي الي بتكون فالفيزا
يعني الي بيروح يكشخ ويروح وهو مضبط وضعه للصوره


بعدها تبصيم 4 يمين 4 يسار
وبعدها الابهامين وبعدها خلاص انتظر بحدود 5 ايام وتستلم الفيزا
واعطتني ورقة فيها معلومات التقديم نسخه عندها ونسخه معي
والصوره الي تتصورونها بتكون موجوده فالورقة







وبكذا قضبت الباب
وانتهت الاجرائات والحين جالس انتظر
الله واعلم ش بيصير بيقبلون بيرفضون ما ادري

ننتظر 5 ايام وبنشوف

وراح احدث الموضوع اول ما يصير اي شي جديد

تحديث (1)
اليوم بتاريخ 27/4/2015
انتهت الاجرائات وتم تسليم الجواز لارامكس
التقديم الخميس 23 وانتهت اليوم الاثنين 27 يعني نخصم الويك اند منها
اخذت يوم ونص بالضبط امس الاوراق وصلت السفاره وبعدها على طول تحت الاجرائات
وقبل ساعه تقريبا سلموها ارامكس ، ما شاء الله شادين حيلهم سريع سريع



تحديث (2 )
تم استلام الجواز من ارامكس
وفيزا الشنغن مدتها 3 سنوات














ملاحظة عامه

لاحظت انو اغلب الي يجوون المركز معهم معقبين تلقاه جالس على الكراسي ينتظر والمعقب يروح يقدم الاوراق واذا خلص تقديم الاوراق يرجع المعقب ويقول انتظرو عند غرف التبصيم علشان تبصمون
يالله وش الكسل وايش المخ وش الغباء هذا مع احترامي الشديد هذولي ناس مغفله تستغل مادياً
مدامه جاي جاي علشان التبصيم خلاص يخلص اموره بنفسه

يعني كم اعطى المعقب الهندي علشان بس يجلس ويقدم الاوراق وما فيه اي شي صعب يعني اجلس اعطه الجواز و و و الخ
وخلاص روح بصم

ما يبغالها اختراع صاروخ

وبرضو حقين المكاتب السياحيه المعقبين حقينهم تلقاه يدخل وفي ايده 100 ورقه( الابلكيشن) وكل ورقة معها جواز سفر يا ساتر

انا بديت افكر افتح مكتب واقدم للناس
والله مكسب حلو

تشوفون فالصوره فوق وانا انتظر الي عند حقين التاشيرات كلهم المعقبين من الجنسيه الهندية



ناس ما تنبسط ولا ترتاح الا اذا دفعت مبالغ واجد

الله المستعان



وانت وحظك اذا طلب حجز طيران او حجز فندق او كشف حساب
ممكن ما اخذها مني لاني حاط انو فقط بروح فرنسا واجلس هناك 5 ايام


لتسهيل الاجرائات علي
ولا المخطط شي ثاني


الي بيحجز موعد انصحه يروح بدري الساعه 8 لانو بعد الساعه 9 زحمه مو طبيعه



اي استفسار فالخدمه دائماً


روابط تهمكم واستفدت منها من منتدانا الغالي

متطلبات فيزا الشنغن
لخبيرنا
آخر فرصة
http://www.arabtrvl.com/vb/t384.html




نماذج فيزا الشنغن
لخبيرنا
آخر فرصة
http://www.arabtrvl.com/vb/t386.html


تحياتي لكم


 

توقيع : MOHANAD


التعديل الأخير تم بواسطة MOHANAD ; 02-06-2015 الساعة 01:55 PM
MOHANAD غير متواجد حالياً   رد مع اقتباس
قديم 25-04-2015, 05:27 PM   #2

المدير العام

 
 
تاريخ التسجيل :  Dec 2014
رقم العضوية : 15
المشاركات : 15,889



افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري


تسلم مهند ما قصرت
بدات الاجراءات تتسهل شوي شوي
وان شاء الله الجواز بما انه جديد يعطونك 4 سنوات
بالعمل اقولهم قدموا بانفسكم مع ان بعضهم مبصم يعني ما يحتاج يبصم مره ثانيه يقول لا اعطيه 850 ريال ويخلصها لي المكتب قلت يا ناس وربي حرام كذا
شكرا لك

 

شارلوك هولمزمعجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


فيصل غير متواجد حالياً   رد مع اقتباس
قديم 25-04-2015, 08:32 PM   #3

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري



تسلم مهند ما قصرت
بدات الاجراءات تتسهل شوي شوي
وان شاء الله الجواز بما انه جديد يعطونك 4 سنوات
بالعمل اقولهم قدموا بانفسكم مع ان بعضهم مبصم يعني ما يحتاج يبصم مره ثانيه يقول لا اعطيه 850 ريال ويخلصها لي المكتب قلت يا ناس وربي حرام كذا
شكرا لك
العفو يالغالي
وان شاء الله الاجرائات على طول كذا سهالات
وباذن الله ناخذ ال 4 سنوات ونريح

والله حاله انا شفت بلاوي فالمكتب يوم رحت صراحه استثمار ناجح المكتب السياحي

منور

 

توقيع : MOHANAD

MOHANAD غير متواجد حالياً   رد مع اقتباس
قديم 26-04-2015, 12:52 AM   #4

نائب المدير العام

الصورة الرمزية آخـــرفـــرصـــة
 
تاريخ التسجيل :  Dec 2014
رقم العضوية : 16
الدولة : فضاء العرب المسافرون
الجنس : ذكر
المشاركات : 25,122



افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري


ما شاء الله كعادتك يا مهند شرح سلس و رائع

و معاها تصوير كمان لا كذا ما نقدر

اذا ناوي تفتح مكتب بالنص بيني و بينك

العملية سهلة جداً بس لو رحت لمكتب يعمل منها قضية

تسلم يا عسل على التفصيل الممل لكل خطوة بالتقديم

خلاص صرت خبير ننتظرك ترد على الاستفسارات

 

شارلوك هولمزمعجبون بهذا.

توقيع : آخـــرفـــرصـــة



لا أكتب الا في شبكة و منتديات العرب المسافرون

آخـــرفـــرصـــة متواجد حالياً   رد مع اقتباس
قديم 26-04-2015, 01:12 AM   #5

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري



ما شاء الله كعادتك يا مهند شرح سلس و رائع

و معاها تصوير كمان لا كذا ما نقدر

اذا ناوي تفتح مكتب بالنص بيني و بينك

العملية سهلة جداً بس لو رحت لمكتب يعمل منها قضية

تسلم يا عسل على التفصيل الممل لكل خطوة بالتقديم

خلاص صرت خبير ننتظرك ترد على الاستفسارات

يسلمك ربي
قدام يالذيب يالله نفتح مكتب ونخلي مكتب فيغا يقفل ونستأجر بدالهم
ولا نخلي شغلنا عن طريق النت بدل الايجارات وكذا <<< مخطط وجاهز

و نرد ونساعد الاعضاء الباقين لكن خبير هذي مسؤليه خلينا كذا افضل

منور يا بعدي

 

توقيع : MOHANAD

MOHANAD غير متواجد حالياً   رد مع اقتباس
قديم 26-04-2015, 05:15 AM   #6

عضو قدير

الصورة الرمزية الغردقاوي
 
تاريخ التسجيل :  Dec 2014
رقم العضوية : 123
الدولة : أرض الكنانه - البحرالأحمر
الجنس : ذكر
المشاركات : 10,522



أوسـمـة: الغردقاوي

كل الاوسمة:1 (more»)
افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري


يعطيك العافيه أخي مهند على ذكر تجربتك الرائعه وبالتفصيل المفيد جدا
وأكثر شيئ عجبني أنك أول من يضع تجربته بصور من أرض الواقع
فلطالما سمعت عن المركز الموحد ولم أراه إلا هنا في تقريرك الجميل هذا ،
وبإذن الله تستلم الفيزا قريبا بمدة كبيره
وتمتعنا بتقرير فرنساوي رائع

تسلم إيدك

 

شارلوك هولمزمعجبون بهذا.

توقيع : الغردقاوي

ومما زادني شرفا وتيها
وكدت بأخمصي أطأ الثريا
دخولي تحت قولك يا عبادي
وأن صيرت أحمد لي نبيا
الغردقاوي غير متواجد حالياً   رد مع اقتباس
قديم 26-04-2015, 05:55 AM   #7

مسافر جديد

 
 
تاريخ التسجيل :  Mar 2015
رقم العضوية : 2316
الجنس : ذكر
المشاركات : 15



افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري


مشكور يالحبيب
في ناس ماهي كسلانه بس يخاف الواحد يروح ويتورط تحس الشغله معقده وهي سهله
المهم ما قلت حجز الفنادق طلبك اياه والا لا مثل الطيران زشكريا هبيبي

 

آخر مواضيع انس

انس غير متواجد حالياً   رد مع اقتباس
قديم 26-04-2015, 08:44 AM   #8

عضو قدير

الصورة الرمزية tab_el
 
تاريخ التسجيل :  Dec 2014
رقم العضوية : 25
الدولة : KSA - Jubail
الجنس : ذكر
المشاركات : 1,587



أوسـمـة: tab_el

كل الاوسمة:1 (more»)
افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري


شرح جميل وواضح

تسلم يا مهند

 

tab_el غير متواجد حالياً   رد مع اقتباس
قديم 26-04-2015, 09:23 AM   #9

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري



يعطيك العافيه أخي مهند على ذكر تجربتك الرائعه وبالتفصيل المفيد جدا
وأكثر شيئ عجبني أنك أول من يضع تجربته بصور من أرض الواقع
فلطالما سمعت عن المركز الموحد ولم أراه إلا هنا في تقريرك الجميل هذا ،
وبإذن الله تستلم الفيزا قريبا بمدة كبيره
وتمتعنا بتقرير فرنساوي رائع

تسلم إيدك
الله يعافيك الغردقاوي
والحمدلله انو حصلك فرصه تشوف المركز وان شاءالله عما قريب



مشكور يالحبيب
في ناس ماهي كسلانه بس يخاف الواحد يروح ويتورط تحس الشغله معقده وهي سهله
المهم ما قلت حجز الفنادق طلبك اياه والا لا مثل الطيران زشكريا هبيبي
العفو اخوي
وفيه ناس كسل وفيه ناس بالفعل من زود الخوف ويحس الشغله كبيره
ولا ما طلب اي حجوزات
منور



شرح جميل وواضح

تسلم يا مهند
العفو لاهنت

 

توقيع : MOHANAD

MOHANAD غير متواجد حالياً   رد مع اقتباس
قديم 26-04-2015, 10:58 AM   #10

خبير اوروبا

 
 
تاريخ التسجيل :  Feb 2015
رقم العضوية : 1789
الدولة : المملكة العربية السعودية
الجنس : ذكر
المشاركات : 2,360



أوسـمـة: أبو مهاب

كل الاوسمة:1 (more»)
افتراضي رد: تجربتي للتقديم على فيزا شنغن من الفرنسية (في المكتب الموحد لإصدار التأشيرات بالري


السلام عليكم

شكرا اخي مهند على الشرح المفصل والواضح

لاحظت اختلاف في الطلبات او السؤال عنها عن مكتب جدة

مكتب جدة يطلب حجز التذاكر والفنادق

وكشف الحساب فقط يطالع فيه وما ياخذه ، بس يطلب صورة من بطاقة الأئتمان

وخطاب التعريف من العمل وغير مصدق (قد يختلف حسب طبيعة مكان العمل) انا من موظفي سابك

 

أبو مهاب غير متواجد حالياً   رد مع اقتباس
إضافة رد

الكلمات الدلالية (Tags)
للتقديم, لإصدار, من, الموحد, المكتب, التأشيرات, الفرنسية, بالرياض, تجربتي, شنغن, على, في, فيزا

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تجربتي في استخراج فيزا شنغن من السفارة الفرنسية نجود فيزا 12 02-07-2015 05:12 PM
تجربتي مع مكتب التأشيرات الموحد وملاحظاتي nasa2 فيزا 5 12-06-2015 02:58 AM
تجربتي صباح اليوم بمكتب التأشيرات الموحد للشنغن الفرنسية .. الأثنين 23\3\2015 panadol night فيزا 24 20-05-2015 10:23 PM
هل يوجود غير المكتب الموحد بالخبر لاستخراج الشنقن الفرنسية ؟ مسافرة مسافرة فيزا 3 01-04-2015 10:58 AM
شنغن المانيا وموعد بمركز التأشيرات الموحد بجدة ksa2015 فيزا 4 09-02-2015 09:25 PM

الساعة الآن 09:10 PM
Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO