X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين34الاعجاب
إضافة رد
 
LinkBack أدوات الموضوع انواع عرض الموضوع
قديم 07-05-2016, 05:28 PM   #1

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



Post منطقة البحيرات ويندرمير Lake District windermer







الجزء هذا مأخوذ من نفس الموضوع الكامل

http://www.arabtrvl.com/vb/t17473.html




الثلاثاء 27 اكتوبر 2015 الى 30 اكتوبر
الليك ديستريكت ويندرمير





توجهة الى محطة
bradford interchange
اخذت تذكره من الجهاز الى
Windermere
بـ 33 باوند






فيها تبديلين للقطار
من
bradford interchange
الى
preston
ونغير هنا
من
preston
الى
Oxenholme Lake

وبعدها نغير من
Oxenholme Lake
الى windermere

المدة 2:30







وصلت الساعه 7:30




ويندرمير البحيرة الأشهر والاكبر في منطقة الليك دسترك
منطقة الليك ديسترك المعروفة بمنطقة البحيرات الواقعه فالشمال الغربي من انجلترا
فيها ما يقارب 15 بحيره

والاشهر والاكبر هي ويندرمير windermere

تندرج تحت مقاطعة Cumbria
صوره توضح موقعها في بريطانيا،







بعد الخروج من محطة القطار فيه محلات كثيره من ضمنها
محل تأجير سياكل
محل تأجير سيارات للمغامرات
محل تأجير اكواخ
مركز معلومات لخدمة السياح
وفيه محل للرحلات فالارياف
ومحلات خاصه بالملابس ومستلزمات الرحلات










صوره لبحيرة ويندرمير




خريطة بجودة عالية لمنطقة البحيرات pdf

http://www.lakedistrict.gov.uk/visit...elief_2010.pdf



خريطة بجودة عالية لبحيرة ويندرمير والفعاليات المتواجده حوالينها والقرى التابعه لها وبعض لاماكن المطاعم والسكن والقوارب مهمه ومفيده جدا pdf
http://www.lakedistrict.gov.uk/about...lans/?a=348818



وهنا خرائط كلها بجوده عاليه لمنطقة البحيرات بشكل عام
وخرائط لكل القرى فالمنطقة
وفعاليات وغيرها
موقع مهم جدا

Lake District National Park - Maps


وهنا رابط للموقع الشهير tripadvisor
للفعاليات الي متواجده هناك وتقدر تسويها وموقعها وتقييم الناس لها

https://ar.tripadvisor.com/Attractio...a_England.html


فنادق في

Bowness-on-Windermere
مطلة على البحيرة وبالقرب من كل الفعاليات

https://www.booking.com/hotel/gb/cor...rc=sr_iw_title


https://www.booking.com/hotel/gb/old...rc=sr_iw_title



https://www.booking.com/hotel/gb/the...e#availability







وكان القست هاوس قريب من محطة القطار واخذتها مشي






كانت اول مره لي ازور ريف او مدينة ريفيه وكان من زمان نفسي اروح الريف الانجليزي بس كنت أقول لحالي ماينفع والمفاجأة إنّو لحالي ينفع واستمتعت وتحسفت أني من زمان ما رحت
الي بيطلع مغامرات وتخييم وبيكون عنده مخطط كبير هذا لحاله ما ينفع


من اول ما تطلع من محطة القطار تشعر بشعور جميل بعيد عن المدن الكبيره والازعاج
كانت المحلات واشكال البيوت ريفية وجميله وبسيطه
كنت اشوفهم مظلات والجزم الطويله الي لنص الساق زي هذي





والبلاستيك الحامي من المطر

واكتشفت بعدين انو اذا ما اخذت احتياطاتك واخذت جزمه خاصه بالرحلات
لبعض الفعاليات بتاكلها وبتودع كل الكشخه والزين الي انت فيه
اكلت مقالب فالمطر والارض والطين مع اول يوم لين قلت اتسوووووووو ( واحد يعطس )

المهم كملت طريقي للسكن مرورا بمحلات كثير طابعها ريفي بحت
وكان فيه شارع رئيسي فوندرمير فيه كل الخدمات مطاعم وصيدليات وكافيهات ومحلات متنوعة بطابع ريفي جميل وبسيط
وصلت للبيت ( كوخ ) الي كنت حاجز فيه

واغلب السكن يكون فبيوت يديرها أصحابها وفيه كذا فندق بس بعيد شويتين من ويندرمير



وهذا موضوع عن القيست هاوس وتقييمي له

http://www.arabtrvl.com/vb/t12987.html




اكتفيت بجوله حوالين السكن وعشاء خفيف وبعض المستلزمات من السوبرماركت
وكان فيه أثنين كلها قريبه من بعض

وخلصت الجوله فوقت سريع من صغر المدينةوحسيت نفسي فاضي
استغليت الوقت رحت امشي مع كم تمرين وبعدها نوم





الإربعاء 28 اكتوبر 2015
الليك ديستريكت ويندرمير




صحيت وكان هالمنظر




وصاروخ ادور على الفطور ابغى اجرب فطور انجليزي ريفي







والي يديرون البيت جدا خدومين سيدتين كبيرتين فالعمر
بعد الفطور قالو عندك مخطط تعرف اماكن تروح لها تبغى خريطة


المخطط كان
الذهاب الى مطل واسمه
Orrest Head Viewpoint
وفيه مطل ثاني على البحيره
وفيه فعاليات قريبه فـ Bowness-on-Windermere
طبعا احب انوه انو وندرمير الي فيها محطة القطار وهي عبارة عن قرية صغيرة

ومسافة ربع او ثلث ساعه مشي للقرية الي بجنبها اسمها
Bowness-on-Windermere
والافضل الواحد يسكن فيها وياخذ باله اذا يحجز عن طريق البوكنق او اي موقع اخر
لان فعاليات الزوارق والرحلات تنطلق من Bowness

ومن ثم المرور على متحف للقوارب
ثم رحلة فالكروز


وهذا كان مخطط اليوم كله مشي



طلعت وقلت بسم الله و الوجهه كانت للمطل الاول the orrest head
وبعدها المطل الثاني
وبعدها اتوجهه الى Bowness
واشوف وضع القوارب والكروز
وبديت فالانطلاق












حديقة صغيره واشوف مالها داعي لان كل وندرمير عباره عن حديقة كبيره







وصلت للمطل الاول بس فعليا وصلت لنهاية الطريق كان فيه اشجار كثير ومبنى انا قلت يا ولد ما فيه مدخل ولا فيه طريق كيف يقولون فيه مطل ؟
وما شفت ناس يدخلون ولا يطلعون ولا يمشون كان شارع وسيارات قلت شكلي غلطان ولا الطريق طار







وسويت نفسي ما سمعت بالمطل مع انو هو لاجمل
وكملت للمطل الثاني وبدت تمطر
وماكان معي مظله كان مطر خفيف
وصلت للمطل الثاني على البحيره وكان يمشي حاله اخذت كم صوره ووقفت اتفرج وكانو ناس كثير يجوون بسياراتهم يوقفون ويتفرجون من السياره ويمشون انا لحالي الي نازل امشي
تحسون المطل زي المطلات الي فمدينة أبها
بس مع فارق الاشجار والبحيره وكل شي

وشكلهم نسو يقصون الشجر علشان الواحد يستمتع فالمنظر
وضعي كان قدام وجهي شجر واشوف وراه بحيره بس مو مستمتع




بعدها توجهت لبونز وكان نفس الشارع الي فيه المطل هو الي يوصل لبونز

وكانت البحيرة على اليمين واشجار واماكن مخصصه للمشي للبحيره بس سحبت عليها وخليتها لليوم الثالث













اورق الخريف فكل حته










وصلت لبونز





المتحف للآسف مغلق للتجديدات





وصلت وكان فيه كوستا كوفي والجو بارد فقلت لازم ناخذ شي نسخن فيه
وكانت زحمة اكثر من وندرمير وفيها كم فندق لكن غاليه حبتين



















وصلت وكان فيه رحلات بالكروز ( المركب )
مثل الي موجود بالصوره فيه 3 خطوط لسير الرحله






1- المسار الأحمر : من Bowness بأتجاه قرية Ambleside مرورا بقرية brockhole

تستغرق الرحلة حدود 70 دقيقة
وبأمكانك النزول في
Ambleside
و
brockhole


السعر لـ 2016
بالغين 10.50باوند
الاطفال 6.30 باوند

جدول الرحلات وحجز التذاكر اونلاين و خريطة توضح المسار

https://www.windermere-lakecruises.c...es/red-cruise/






2- المسار الأزرق : تنطلق من Bowness ويكون خط السير حوالين الجزر الموجوده فالبيحره تستغرق الرحلة حوالي 45 دقيقة
السعر لـ 2016
بالغين 8باوند
الاطفال 4 باوند


جدول الرحلات وحجز التذاكر اونلاين و خريطة توضح المسار
https://www.windermere-lakecruises.c...slands-cruise/





3- المسار الأصفر: تنطلق من Bowness الى الــ lakeside

يستعرق بحدود 90 دقيقة

مرورا على عدد من الفنادق و المعالم التاريخية مع تعليق يشرح كل منطقة

و الـ lakeside يوجد فيها متحف السيارات و أكواريم

و القطار البخاري الذي يبدأ رحلته من Haverthwaite إلى منطقة Lakeside
و العكس
السعر لـ 2016
بالغين 11باوند
الاطفال 6.60 باوند


جدول الرحلات وحجز التذاكر اونلاين و خريطة توضح المسار
https://www.windermere-lakecruises.c...yellow-cruise/



4- مسار أخضر: يبدأ من Brockhole إلى Ambleside
مرورا بـ Wray Castle Pier

يستغرق 50 دقيقة

السعر لـ 2016
بالغين 8باوند
الاطفال 4 باوند


جدول الرحلات وحجز التذاكر اونلاين و خريطة توضح المسار

https://www.windermere-lakecruises.c.../green-cruise/



المسار الاخضر بتشوفونه في Ambleside أو Brockhole










والي يبغى ياخذ العرض ويوفر لل 3 مناطق بيكون افضل له
اخذت تذكره للخط الاصفر
lakeside
بقيمة 10.80 باوند


وهنا اسعار المراكب والزوارق الصغيره





وهذا مخطط لسير الرحلات الي اخذتها














طبعا اول واخر مره ركبت مركب فبحر كانت فالجبيل
فقلت اجدد العهد
المدخل الخاص بالخط الاصفر وكل خط سير له مدخل خاص












انتظرنا شويتين جاء الكروز






ركبنا فيه وشي لا يوصف كانت مناظر جميله ما تدري وين تطالع يمين ولا يسار
وكان في المركب كوفي فيه اكلات خفيفه وجلسات من البرد والمطر وكان فيه دورات مياة
وكانت اغلب العوائل تحت منحاشين من البرد

























البحيرة كلها مليانه مواقف مراكب ويخوت صغيره خاصه وللايجار
وبعض الفنادق المطله على البحيره






























وصلنا الى الـ lakeside
والي كان فيه اكواريوم وفيه سكن
وفيه كذا محل ومنها ستاربوكس

وكان متواجد ايضاً رحله بقطار قديم شغال على البخار الى الان
ينقلك من ال lakeside
الى قرية Haverthwaite وبالتحديد الى محطة Haverthwaite railway
والركوب فالقطار مجاني للي كان فالكروز


والي جاي بالسياره وحب يجرب هذي الاسعار من الموقع
Standard Tickets | The Lakeside & Haverthwaite Railway
وفيه تفاصيل وكل شي عن القطار

واول ما توصل راح تلاقي لوحة للقطار

















بالنسبه لي كانت متعه جميله خصوصا انه يعيشك فالايام القديمه على بداية القطارات
شي جميل يستحق التجربه وراح تشوفون سائق القطار وهو شغال يحط فحم والدخان الكثيف المتصاعد من القطار ومسموح انك تتصور معه


وفالمحطة موجود كذا محل للهدايا وفيه مطعم ودورات مياه وفيه باص ينقلك للقرية Haverthwaite
الرحله بالقطار تاخذ تقريبا من 20 الى 30 دقيقة
ووقت الانتظار على بال ما يرجع القطار من 40 دقيقة الى ساعه

طريق سير القطار





بأمكانكم تضيعون الوقت بزيارة القرية بالباص او وجبه فالمطعم او التمشيه بجانب الخط السريع بين القرية والمحطة وهذا الي سويته وما يصلح للعوائل لانه اجتهاد مني
القطار والمحطة بالكامل كان ظاهر فيها وواضح تجهيز للهالوين وكان مضيف جو جميل




































الحمامات من الداخل على الشكل القديم

























هنا فيه شخص عنده كم نوع من البومه و كم طير
يخليك تحطها على ايدك وتتصور معها بس بفلوس






بنوته لابس لبس تقليدي قديم





بعدها رجعت بالقطار الى الـ lakeside
ومن البرد لازم ستاربوكس







وطلعت على الكروز الي راجع لقرية bowness
ولحد يخاف كل ساعه تقريبا فيه كروز راجع

وطريق العوده































وصلنا بالسلامه











للايجار كنت بجرب ،بس الي ما يعرف يسبح دايم يخاف ولو انقلب ولا صار شي رحت فيها







واخذتها مشي من bowness الى windermere







وبريك خفيف وفيمين الصوره دفايات معلقه تطلع هواء ساخن كانت شي خرافي ودك تتحضنها














واخيرا القيست هاوس













الخميس 29 اكتوبر 2015




لا يخفيكم اني كنت متحمس من المره الاولى علشان المطل الي يطل على windermere و البحيره the orrest head
بحثت على السريع فالنت وابغى اشوف وين هالمطل
وطلع المطل له اكثر من طريق بس صغيره ومو مبينه
فيه فندق قريب من المطل تدخل من عند الفندق وتلاقي الطريق
وهذي اللوحة تبين مكان المشي للمطل والوقت المستغرق للصعود 20 دقيقة
والارتفاع 784 قدم عن سطح البحر
ومكتوب الاماكن المطل عليها







ولا يخفيكم ان ركوب الكروز وسط البحيره والتنقل بين قرية وقرية اعجبني وقلت ليش ما اجرب الكروز بس يكون خط سير ثاني
اليوم الاول اخذت الخط الاصفر والمره هذي الخط الاحمر الى قرية ambleside

وكالعاده بسرعة بسرعة للفطور
واخذت مظله من نفس البيت الي ساكن فيه وهوووبا على المطل
كان الطريق الى المطل شي خورافي داخل غابة صغيرة واشجار وكانت اوراق الاشجار ما بين خضراء وصفراء وحمراء من فصل الخريف
كان المنظر والجو ابداع من الخالق





لوحات ارشادية كثيره محد بيضيع ابدا وكل مكان مخصص للمشي يكون له اسم































فيه بوابات كثير لاحد يخاف هذي علشان الحيوانات ، افتح وادخل
عاد اذا مكتوب ملكية خاصه حاول تتجنبها لا تجيب العيد









آحلى جلسة فالجو الخريفي







كراسي بين فتره وفتره تلقونها للي يتعب يريح





ووصلت للقمة والحذر الحذر اذا كان الجو ماطر
احتمالية ان تزحلق 100%






وصلت للمطل وكنت انا لحالي جاي بدري استمتعت فالمنظر شي جميل للتصوير
ومنظر مهما اتكلم عنه ما اقدر اوصفه ولا الصور توصفه
وفيه كراسي للجلوس للاستمتاع بالمنظر
فالصيف بيكون الوضع حلو لكن الايام الباقيه بيلفحكم الهواء
ولحد ينسى ثلاجة القهوه














































بعدها نزلت واخذت طريق للي يحبون المشي يمر من عند اكواخ وبيوت ريفية جميله الى ان وصلت للبحيره
وبعدها مشي بجانب البحيره وكانت المناظر جميله ناس طالعين علشان يمشون
وناس طالعين ومعهم عزبتهم وجالسين بجنب البحيره وناس تتشمس وناس راكبه قوارب
الى ان وصلت bowness



























ممرات جميله للمشي تفتح النفس على بساطتها












































وآخيرا وصلت للمطل الي لكم عليه وما لقيت له الا صوره
و بعد الخضار والوان الخريف الجميله اشتقت لشوفت الطعوس والرمال الذهبيه في ممكلتي الحبيبه









وبعد المطل
التوجهه الى bowness
عن طريق ممشى بجانب البحيره
وفيه كثير مداخل واسماء واحد منها زي الي فالصوره الجايه




































































هنا قفل الطريق ولازم الرجعه واكمال الطريق مع الشارع العام




















وهنا صوره لممشى آخر
دف البوابه واستمتع














وصلت الى bowness
رحت لمحل التذاكر وقلت تذكره للخط الاحمر قالت لحظة انت جاي امس وماخذ تذكره للخط الاصفر
قلت ايه وناسه وكذا شي جميل عاد استحيت الحين تقول هذا اول مره وكذا

وكان فيه زحمه ليش ؟
آكيد يوم مشمس وما صدقو الانجليز وطلعو بس رجع الجو وغيم

ركبت الكروز والى ambleside بصراحه الرحله جميله ولكن المناظر تكررت ونفس القرية كانت ممله او اني انا مليت ما ادري جلست فكوفي قلت احلل حق التذكره ورجعت بعدها

ونصيحه للي رايح
اذا ما عندك فعاليات فالقرى المذكوره فوق
فخذ الخط الاصفر وبتدعيلي





























وصلنا bowness وكان وقت المغرب والشمس غابت والمنظر جميل مع الانوار والبحيره













وطريق الرجعه طويل
قلت لابد من حبيب الشعب فالبرد










وبعد كوستا الى القست هاوس الي كانو مرقيني لغرفة مزدوجة















الجمعة 29 اكتوبر 2015




نزلت افطرت واخذت عفشي وودعت صاحبة البيت الي كانت جدا طيبه
وتوجهت لمحطة windermere الي كانت قريبة مني 5 دقايق مشي
















هذا كان جزء الليك دستركت
لاكمال الموضوع كامل
http://www.arabtrvl.com/vb/t17473.html

تحياتي لكم







 

توقيع : MOHANAD


التعديل الأخير تم بواسطة MOHANAD ; 12-05-2016 الساعة 07:41 PM
MOHANAD غير متواجد حالياً   رد مع اقتباس
قديم 07-05-2016, 05:53 PM   #2

مسافر فعّال

الصورة الرمزية PrinceOfPersia
 
تاريخ التسجيل :  Jan 2015
رقم العضوية : 1247
الدولة : الكويت
الجنس : ذكر
المشاركات : 1,146



افتراضي


ياااااااااااااااااااااا سلااااااااااااااااااااام

أمتعتنا بالصور وأتعبتنا بالجمال الرائع
تسلم الأيادي... ومتااااااابعين

 

توقيع : PrinceOfPersia

أبو عبدالله
PrinceOfPersia غير متواجد حالياً   رد مع اقتباس
قديم 07-05-2016, 10:27 PM   #3

المدير العام

 
 
تاريخ التسجيل :  Dec 2014
رقم العضوية : 15
المشاركات : 15,888



افتراضي


تسلم والله يا مهند
ما قصرت

 

توبليرونمعجبون بهذا.

توقيع : فيصل

الْحَمْدُ لِلَّهِ الَّذِي بِنِعْمَتِهِ تَتِمُّ الصَّالِحَاتُ

معرفاتنا بوسائل التواصل الإجتماعي


فيصل متواجد حالياً   رد مع اقتباس
قديم 08-05-2016, 04:47 AM   #4

مسافر متألق

الصورة الرمزية سفير جوجل
 
تاريخ التسجيل :  Jan 2015
رقم العضوية : 1021
الدولة : المملكة العربية السعودية
الجنس : ذكر
المشاركات : 449



افتراضي


امبلسايد حلوه ليش ما عجبتك ��
احلى شي انك تحوس بروحك
شرايك باللي راح للجهة الثانية من البحيره !!
لا تقول شلون ،،، لقيت نفسي هناك ��

 

توبليرونمعجبون بهذا.
سفير جوجل غير متواجد حالياً   رد مع اقتباس
قديم 12-05-2016, 07:39 PM   #5

مميز المملكة المتحدة

الصورة الرمزية MOHANAD
 
تاريخ التسجيل :  Jan 2015
رقم العضوية : 1299
الجنس : ذكر
المشاركات : 455



افتراضي



ياااااااااااااااااااااا سلااااااااااااااااااااام

أمتعتنا بالصور وأتعبتنا بالجمال الرائع
تسلم الأيادي... ومتااااااابعين

الله يسلم قلبك
تستحق الزياره


تسلم والله يا مهند
ما قصرت
العفو حبيبنا


امبلسايد حلوه ليش ما عجبتك ��
احلى شي انك تحوس بروحك
شرايك باللي راح للجهة الثانية من البحيره !!
لا تقول شلون ،،، لقيت نفسي هناك ��

حسيتها صغيره ماش
والخدمات الي على الـ pire مو ذاك الزود
وكنت مرهق وابي الرجعه ارتاح
ما فهمت عليك قصدك مشي ولا بالكروز ؟ تصير الاثنين
بس مشي والله متعبه كثيره بس متعه

 

توبليرون و الايمان معجبون بهذا.

توقيع : MOHANAD

MOHANAD غير متواجد حالياً   رد مع اقتباس
قديم 14-05-2016, 03:12 PM   #6

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : الكــويـت
الجنس : انثى
المشاركات : 11,009



أوسـمـة: q8ya metnaqla

كل الاوسمة:2 (more»)
افتراضي


الله يا مهند على هالتقرير قلبت المواجع يا حلوها ويندرمير وزادت حلاوتها من صورك وشرحك لها
تسلم الايادي

 

توبليرون, MOHANAD و الايمان معجبون بهذا.

توقيع : q8ya metnaqla

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla غير متواجد حالياً   رد مع اقتباس
قديم 14-05-2016, 08:16 PM   #7

مسافر جديد

 
 
تاريخ التسجيل :  May 2016
رقم العضوية : 9421
الجنس : انثى
المشاركات : 5



افتراضي


تقرير أكثر من رائع وجاء في وقته
ألف شكر أخوي والله يعطيك العافية

 

توبليرون و MOHANAD معجبون بهذا.

آخر مواضيع Gold


التعديل الأخير تم بواسطة Gold ; 14-05-2016 الساعة 08:22 PM
Gold غير متواجد حالياً   رد مع اقتباس
قديم 14-05-2016, 08:16 PM   #8

مسافر جديد

 
 
تاريخ التسجيل :  May 2016
رقم العضوية : 9421
الجنس : انثى
المشاركات : 5



افتراضي


تقرير أكثر من رائع وجاء في وقته
ألف شكر أخوي والله يعطيك العافية

 

MOHANADمعجبون بهذا.

آخر مواضيع Gold

Gold غير متواجد حالياً   رد مع اقتباس
قديم 24-05-2016, 01:12 AM   #10

خبير بريطانيا

 
 
تاريخ التسجيل :  Dec 2014
رقم العضوية : 178
المشاركات : 1,420



أوسـمـة: ابو عبدالله

كل الاوسمة:1 (more»)
افتراضي


الله عليك يا مهند ... جمااااال ... وش خليت ..وبالخريف بعد ... وشكلنا مثل بعض نحب الكعابي ... وحلو يوم رقوا لك الغرفه صرت كنك مغير المكان .... ماغثتك كلابهم وطامرت عليك

تقرير رائع كروعة حضورك دائما .. شكرا لك .. وبروح اشوف الموضوع الثاني

 

MOHANAD و توبليرون معجبون بهذا.
ابو عبدالله غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
منطقة البحيرات استبرق بوابة بريطانيا 13 17-05-2016 03:08 AM
( منطقة البحيرات - Lake District ) - شمال بريطانيا M.E اوروبا 22 05-05-2016 04:29 PM
WINDERMERE ويندرمير ( منطقة البحيرات السبع ) AHMEDOOV اوروبا 10 16-09-2015 12:29 AM
استفسار لعشاق منطقة البحيرات sulaiman اوروبا 2 18-06-2015 03:08 AM
منطقة البحيرات ،،؟ alon travel اوروبا 11 21-05-2015 05:09 PM

الساعة الآن 06:15 AM
Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO