|
استفسار عن حجز موعد السلام عليكم حجزت موعد للشنقن في المكتب الموحد بالرياض لكن ماوصلني الموعد على الايميل والحين ابغا الغي الموعد كيف واذا مارحت للموعد اقدر احجز موعد مرة ثانية |
و عليكم السلام على أي سفارة حجزت ؟ |
سويسرا |
|
انا حجزت بهذه الطريقة بس ما جاني على الايميل بيانات الموعد ورقم المرجع ولا اي رسالة منهم كيف اقدر الغي الموعد ومشكور اخوي |
سؤي موعد جديد أو تاكيدي من الايميل سؤي تحديث. ... |
اذا ماجاك ايميل يعني لم يتم الحجز اعملي موعد جديد و لو قال رقم الجواز مسجل اضيفي (.) نقطة نهاية رقم الجواز |
سويت حجز جديد واضفت صفر بعد رقم الجواز وماجاني على الايميل وبعدين سويت مرة ثانيه واضفت صفر يطلع لي انه الجواز موجود الموعد بكرة ان شاء الله ومارح نروح للموعد كنت ابغا الغية وما جاني على الايميل رقم المرجع طيب عادي اقدر احجز مرة ثانيه بعد شهر تقريبا ومشكورين |
سويت حجز جديد واضفت صفر بعد رقم الجواز وماجاني على الايميل وبعدين سويت مرة ثانيه واضفت صفر يطلع لي انه الجواز موجود الموعد بكرة ان شاء الله ومارح نروح للموعد كنت ابغا الغية وما جاني على الايميل رقم المرجع طيب عادي اقدر احجز مرة ثانيه بعد شهر تقريبا ومشكورين |
نعم تقدري تحجزين بعد شهر لا مشكلة |
مشكور اخوي طيب ليش ماتجيني رسالة على الايميل اذا حجزت ان شاء الله مرة ثانية اخاف تتكرر نفس المشكلة |
عادي تصير .. حتى أحياناً الجواز يخلص ورجع للمكتب ولا يوصلك مسج أهم حاجة اذا عملت الحجز اطبع الصفحة |
الصفحة مافيها بيانات الموعد ورقم المرجع فقط انه تم ارسال بيا نات الموعد للبريد |
اقتباس:
ان شاء الله ما تتكرر ولما تجي تحجزي مرة ثانية راح نساعدك لو واجهت نفس المشكلة |
يعطيك العافية اخوي |
السلام عليكم حجزت موعد وما وصلني على الايميل بيانات الموعد ايش الحل |
Home Logout Error in Application Appointment Letter Appointment Details Please remember to carry/send the below list of documents. 1 Your Passport. 2 Completed and signed application form. 3 Online Payment confirmation receipt. 4 Printout of the checklist for the visa type being applied for. 5 Supporting documents listed in the checklist. 6 The fee amount (If the payment was not done online). Thank You Download Pdf هذي الصفحة بعد ما خلصت حجز الموعد |
ورسوم حجز الموعد متى ادفعها ما في في الشرح طريقة دفع الرسوم |
صوري الشاشة اختي فضلا وليس امراً |
ماصورتها وطلعت من الصفحة |
اليوم اتصلت عليهم كلمني الموضف قال انه مو لازم يجيك ايميل انتي تعالي وتحصلين اسمك موجود |
نعم عندهم قائمة فيها الاسماء تلقين اسمك فيها و الدفع عندهم بالمكتب |
مشكور اخوي يعطيك العافية عندي بعض الاستفسارات : 1-بالنسبة للفيزاء عندي فيزا الراجحي تسوق احضر صوره لها ام لبطاقة الصراف فقط وضروري اشحن الفيزاء مبلغ الفنادق الفيزاء باسمي والفيزاء الي حجزت فيها السيارة باسم زوجي يعني احضر صور للفيزتين 2- الحساب ضروري يكون فيه مبلغ معين راتب زوجي اقل من عشرة (تسعة الاف ) احتمال لما اروح للموعد ما يكون في الحساب مبلغ لانه حجزنا الطيران وصرفنا 13 الف يورو وفرنك وهل ضروري اودعها في الحساب كشف الحساب لشهر واحد ام ثلاث اشهر 3- احنا شخصين وطفلين لكل شخص ملف واضع فيه نسخ للحجوزات وتعريف الراتب ام ملف واحد يكفي 4- النموذج فقط اعبية اون لاين ام اطبعه 5- هل يشترط في حجوزات الفنادق يكون اول فندق في بلد الوصول لانه وصولنا لجنيف والسكن في الريف الفرنسي فيرني فولتير |
اقتباس:
|
معليش اخوي مافهمت اكتب فندق الوصول في جنيف طيب انا حجزت في الريف الفرنسي والمدة الاكثر في سويسرا اول يوم الريف الفرنسي يومين يور ب بارك سبعه انترلاكن يوم جيس باخ يوم منتجع فالنسي يومين ديفون يعني الافضل اغير السكن في جنيف وبالنسبة للفيزا اصورها فقط من الامام لانه في الخلف رمز الامان ومايدققون على انه الفيزا باسمي مو باسم زوجي وحجز السيارة يطلبونه ؟ جزاك الله خير |
اخوي ماقلت لي الفيزا لازم اشحنها بمبلغ الفنادق والسيارة |
اقتباس:
الفيزا تستخرج من الدولة الاكثر اقامة و أعتقد هذا واضح للجميع ما فيه مكان الا قلنا الكلام هذا الآن حابه تقدمين على الفرنسية لازم تكون فرنسا اطول اقامة أو انت تخلينها الاطول بحجوزاتك اذا حبيت نعم الفيزا تصورينها من الامام اذا حجزتوا سياره قدموه و اذا ما حجزتوا قدموا حجز السكن اللي يثبت انه قريب من جنيف ما يشيكون على الرصيد |
لا انا مو حابة اقدم على الفرنسية قدمت على السويسريه لانها اكثر اقامة بس انا اقصد ضروري حجز الفندق في بلد الوصول جنيف وانا حجزت في الريف الفرنسي اغير حجزي واخلي اول فندق في جنيف |
اقتباس:
لا مو شرط الشرط أنك تقدمين حجوزات تثبت أن اقامتك بسويسرا اكثر فقط حجوزات الفنادق كلها دبسيها مع بعض و هم يشوفونها و يعرفون ان اقامتك بسويسرا اكثر |
مشكور اخوي وماقصرت باقي اخر استفسار عندي النموذج الي بالمرفقات مترجم عربي اطبعه نفسه و هو مترجم بالعربي واعبية طبعا بالانجليزي الترجمة الي في النموذج عادي ام لازم النموذج كلة بالانجليزي |
اقتباس:
نعم اطبعيه نفسه و التعبئة بالانقليزي |
هنا شرحت طريقة حجز موعد للسويسرية و منها ممكن تعبين النموذج اونلاين لو حبيت و تطبعينه بعد ما تنتهين |
مشكور جزاك الله خير في شرح تعبئة نموذج فيزا الشنقن مايفتح عندي نموذج سويسرا معبأ و السؤال 25 - مدة البقاء في منطقة الشنقن عدد الايام اكتب 15 يوم كامل المدة ام فقط المدة في سويسرا 10 ايام وبالنسبة للتوقيع اكتب اسمي كما فالجواز |
وفي المرفقات تعهد سويسرا اخذه مع النموذج وكيف اعبيه |
اقتباس:
استخدمي اي نموذج معبأ كلها مثل بعض مدة البقاء اكتبو 365 يوم عادي وقعي على الجواز وعلى النموذج والاسم يكون مطابق |
مشكور اخوي بس الجواز عندي ماوقعت عليه صفحة التوقيع فارغة ضروري اوقع على الجواز والتعهد في المرفقات اطبعه فقط ما اعبيه ؟ |
اقتباس:
لازم توقعين عليه و خليه سهل و مطابق لتوقيع النموذج حتى التعهد لازم تعبينه و توقعينه |
اوقع بكتابة الاسم عادي والتعهد مو عارفة كيف اعبيه |
اقتباس:
نعم عادي و التعهد فقط وقعي بالنص نهاية النموذج و الموظف يقوم بالباقي |
جزاك الله خير بس حابة اتاكد من سوالين 1_ اسم الفندق الذي تنوي الاقامة فيه اكتب اول فندق فقط ام كل الفنادق لكامل مدة السفر الفندق الي حجزته ما حصلت الايميل والفاكس فقط رقم الهاتف 2_ بلد الوصول جنيف والسكن في الريف الفرنسي اكتب جنيف |
| الساعة الآن 09:04 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO