|
تجربتي التعيسة للتقديم على الشنقن من سفارة المذلة ألمانيا يوم أمس بتاريخ 25 جولاي كان عندي موعد في المركز , موعدي كان الساعة 9 , رحت الدوام وأستئذنت للخروج .. حظرت قبل الموعد بربع ساعة ثم توجهت لمكتب الأستقبال لأستلام رقم , وكان زحمة شوي جا دوري بعد 7 دقايق بالضبط وأستلمت الرقم ,, توجهت مباشرة الى مكان تقديم الأوراق وأنتظرت ينادون برقمي وكالعادة أبو الشباب دايم متأخر في كل شي ولسا ماوصل ،، كويس أنا وصلت بالوقت المناسب لا يروح الموعد .. و تفاجأت بالزحمة :8: كنت شايلة هم الدوام أتأخر بزيادة ,, بعد أنتظار طال أكثر من ساعة ونصف , نادوا برقمي و رحت أسلم الأوراق لهم ,,,,,,, من هنا بدأ التوتر من شكل الهندي معصب ويسد النفس:20: أول شي طلبه مني التأمين الطبي , وبعدين طلب مني الأبليكيشن , جلس يناظر فيها وكأن موعاجبه وهو يقلب في الأوراق بعدين رماها بأتجاهي على الكاونتر بوقاحة وقال لي: فيه أوراق جديدة , هذا الأبليكيشن من النت ويتعبى أون لاين ,انتي عبيتيه بخط اليد وغير مقبول .... قلت طيب لما أعبي البيانات في الموقع فجأة تروح المعلومات ويفتح لي أبليكيشن جديد , فما كان قدامي خيار إلا أعبيها بخط اليد ... قال لي لأنك تاخذي وقت طويل في التعبئة أو ممكن من المتصفح لذلك يفتح أبليكيشن جديد وفيه نموذج خاص حق اللي يعبون بخط اليد ,وأعطاني نموذج مكتوب فيه بالأنجليزي والترجمة بالعربي , ورقة وحدة من الأمام والخلف نعبيها مع العلم كان أسلوب الموظف جداً سيء في الرد وطريقته في التعامل.. طلب مني كشف حساب وأعطيته و أخذ اللي حق زوجي و رجع الكشف اللي بإسمي ورجع صورة بطاقة الماستر كارد قال مايبيها ، طلب مني خطاب التعريف بالراتب وطبعاً الخطاب كان سالفته سالفة :20::20: خطاب التعريف بالبداية كان موجه للسفارة الفرنسية ،،، بعدين غيرت رأيي بعد صدور الخطاب قررت أطلع الفيزا من السفارة الألمانية و نظام عملي لا يعطي ورقة خطاب الا واحدة فقط كل ستة شهور !!!!! ،،،، هنا تورطت ماعرفت ايش أسوي .. أتصلت على خدمة العملاء وشرحت لهم الوضع وأفادوني كيف أتصرف ،، قالوا لي تشطبي على كلمة السفارة الفرنسية وتكتبي السفارة الألمانية ،، وجنب التعديل ختم من العمل والتوقيع ضروري برضوا لأن أي ورقة رسمية يتم الشطب فيها أو أي تعديل لازم ختم جانب مكان التعديل و ختم ..... ثم أرفقي خطاب تشرحي فيه سبب التعديل.. أنا سويت مثل ما قالوا لي بالإضافة قلت خلني أختم ورقة الخطاب ياللي شرحت فيه و أخليهم يوقعونه قسم شؤون الموظفين للأحتياط .... بنهاية الكلام في أقصى اليمين كتبت Requsted by وكتبت أسمي و وقعت و على اليمين كتبت Approved by: وكتبت قسم الآتش آر وخليتهم يوقعونه ويختمونه.... نرجع لموضوعنا لما سلمت ورقة خطاب التعريف بالراتب مع الورقة المرفقة ... الموظف الهندي فصل ورقة التعريف عن ورقة اللي فيها الشرح ورجعها لي بدون ما يقرأها ،،، قلت له اللي صار وان لازم يأخذ الورقة اللي فيها الشرح ،،، قرأها ورجع لي الورقتين يقول لي غير مقبولين :30: قلت له انا أستفسرت من خدمة العملاء وقالوا لي أسوي كذا و كذا .. قال لي ما أبغى أسمع كلام زيادة :63: << ويسوي بيده مثل الرمز... بعدها طلب مني الصور وأعطيته صور لي و لبنتي ولزوجي قال لي الصور غير مقبولين في الحجم متنرفز .. قلت له نفس الحجم المكتوب في الموقع :30: قال لي انا اقصد عن طول الوجه في الصورة لازم يكون 32 ملم ، وصور بنتي لازم ما يكون شعرها يغطي جبينها وقال لي خلاص روحي و أرجعي بكرة :19: هنا أنصمت وقلت شلون ارجع بكرة بعد هذا الانتظار والحر والشمس ..... رجعت للأسف الدوام وأنا محترق دمي من القهر ..... طلعت من الدوام و أخذت بنتي روحنا نصور تصوير مستعجل ... اليوم رحت لهم من 8 ونص وأنا أنتظر الموظفين يجون الى ان ابتدأ دوامهم وكان فاضي أخذت رقم من الأستقبال و رحت أنتظر لما جا دورنا رحنا لموظف غير موظف الأمس و أعطيته الأبليكيشن وسألته عن الصور الجديدة والصور ياللي قبل .... قلت له أي الصور مقبولين ؟؟؟؟!!!! قال كلهم مقبولين .... أرتفع ضغطي من موظف أمس بصراحة ضيع وقتي و جلست أمس في توتر .... وبالنسبة لخطاب التعريف و الخطاب اللي فيه الشرح سألته اليوم وقال لي السفارة أكيد راح يدقون عليك ويستفسرون منك ، كوني جاهزة لأي سؤال.... وسلامتكم. من هنا أستنتجت بأن الموظف اذا يبغى يمشيك يمشيك وإذا موظف استقعد لك خلااااااااص يعكر لك من جميع الجهات :73: أي سؤال أنا حاضرة.... بإذن الله بكرة راح أرسل لكم الأبليكيشن اللي أعطوني أمس ويكون تعبئته بخط اليد ..... أدعوا لي تطلع الفيزا بسلام ...... |
الله يعينك وبإذن الله كل تأخيره فيها خيره .. في هذه الحياه لابد أن نتوقع مثل هذه الأساليب الوقحه من أمثال هذا الهندي .. ياليت لو طلبتي مقابلة الشخص المسؤول ووضحتي له الأمر .. أتوقع بإمكانك الإتصال على خدمة العملاء وتقديم شكوى رسمية Sent from my iPad using Tapatalk |
أنتهيت من كتابة تجربتي ،، مع بعض الإضافات بالبداية وقت التعديل.. ربي ييسر أموري وأموركم:e022: |
اقتباس:
لكن ما أعرف أسم الموظف !! |
أتوقع عدد الموظفين محدود في المركز ممكن تحددين وقت المقابلة مع بعض التفاصيل.. اسأل الله أن ييسر أمرك .. موعدي للتبصيم الاثنين القادم وإن شاء الله مايواجهني مثل هذا الشخص لأن ممكن أرتكب فيه جريمه Sent from my X9009 using Tapatalk |
اقتباس:
يارب تطلع الفيز غير مرفوضة شايلة هم خطاب التعريف،،، وهم ضيق الوقت لأقتراب موعد السفر ... ان شاء الله مايطولون |
شكراً لطرح تجربتك نوعية الموظفين هؤلاء المفروض يتخلص منهم المركز و هم كثير بصراحة وهذا يدل على أن الاختيار خاطئ أصلاً ممكن الموظف يسهل أمور التقديم و ممكن يصعبها وهذا غير مهني المفروض يكون فيه ستاندرد معين ان شاء الله نبارك لكم بالفيزا |
لا الاحد الجاي موعدي ان شاءلله فين المركز الي فجده كان موعدك انا اخر مره سويت عندهم كانت فيه موظفه سعوديه عسل يارب اتوفق حتى المره هذي الله يسرها لكي ولنا وللجميع ان شاءلله |
الله لا يضيع تعبك وان شاء الله مبرووووك عالفيزا |
أنا اتمنى الموظفين اللي بالسفارات يكونون من نفس جهة البلد و سعوديين و اللي بالمكتب الموحد يكونوا سعوديين أو أقل شئ عرب .. نبي نفتك من هالعمالة اللي يكتب لنا الخير و لجميع الدول الإسلامية و العربية |
شكرًا لذكرك تجربتك بالتوفيق ان شاء الله |
اقتباس:
لكن ماعليهم لا حسيب ولا رقيب ، الله يكون بالعون،،، |
اقتباس:
اللهم امين ، ونبشر بعض،،، |
اقتباس:
اقتباس:
|
اقتباس:
|
ما تسوى علينا هالسفره طلعوها من عيوننا حسبي الله عليهم والله ماقد انضغطت نفسيا في سفره كثر هالمره.. لكن هانت باذن الله ان شاء الله تطلع تأشيرتكم الاسبوع الجاي واحنا معاكم وتسافرون وترجعون بالسلامه يارب وهذا درس قاس لنا اننا لازم نرتب امورنا بدري بعيد عن التوتر وضغط الاعصاب والله يكتب الخير لنا ولكم وللجميع |
اقتباس:
لكن الحمدلله على كل حال .. بإذن الله لما نسافر راح نغير جو و ننسى جزء من اللي صار هذا كله .. بإذن الله يمدينا نلحق على الفيزا ونستلمها ,, مرة خايفة يرفضونها ... بالذات السكن في النمسا جتني أمس رسالة ألغاء الفندق للحجز , ولا أعرف أيش السبب ,, و بوكينج ما أفادوني ,, ممكن السفارة تشيك على الحجوزات وتلقى الفندق ملغي وترفض الفيزا ... الله يستر :27: الله يوفقنا ويوفقكم ونستلم الفيز و ييسر أمورنا و أموركم يارب |
مايصير الا الخير ان شاء الله تشيك على مين وتخلي مين.. مستحيل السفارة بتجلس تشيك على حجوزات آلاف المسافرين الا اذا شكوا بأحد معين وهالشكوك عادة تحوم حول بعض الجنسيات او الافراد اما عائلة خليجية وبتسافر سياحة فتطمني ماراح يهمهم وين تروحون ووين تسكنون دامهم مطمأنين لوضعكم وانكم بترجعون لديرتكم..ومثل ماقلتلك التدقيق على جنسيات محددة خوفا من انهم يبلطون هناك ومايرجعون فقط لاغير والله اعرف ناس تحجز من النت وتطبع حجزها وتكنسله ثاني يوم قبل لايروحون السفارة والامور ماشية.. اصلا السفارات مايجهلها ان الناس تسوي حجوزات وهمية عارفين هالشي.. غيرك كثيييير فلا تشيلين هم |
الله يسعدك ويريح بالك ،،، الحمدلله تطمنت:72: |
أبشركم اليوم أستلمت الجوازات ,, ماشاء الله سريعين... بس الشي الغريب أعطوني الفيزا مدتها ثلاثة شهور أنا وبنتي بعكس زوجي أعطوه مدة سنة ... :12:ولا أعرف أيش السبب ,ممكن يكونوا غلطانين أو هل أحد عنده فكرة ؟؟؟ |
اقتباس:
ماشاء الله على البركه الالمان سرعتهم عجيبه:e50e: انا طلعت التأشيره لشخصين بعد 24 ساعه من التقديم فقط لكن كانت لسنه وحده:28: حطمت الرقم القياسي:29: واذا على مدة التأشيره اعتقد على حسب الباقي من صلاحيه الجواز وايضا ممكن على حسب الرصيد المقدم بكشف الحساب والوضع المالي هذا الي اتصوره واذا على الاختلاف بينك وبين زوجك هالشي طبيعي ويحصل دايم ان شاء الله سفره سعيده وموفقه:e032: |
ماشاء الله تبارك الله الف الف مبروك اخييرا.. مايهم ٣ شهور او سنه ماهي فارقه كثير هي تفرق بصراحة لما تكون 3او 4 سنوات ما اعطوك الا ٣شهور بسبب ان بنتك مضافة معك بالجواز.. بعد ماترجعون بالسلامة ان شاء الله طلعي لبنتك جواز مستقل.. سفرة جميلة وسعيدة باذن الله |
اقتباس:
ماشاء الله عليك طلعتها بوقت قياسي:14: لا بالعكس صلاحية جوازي لسا عليها ,, ينتهي ب 2019 باقي عليه ثلاث سنين.. وبالنسبة لرصيد كشف الحساب , قدمت لهم كشف حساب فيه مبلغ حوالي 80 ألف .. وحتى الرصيد كان أكثر من كشف حساب زوجي:25: وبالنهاية يحصل سنة وأنا ثلاثة شهور :4: |
اقتباس:
أنا تأملت يعطوني سنتين ههههه , بس يالله الحمدلله أحسن من ولا شي.. ممكن فعلاً كلامك صحيح ,, أعطوني ثلاثة شهور عشان بنتي معاي بنفس الجواز... أكيد ناوية أطلع لها جواز منفصل لما نرجع أن شاء الله ولا الحوسة اللي صرنا فيها ,, ياليتني غيرت الجواز قبل ما أطلع الفيزا .. بشرني أذا أستلمت جوازاتكم:e314: |
. |
الف مبروك عالفيزا ورحلة سعيدة ان شاء الله ولا تنسينا من التقرير |
أنتهيت قبل قليل من التقديم على الفيزا الألمانية في المركز الموحد بالخبر وكانت الإجراءات سهلة وميسرة ولله الحمد .. الوقت الإجمالي كان مايقارب ساعة ونصف .. ننتظر الفيزا وأسأل الله التوفيق للجميع Sent from my X9009 using Tapatalk |
اقتباس:
|
اقتباس:
لأن أنا اللي أعرفه قيمة الفيزا للشخص الواحد 250 والطفل مجاناً وأخذوا منا 769 لشخصين وطفلة سنتين ونص |
أخذوا مني 875 ريال شامل توصيل الجوازات عن طريق أرامكس وخدمة رسائل الجوال لشخصين بالغين وطفل ثلاث سنوات BoHathal |
اقتباس:
اللي أعرفه رسوم الفيزا 250 يعني لشخصين 500 + 5 رسايل جوال , طيب والباقي على أيش ؟؟ وبالنسبة للأوراق اللي قدمناها مارجعوا لنا منها ولا شي !! |
باقي رسوم المكتب (الموعد) 2*125=250 رسوم التوصيل 3*40=120 500+250+120+5=875 |
شكرا" لردك وتوضيحك يا أبومهاب.. جزاك الله خير BoHathal |
اقتباس:
لكن.. 500 رسوم فيزتين + 5 رسالة و بالنسبة لي ما أخذت توصيل عن طريق أرامكس ,, وهم أخذوا مني 769 ,, الباقي على أيش؟؟! |
769 مع قيمة المواعيد المفروض الموعد لشخصين لأن بنتك مضافة معك في الجواز سعر الفيزا قد يتكون متغير من سفارة الى أخرى (انا طلعتها من الفرنسية 253 ريال) اتوقع والله أعلم الفيزا من الألمانية 257 ريال تصير الحسبة كدة 257+257+125+125+5 = 769 الايصال اذا معاكي بيوضح كل التفاصيل لكن الأهم طلعت الفيزا وجهزي نفسك للسفر وفكري بالمتعة ان شاء الله اللي راح راح |
اقتباس:
يعني دفعنا كاش 769 ودافعين أون لاين للموعد 375 بنتي لازم لها موعد لحالها حتى لو كانت معاي بنفس الجواز , أنا أتصلت عليهم من أول وأستفسرت منهم لذلك حجزت لها موعد و لزوجي وبرضو لي وبالنسبة لسعر الفيزا قال لي الموظف 250 لكل شخص .. المشكلة الإيصال موعندي ,, بالنسبة للأوراق اللي قدمناها ليش مارجعوها لنا ؟؟؟؟ |
نعم اتفق معك مبلغ 875 ريال غير شامل رسوم الموعد .. يحتاج اراجع الفاتورة مره ثانيه BoHathal |
قدمت طلب التأشيرة يوم الخميس 28 يوليو بمكتب جده والى الان لاحس ولا خبر اخر رساله جاتني ان الجواز وصل السفاره في الرياض يوم الجمعه متى تتوقعون استلمها تراني على اعصابي:20: |
اقتباس:
الا لو حاسبين قيمة فيزا لبنتك (وهذا مستبعد لأنها أقل من 6 سنوات) في شي غلط بالنسبة للأوراق اللي قدمتوها ما ترجع حاله حال كل السفارات |
اقتباس:
انا راجعت الايصال اللي عندي (من مكتب جدة - الفرنسية) الفيزا 253 + الموعد 124 + البريد 40 - المجموع 417 بنتي 7 سنوات الفيزا 148 + الموعد 124 + البريد 40 - المجموع 312 الموعد دفعته اونلاين ودفعت كاش عندهم 481 |
| الساعة الآن 07:17 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO