|
استفسار عن فيزا شينقن للمقيمين السلام وعليكم ورحمة الله وبركاته انا مشتركه جديده بمنتداكم الاكثر من الرائع والثري جداً بالمعلومات وتجارب الاعضاء الاكثر من دقيقه بسرد ادق التفاصيل للمصلحه العامه وقفة شكر واحترام لكم اولاً:60: انا من مواليد السعوديه ومقيمه فيها وزوجة مواطن اريد بتقديم فيزا شينقن فرنسا او اليونان انا وزوجي غالباً بنتي ماراح اخذها فقط انا وزوجي في شهر ديسمبر وقت الكريسمس ورأس السنه واريد انا ان اقدم لعائلتي المكونه من والدي ووالدتي واخي واختي معنا للسياحه سؤالي هل استطيع انا اقدم لهم معنا فيزا شينقن وهم باستضافتي والمتكفل بالسفر زوجي وهل الافضل تقديم عائلتي على حدا وانا على حدا والدي مقيم بالسعوديه منذ اكثر من 38 سنه موظف في قطاع خاص له تجربة السفر لالمانيا واليونان ولكن قبل20 سنه اريد من الاعضاء المشوره وايضاً ماهي الاوراق الي تدعم الموقف لنثبت عدم النيه بالهجره وهذا هو الواقع بالفعل انا سبق وانا حصلت على فيزا شينقن 6شهور قبل 5 سنوات وايضا فيزا امريكا مرتين وحده من 4سنوات تقريبا او اقل والثانيه منذ عام بالضبط علماً ان امريكا لاتعطيني فيزا اكثر من سنه اعتمادا على الجنسيه ولكن زوجي بحكم انه مواطن 5سنوات ولدي تأشيره تركيا قبل 10 أشهر غير الكويت والامارات يمكن 20 مره وايضاً زوجي اهلي ماعندهم ولافيزا شينقن من قبل هذي اول مره بيرحون اذا الله وفق وجوازاتهم جديده تو مجددينها من شهر اخواني الولد 26 سنه لكن لديه صعوبات تعلم وصرع ولدينا اوراق وتقارير طبيه بحالته يعني ان اهلي مايقدرون يسافرون ويخلونه لانه معتمد على امي الله يحفظها اختي 33سنه غير متزوجه ارجو من اعضاء هذا المنتدى المساعده بالمشوره انا من المتابعين من زمان والان سجلت لثقتي فيكم وبوجهات نظركم الي ان دلت تدل على الثراء بالمعلومات بعيد عن المصلحه مثل مكاتب السفر سالت مكتب انا اتعامل معه من زمان قالي مسؤل الفيز اول مره انتي قدمي وزوجك وقدمي لامك واخوك واختك وبما ان زوجك مواطن فبيدعم موقفك وابوك يقدم اوراقه لحاله من المؤسسه الي يعمل فيها الحكمه ان زوجك مواطن فيدعم الموقف اكثر وايضا راح يعتمدو ان الوالد موجود بالسعوديه وهذا سبب لرجوع امك واخوانك وابوي لما يقدم لحال يكون العكس انه تاركه زوجته وبنته وولده وهذا سبب مقنع لعودته للسعوديه بعدها بمده رجعت سألته قالي قدمي لهم كلهم ابوك وامك واخوانك وان المتكفل هو انتي على اوراق زوجك وابوك يحضر التعريف وكشف الحساب الخاص فيه ويحطها ضمن اوراق التقديم حقتنا فأحترت اكثر فقلت مالي الا الله ثم اخواني اعضاء المنتدى الغالي |
عليكم السلام ورحمة الله وبركاته اول شي انتظري الخبراء يرودن عليك مع اني احس الموضوع مشربك شوي وياليت تفيدهم بالجنسية لأنها عامل مهم ولا تنسي التفاؤل بالنسبة لوجهة نظري أشوف انك تقدمي انتي وزوجك اولا الين تاخذي الفيزا بعدها تقدمي لبقية العائلة تحسبا عشان مايجيكم رفض كلكم وبالنسبة لتقديم العائلة قدمي كل ماتحتاجي لاثبات العودة للسعودية وانا حضرمي من مواليد السعودية قدمت فيزا لفرنسا وجاني رفض وبعد الاتصال بالسفارة وضحت لهم انا والد هنا ولي اكثر من اخت سعودية ومنزلنا ملك بإسم اختي والحمدلله اخذت الفيزا 3 شهور وقدمت مره ثانية وكمان اخذت 3 شهور عشان تاريخ انتهاء الجواز |
شكراً اخي على الرد الموضوع ماهو مشربك لاكن احياناً التعبير الكتابي يكون غير مفهوم ليس مثل الكلامي اسهل واسرع:25::e039: الحكمه اني اذا قدمت انا وزوجي مع اهلي باستثناء الوالد السفاره هنا تحط لاهلي احد اسباب تأكيد رجعتهم لارتباطهم بالوالد هنا بالسعوديه وهو لما يقدم لحاله من دونهم السفاره الي بيقدم فيها بما انهم ماقدمو معه بالتالي بتعتقد انه رجل تارك اهله بالسعوديه ومن الطبيعي بيرجع لاعتقادهم ان هذا من عوامل تأكيد العوده وضحت الصوره ان شاء الله طبعاً رداً على استفسارك عن الجنسيه إريتريا |
انت متى كنت مقدم المره الاولى والمرة الثانيه |
وعليكم السلام بدايةً نرحب فيك بيننا ياهلا و مرحبا وان شاء الله نساعدك بالمعلومة اللي تحتاجينها أعجبني اقتراح الأخ k1k90 وانا معاه تقدمي اولاً أنت و زوجك على شنغن فرنسا والطلبات واضحة عندنا وماتحتاجين خطاب تكفل او اي شي يقدم زوجك : كشف حساب 4 أشهر + تعريف راتب + صورة من كرت العائلة مترجم + باقي الطلبات المعتادة بعد حصولكم على الفيزا بمشيئة الله يقوم الزوج بكتابة خطاب تكفل لجميع افراد عائلتك ويكتب فيه أنه يرغب باصطحابهم ويتكفل بعودتهم ويرفق كشف حساب 4 أشهر مع تعريف راتب وممكن نعيد لكم صياغة خطاب التكفل حسب حالتكم لو حبيتوا وبالطبع هناك عوامل مساعدة مثل خطاب تعريف بالراتب من عمل الوالد مع تعهد بعودته ايضاً من صاحب العمل ما يهم هنا هو مقدار الراتب الشهري للزوج والرصيد البنكي بحيث يكون قادر فعلاً على التكفل بمصاريف الرحلة حتى لو كان والدك هو اللي يدفع شكراً لذوقك |
اشكركم |
اقتباس:
|
اذا كان راتب الوالد 12000 فابلغالب سيوافقون له اذا كان يوجد في حسابه رصيد يتجاوز 30000 طبعا احرصوا عند التقديم مايكون الوالد ادخل مبلغ كبير جدا او الزوج يفوق راتبه مثلا 5 اضعاف واعلى لانه من اكثر الاسباب اللي تم رفض الطلب فيها ثانياً احرصوا تطلعون الفيزا الاسبوع القادم لانوا حاليا مركز التأشيرات شبه خالي سفرة ممتعة بالتوفيق لكم اليونان بلد جميل فرنسا راح تكون باردة انا رايح ليفربول في شهر يناير ان شاء الله |
اشكرك اخي التايفون على الرد حساب الوالد لااعلم كم فيه بس اظن حسابه الراتب فيه يمكن 50 الف ماني متأكده بس ممكن اسأله واتأكد الوالد حسابه منتظم فقط ايداع من المؤسسه الي يعمل فيها فقط الي هو الراتب وايضاً عمليه السحب والايداع منتظمه تقريباً فعلا انا حريصه ان نقدم الاسبوع القادم لعده اسباب اولاً ان مافي ازدحام وايضاً بما انه ديسمبر فهذا شهر اعياد عندهم بالتالي هذا سبب الذهاب :58: بالفعل الوالد يريد اليونان زارها قبل20 سنه والى الان وده يروح مره ثانيه هل تنصحون تقديم فيزا عن طريق سفارة اليونان ام فرنسا ما الافضل |
كمفيم انا قدمت على الفرنسية وطلعت وقبل كذا كانت معي اليونانية ، لو كنت مكانك راح اقدم على الفرنسية من غير تردد لانها أسهل . |
اشكرك اخوي خالد الوالي وان شاء الله راح اقدم اما على الفرنسيه او الامريكيه وحده من الثنتين لاني متردده ايضاً بامريكا بما انه جو شتا وبرد افكر بفلوريدا العام الماضي زرت اورلاندو وميامي كان الجو اكثر من رائع وانبسطت فيها |
اقتباس:
وضعكم ممتاز ماشاء الله لذا لانستعجل قدموا انتوا اول على حسب رحلتكم لانكم راح تقدموا حجوزات فندقية وطيران اذا كان مخططكم على اليونان احجزوا فنادق من بوكنق وتذاكر طيران مؤكدة وقدموا ونفس الشئ اذا كان مخططكم على فرنسا الفيزا تستخرج من الدولة الاكثر اقامة |
اقتباس:
شكرا من القلب اخي اخر فرصه وان شاء الله بقدم على فرنسا خلال الاسبوع القادم اذا ماتغير المخطط الى امريكا لاني بديت اتردد عشان الجو بيكون بارد جداً وان شاء الله بكتب لكم تجربتي أياً كانت سواء اوروبا او امريكا وطبعاً مالنا غنى عن مساعدتكم وتوجيهاتكم :58: |
تحية طيبة ،،، هل من جديد ؟ |
اقتباس:
|
بالتوفيق انشالله |
:e446:[QUOTE=خالد الوالي;367037]بالتوفيق [/QUOTEتم التقديم امس الخميس الساعه 1 بعد الظهر عن طريق مكتب سياحي اتعامل معه ولي باع طويل معهم قدم جميع الاوراق مندوب المكتب بالبدايه جلس زوجي عند الموظفه وسالته رايحين سياحه قال نعم واخذت الاوراق الي تحتاجها وخلته يوقع على الابلكيشن نفس توقيعه على الجواز بعدين نادوني انا ووقعت ايضاً على الابلكيشن نفس توقيع الجواز طبعاً انا وزوجي جوازاتنا جديده كل الفيز السابقه بجوازنا القديم الجديد فقط فيه ختم دخول امريكا لزوجي بس الفيزا بالجواز القديم وهم مايخذون الا جوازنا الجديد رجعت الموظفه التامين الطبي لان كان نسختين واكتفت بنسخه وحده وايضاً الحجوزات سواء الطيران والفنادق وايضاً كشف حساب الادخار الي عندنا فقط اخذت اخر كم شهر من الي يودع فيه الراتب ورجعت صوره فيزا الشينقن حقتنا والفيزا الامريكيه وصوره من جواز بنتي السعودي والامريكي بعد مارحنا ننتظر التبصيم جلست اشيك على الي رجعته ورحت لها وسألتها ليش ماحطيتيهم بالذات صور الفيز السابقه كان ردها التامين يكفي واحد لان اسمكم الاثنين عليه والحجوزات يكفي واحد وصور الفيز السابقه الشينقن فهي قديمه من عام 2013 والفيز الامريكيه ماهي موجوده بجوازكم الجديد لذالك لايرفق استغربت ردها طبعاً الي خلاني ادقق بفضل الله ثم المنتدى وتجارب الناس الي كاتبينها فقلت لمندوب المكتب واستغرب انها رجعته وسكت عالطول كلمت مكتب السياحه مسؤل التأشيرات الي اتعامل معه وقلت اله الحاصل وانهبل ومو من حقها تاخذه غصب واجبريها قالي قوليلها تاخذه وان رفضت قولي لها سويلي شيك ليست بالاشياء الي اخذتيها وانك مارضيتي ترفقي الي اعطيك اياه وان تم رفضي احملك كامل المسؤليه وفي كميرات كل شي مسجل وروحي للمدير خالد لقيت بعدها المندوب وسالته انت كلمتها قال ايه ورفضت تستلم وعالطول رحت للمدير خالد وكلمته وجلس يقول عادي مو لازم قلت انا ابي ينرسل وراح معي للموظفه وقال ارفقي لها الي تبي بملف مرفق مع الطلبات الاساسيه ووقالت انا مارفضت هم ماقالو لي قلت نعم انا كلمتك وانتي قلتي مايحتاج لاء وجاك مندوب المكتب ايضاً نفس الرد سكتت بعد التبصيم كلمني مدير التاشيرات بالمكتب الي اتعامل معه قالي اطلبي شيك لست بكامل الاشياء الي اخذتها وتوقع عليها لانهم بعد ماتروحي يسحبو الاشياء الي ارفقتيها وقولي ان لك معارف بالسفاره هم الي طلبو كذا عشان لايسحبو اي ورق قلت تمام قلت لها وقالت اعطيك الورق وانتي اكتبي ووقعي قلت اوقع لنفسي ليه يعني انتي الي توقعين لي قالت انا ما اقدر بس اذا المدير يوقع كيفه رحت للمدير وكلمته ورفض يوقع وقالي كل الي ارسلتيه بيرفق قلت اوكي بس انا اشخاص من داخل السفاره هم الي طلبو مني ذالك عشان يمشون الي الاوراق بسرعه وايضاً الاشياء الاضافيه المرفقه هي مهمه وممكن بعد مااطلع تشيلونها مافي اي ضمان لي بانها ارفقت عصب وراح يجيب لي الشنطه الزرقا ويوريني ان كل شي موجود قلت يعطيكم العافيه واعتذرت عن الحاصل وقلت لهم انا اتصرف حسب ماوصوني فيه اشخاص داخل السفاره وهم بيتاكدو بعد مايوصل ايش انرسل وايش الي لاء تقبلو اسفي واعتذاري لكن واضح انه من غير نفس :32: |
انا اختي قدمت من اسبوعين بسبب هاذي الموظفة رفضت فيزتها لان الموظفة رجعت لاختي ترجمه الاقامة وقالت ما يحتاج بصراحة جدا مستهترة ، بس الي عملتية كويس عشان لو صار شي معك لا سمح الله تقدري تراجعيهم وتحاسبيهم . |
تصرفك كان ممتاز ،،،وانشالله تطلع لك الفيزا وامورك تكون تمام ،احسبي 9 ايام ابتداً من يوم الاحد الي جاي وراح تكون الجوازات في المكتب الموحد باذن الله مع الفيزا . ومبروك مقدما ،،، |
برافو عليك مو من حق الموظف او الموظفة رفض ارفاق اي ورقة تدعم طلبك بل ليس من حقه تقديم اي نصيحة او مشورة تخص التقديم على الفيزا لكن بنفس الوقت يجب علينا التعامل بكل احترام مع الموظف/ة وتقدير مايقومون به من جهود فلهم منا كل الشكر بانتظار التحديث وان شاء الله نبارك لكم بالفيزا |
اقتباس:
بالضبط انا قلت كذا كنوع من الحزم عشان الاستهتار الواضح |
اقتباس:
باذن الله اخوي خالد الوالي |
اقتباس:
تصرفي كان بناء على الالمام التام بالمنتدى وقرائة المواضيع والتجارب بحمد لله فعلاً فعلا لولا الله ثم المنتدى لما تصرفت هذا التصرف وانا بالمكتب الموحد كل مواضيع المنتدى الي بقسم تأشيرات الشينقن وايضاً نصائحكم كان تمر علي وهذا الي خلاني اتصرف بسرعه واكون حازمه بموقفي من غير اي انفعال بل بطريقه ادبيه واعيه وكنت اقدم لهم اعتذاري عن تصرفي لاني لا اقصد التعالي والتطاول لكن حق لي من حقي ما اتنازل عنه واذا مادعم موقفي ماراح يضره ناهيك اني بجوازي الي بياخذونه نظيف مافي اي Travel History ومايرفقون التاشيرات السابقه ايضاً هذا شي مو بصالحي ابد وايضاً الي طلبته من حقي وبالعكس الى اخر لحظه قبل خروجي كنت اقدم اعتذاري من القلب واني لا اقصد التشكيك فيهم ولا عدم تقدير لهم لكن انا طلبت شي وانتو رفضتو تلبونه بالتالي طبيعي موقفي حازم لكن مع عدم اهانه شخص او تشكيك فيه كنت اشد وارخي هم صحيح تقبلو اعتذاري لكن واضح الزعل عليهم بالذات المدير خالد ورجعت مره اخرى للمدير خالد واعتذرت مره اخرى وانه ليس تقليل وعدم احترام لهم لكن انا بموقف يسعدعي عدم التهاون وان ماطلبت شي خارج حقوقي وطلعت لهم منا كل التقدير والاحترام كلنا بنو ادام خطأون :20: |
Your Application FRRY/211217/0087/02, has been received at the Embassy of France on 27/12/2017. Processing time can be up to 15 days وصلني اليوم عالجوال |
اقتباس:
|
بارك الله فيك أخي الكريم |
وصلني اليوم رساله من المكتب الموحد مفادها ان الجواز جاهز للتسليم طبعاً جتني رساله وحده برقم ابلكيشن زوجي فقط انا باقي مافي اي خبر:59: استلمها المكتب وقالي فعلاً جواز واحد فقط الي وصل الي هو جواز سفر زوجي:26::16: |
أن شاء يصل جوازك |
ان شاء الله امورك بخير |
ايش صار على جوازك ؟ ان شاء الله عطوك الفيزا |
اقتباس:
ابد جالسين نحتري للان مافي جديد |
امس وصلني رساله من المكتب الموحد بان الجواز عندهم واليوم استلمها المكتب والحمد لله صدرت التاشيره واتوقع على كلامه مدتها سنه باقي ما استلمت الجواز لان عندي موعد بعد بكرا تقديم تاشيرة ����Uk ������ اشوفكم في بوابه تاشيرة بريطانيا وموضوع جديد وتحديثات جديده :e306: |
الف مبرووووووووك تستاهلي بانتظار موضوعك حق فيزا UK |
اقتباس:
الله يبارك فيك اخوي صاحب الإمتياز وان شاء الله نشوف حظنا مع uk دعواتكم :17: |
الف مبروك الفيزا :) |
اقتباس:
الله يبارك فيك اخوي |
كم المدة ومبروك عليك الفيزا |
اقتباس:
الله يبارك فيك اخوي مدتها سنه :e14d: |
مبروك الفيزا تستاهلين |
اقتباس:
تساهل الطيب والله يبارك فيك |
| الساعة الآن 11:44 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO